خطوات عمل اللزانيا 3
" اللحم المفروم "
" الصلصه البيضا "
" سلق اللزانيا "
(( مقادير اللحم المفروم )) :-
2 بصل متوسط مقطع مكعبات
2/1 كيلو لحم مفروم
2 م ص بهارات
1 م ص فلفل اسود
2/1 حبة فلفل اخضر مكعبات
2 بصل اخضر مفروم
مكعب ماجي
رشة ثوم بودره
صلصة البيتزا بالفطر والزيتون الاسود
2/1 كوب ماء مغلي
علبة مشروم " فطر " مقطع شرائح
الطريقه:
في قدر " بدون زيت " نحمس البصل ولما يبدا يذبل نحط عليه اللحم ونقلب بسرعه بسرعه نحط عليه البهارات + الفلفل بعدين نبدا نطقطق اللحم بالملعقه الخشب عشان يصير كور صغار هالخطوه مره تزهق مااحب اسوي لحم مفروم تبدا تستوي تقريبا بعد 10 دقايق او ربع ساعه , نطفي عنه النار .
في " قدر ثاني " نحط شوي زيت + بصله صغيره + فلفل اخضر مكعبات نكب علبة صلصة البيتزا + مكعب ماجي + رشة الثوم البودره نكب علبة المشروم " الفطر "نضيف 2/1 كوب مويه حاره اخر شي نضيف اللحم المفروم المطبوخ عليهم , نغطيه ونخليه على نار هاديه تقريبا 4/1 ساعه
(( مقادير الصلصه البيضا )) :-
2/1 لتر حليب
3 م ك طحين
رشة فلفل ابيض + شوي ملح
1 م ك زبده
الطريقه:
في قدر نحط الحليب + 3 ملاعق الطحين ونقلب بالملعقه الشبك هذيك بسرعه بسرعه عشان مايتكتل نضيف الزبده والفلفل الابيض والملح بعد كذا " انا حطيتهم بالخلاط مدري ليه بس يمكن حسيته متكتل شوي " نرجعه للقدر مره ثانيه بعد الخلاط , نقلبه الين ما يثقل , نطفي عنه النار
لزانيتنـــــــــــا
نبدا نسلقهم اختي علمتني على هالطريقه عشان ما يتلصقون
نجيب صينيه كبيره ونحط فيها مويه مغليه + شوي زيت زيتون + ملح ونحط 6 شرايح تقريبا لصينيه متوسطه , ونوخرهم عن بعض كل شوي بالملعقه << أجل بصباعك ؟
10 دقايق وتستوي مو اكثر عشان ماتتقطع لاتنسون تشغلون عينين غاز بالفرن تحتهم مو واحد
نشيلهم ونحطهم في صحن كبير ونرش عليهم من المويه عشان ما ينشفون في صينية التقديم نحط شوي من الصلصه البيضا + صلصة اللحم و نحركهم شوي بالملعقه عشان ينخلطون نصف اللزانيا فوقهم ونعبي كل الفراغات يمكن لو لصينيه مستطيله كان اسهل , بس كيفنا احنا نحب هذي الصينية نرجع نحط صلصه بيضا + صلصة اللحم ونرش فوقهم جبن موزاريلا
مره ثانيه نحط لزانيا + صلصات + جبن وهكزا الين مانخلص المقادير " احلى شي يكونون 3 طبقات "
(( قبل لا نحط الجبن على الوجه ))
بتكون اخر طبقه عباره عن الصلصات صح ؟ نغطي الصينيه بالقصدير وندخلها الفرن النار من تحت 350 درجه ربع ساعه
نشيل القصدير ونحط جبن عالوجه ونتوصى
نشغل النار من فوق الين ماتذوب الجبنه ,,
بالعافيه
خطوات عمل اللزانيا 
العرض العادي
