السلام عليكم ورحمه الله وبركاته كيف الحال طيبين اعضاء منتدى تغاريد تعودنا من اخواننا الاعضاء ان نشاهد قصص لهم متجددة في كل يوم وقررت انا واعوذ بالله من كلمه انا اني انزل قصه عن طلعتي اليوم للبر مع عيال عمي في منطقه تسمى ام رقيبه للمزاين الابل في حفر الباطن وهي على النحو التالي : في بدايه الوقت كنا مترددين انا وعيال عمي لان الجو كان ما يصلح لانه متقلب مرة غبار ومرى شمس ومرة مطر <<< نصاب يا شيخ صار لنا شهور ماجانا مطر الوكاد اننا الساعه 2 الظهر قررنا اننا نمشي ونطلع للبر ورحت طبعا انا وعبيت بنزين واخذت معي الفرشه وعلوم الرجال من عصير وجالكسي وببسي <<< هذا علوم الرجال المتحظرة وركبت الموتر وطلعنا وصراحه من الشوق لها كنا مسرعين يعني كنت امشي فوق 220 كلم ربك ستر علينا والا رحنا ملح خخخخخخخخخخ الوكاد بالطريق جلسنا نسوالف ونضحك وندردش واول ما وصلنا هناك لام رقيبه حصلنا واحد (( مغرز )) جنب الشارع وانا اقولهم يا عايل شوفوا هذا الغشيم وين مغرز وضحكت عليه لين قلت بس خخخخخخخخخ عاد قالوا لي ياولد لا تضحك لا الله يبلاك قلت ياشيخ عاد اغرز جنب القار لو اني توني متعلم السواقه ما اغرز قال لي واحد من عيال عمي انزل من هنا هذا هو الطريق الي يودي للطعس وانا انزل من القار واول ما وطت سيارتي الرمل وهي تغرز وابي منها واحاول وقالت هذا مكاني والله ما اتحرك خخخخخخخخخخخخخ قال لي الي جنبي : شف ضحكك على الرجال شف الله وش سوى فيك والله ونقعد نحفر وندفن لمدة ساعه ونص لين جاء راعي جيب وقلصنا بحبل وانا ما راح من بالي الي ضحكت عليه وبعده طلعنا للمكان التطعيس وقفنا موترنا ونزلنا الا والناس مهي طبيعيه في ناس تركض وفي ناس ملابسه مشققه وفي ناس تطفي خيمه محترقه اثر السالفه هوشه بين شله وشله واكثر الناس الي تمر جنبنا شايله سلاح هذا الي شايل سكين وهذا الي شايل ساطورة وخلها على ربك بس انواع المجرمين الي يشوفهم يحسب يحسب روحه في شيكاغوا او هونج كونج خخخخخخخخخ << اتوقع اني قلتها صح وجلسنا نتفرج على التطعيس وعلى الدداسن << بس انا هنا رحت وطي ,,,, وقبل المغرب بشوي جوا لنا الشله اللي مضروبين وقعدوا يناظرون فينا قلت يا ولد عسى ما يكون في احد بس يشبهنا من الشله الثانيه وابشركم طلع واحد منهم يعرفني وجاء وسلم علي وطلعنا خوياء وزال الخطر عنا ابشركم خخخخخخخخخخخخخ عاد صورنا كم صورة وانشاء الله انه تعجبكم وهذا اول الصور وهذا الصورة الثانيه وفيها صورتي وهذا الصورة الثالثه وفيها ددسن (( فديتها والله )) خخخخخ وهذا الصورة الرابعه وهذا الصورة الخامسه والقصد كله من الموضوع هو : اولا اني ودي اشوف الردود على مثل هذا القصص لكي استمر حينما اشوف التشجيع منكم مع ان القصه قديمه والصور قديمه لكن حبيت انزلها لكم واتمنى انه تعجبكم القصه وثانيا ,,, هو عرض للصور الطبيعيه وصور للبر اخوكم صعب المنال