دخـــل سعـــود البيـت وهو ضــايق ومعصـــب راح قعد مع وليد شوي وبعديـــن على طوول طلع غرفــه حلا وما لقاهـــا راح للجـــوري وقتح الباب بدون لا يطقه
الجوري وحلا ارتاعــوا من سعوود داخل وهو معصب ..
حلا فقلبها اشهد ان لا اله الا الله وان محمد رسول الله اكيد بيقتلني
سعــود وهو معصـب : جايه هنا تحتميــن بأختـك علبالك خلاص بسكر على المــوضوع
الجـوري بهدوء : سعود حلا فهمتني السالفه لا
تستعجل وتتهمها بدون لا تعرف وش الموضوع
سعود : لا يا شيخــه وش خربطت عليك هــذي وانتي صدقتيها
حلا تصيح : سعود انا اختك وشلون ما تصدقني انا اعرف الصح من الغلــط ولا عمري فكرت اخون ثقتكم يا سعود ليش صرت كذا مصدق ولد خالتك ومكذبني
سعـود حن عليهـا بـس : وليش ما اصدقــه وليد عمره ما كــذب
حلا بحقد : الله ياخذه هالولد ونفتك منـه رح كلم بنت عمــي اذا منت مصدقنــي ولا انا بدق عليهــا ودقت على غرام بس رد تركـي
تركـي : هلا والله بحلا
حلا خاايفه ميب ناقصته هو بعد : هلا تركـي عطني غرام ضروري
تركـي استغرب من صوت حلا بس ماحب يقلقها : طيب لحظه شوي
غرام : هلا حلوو امداك تشتاقين لصووتي
هنا حلا ناظرت اخوها يعني شفت كيف : هلا غرام من كلمك قبل شوي
غرام مستغربه : ميــن يعنـي بيكلمنـي
حلا : انا مكلمتك قبل شوي ولا لأ
غرا : ايه كلمتيني وش هالاسئله الغبيه
حلا : طيب مشكوره غرام يالله باي وسكـرت ناظرت سعود : صدقت الحيـــن
سعــود : والله مدري عنكم يالبنات مالكم امـــان اكيد هي بنت عمك وتعرف حركاتك واتفقتوا ولا
الجوري : هييه سعود شغل مخك هذي حلا حلا اختك وش هالكلام اللي تقوله عنهااا اصحى لعب عليك هالوليد وصدقته فتح عقلك وانا اختك
حلا تصيح : خليه يا الجوري خليـه انا واثقه من نفسي ماعلي من اللي يقوله او يسويه
سعود : اقوول كلي تبن واسكتــي لا تسوين نفسك بريئه ترا وليد قالي على كل شي كل شي انتي وولد عمك وحركاتكم النص كم
حلا انصدمت متهمها ان فيه بينها وبين تركي علاقـه وحركات نص كم بعد
وليـد دخل عندهم بخبـث : وش فيكم صراخكم واصل عندي سعود عسى ما شر
سعود : لا بــس كنت اكلم هذي واقولها على سوالفها
وليـد بخبث : خلاص سعـود لا تسوي لهـا شـي مهما كان هذي اختك مو معقول تسوي فيهـا كذا خلك واثق منها شوي على الاقل
الجوري وحلا يناظرون بعص وصدق منصدمين من وليــــد وتصرفاتـــه
سعــود بعصبيه : هيــن يا حلا انا هالمــره ابعديهـــا بمزاجـي طبعــا بس يكون في علمك حركاتك وتصرفاتك كلهــاا مراقبــــه واي شي تسوينه رح اعرفـــه يعني ما يحتاج تلفين وتدوريـــن وان تكررت الله يعافي العقـال يعقلك وانا اخووك وطلــع هو ووليد وخلاهــم في صدمتهم
حلا تناظر الجوري وتصيح : شفتي شلون سعود قلب علي كيف صار ماكان كذا هو سعود انا واثق فيني هو ليش يسوي كذا
الجـوري صاحت مع اختها اللي قامت تقط حكي ماتدري عنه وحضنتها تهدي فيهـــا
ــــــــــــــــــــــــــــــ
غرور في غرفتها مقطعه نفسها من البكــــي وكل ما تتذكــر اللي صار وشلون زياد انصدم قدامهـا تحس بالنــدم وانا السبب في اللي صار فولد عمهـــا
دخلت عليها سرور بعد ما دقت الباب رحمت اختها من جات وهي مقطعه نفسها من الصياااااح
سرور : غرور ممكن اقعد معك شوي
غرور قامت لاختها ولاول مره تصيح في حضنهــا : سرور انا السبب هو قدامي صار هذا كلـه زياد بيموت مارح اسامح نفسي مارح اسماح نفسي ياليت ربي اخذني بداله يااليت
سرور : استغفري ربك واحمدي الله ان سيطروا على الوضـع في الوقت المناسب ولا تقولين كذا هذا اللي ربي كاتبــه يعني ما بيدي اسوي شي ولا بيدك
غرور : ااااااااه يا سرور هو السبب في اللي فيه انا الحين هو السبب مارح انسى جميلــــه ابـد يا سرور
سرور مو فاهمــه شي بس قاعده تهديهـــــا
في الصــــاله
ام محمد تكلم ابو محمد : يعنــي شلون الحين
ابو محمد : مارح يصير شي لين يقووم هالزيااد
ام محمد بعصبيه : وش ذا مالقى ينصدم الا الحيين يوم قررنا نخطب لولدنا
طلال يرص على اسنانه : يمـه وش هالكلام تراه ولد عمــي مو بيده اللي صار هذا بدال ما تدعون ان الله يقومه بالسـلامه ..
ابو محمد : عموما انا مسافر الليله وما ادري متى ابرجــع و ..
قاطعته ام محمد : وش سفره هــذي وولدك لا تروح عليه البنت
محمد : يمه انا مو صغير اعشان تفكرون وتقررون عنـي وبعدين البنت انا ما ابيها وش فيكم انتو
ابو محمد : موب على كيفك فااهــم واول ما ارجع من سفرتي نروح نخطبهــا وانت ما تشوف الدرب
طلال قام : حتى الزواج يتحكمون فيه وش التخلف اللي عايشينه
ابو محمد : يالله انقلع يا كلب صدق ما اتربيت ولعنه فيك
طلال طلــع عنهم كالعاده غلطانين ويسبــون بعد
ـــــــــــــــــــــــــــــــــــــــــــــ ــ
اليوم الثانـي الساعه 2 الظهـر الكل كان في المستشفــى ينتظـر يطلع الدكتوور محمد من عند زيااد بعد نـص سااعه طلع محمد
ابو يزيد : هاا يا وليدي بشر شلون زياد
محمد : والله يا عمـي مدري وش اقولك
يزيد بخوف : محمد صاير لاخـوي شي شلل صح انشل زياد
محمد ناظره وابتسم : يااخي فاول خير وانا اخوك
تركـي : يعني مافيه شي ماصابه شي
ابو يزيد : محمد لا تتكلم بالقطاره
محمد يضحك : ههههههههههه تعالوا المكتب واعلمكم دخلوا مكتبــه وجلس ابو يزيد
محمد : يا عمـي انا مستغرب مع ان الضربه جاته قويه الا ان ولدك اقوى و بصرحه معجزة ان ماجاله شي يعني لا شلل ولا هم يحزنون مجرد اصابات
ابو يزيد فرح : الله يطمنك يا وليد الله يوفقك وسجد سجده شكــر والفرحه مو سايعته
يزيد : يعني هو قايم يعني يتحرك يتكلم شي
تركي : يزيد وش هالطفاقه شوي ونشوفه
محمد : هو الى الان الحمـد لله مافيه الا كسور وجبرناها لكـن ما تكلــم وهذا اللي خايفين منه
ابو يزيد : يعنـي ماعاد بيتكلم
محمد : لا يا عمي بس هو جته صدمه يعني صار شي وخلاه بهالحاله عشان كذا ماتكلم من تأثير هالصدمه لين الله يحلها ويطلع من اللي هو فيه
ابو يزيد يقوم : طيب اقدر اشوفه وانا ابوك
محمد : عمي تقدر انت تدخل وتتطمن عليه بنفسك بس ما اقدر اسمح لاحد ثاني يدخل الا بعد كم يوم لين يفوق صـح ..
تركي : طيب متى بيطلع من المستشفى
محمد بمزح : اذا حجت البقره على قرونها
ابو يزيد عصب : تفاول على ولدي ياللي ما تستحي
تركي ويزيد قاعدين يضحكون
محمد انقلب وجهه : لا عمي مو قصدي هو بيطلع ان شاء الله اذا شفنا منه تجاوب معنا
ابو يزيد : طيب انا برجع البيت الحين وان شاء الله ابرجع اشوفه بتجون معي
يزيد : لا يبه بنقعد مع محمد
ابو يزيد قام : في امان الله اجـل وطلع عنهم
ــــــــــــــــــــــــــــــ
ام يزيد ارتاحت بعد ما تطمنت على ولدها بس باقي تشوفه عشان ترتاح او تتطمن اكثــر
دلال تأكل بنتها : يالله وعود حبيبتي ام افتحي فمك
وعد : مابي مابي ماما انا ثبعانه
دلال : لا يمه يالله هذي بس
ولع : وش فيك انتي تقولك شبعانه هو غصب يعني
دلال : وش دخلك انتي خليك فحالك
دلع : وينه فهودي والله وحشني هالدب
دلال : ناايم وين بيكون يعني راح نام مع ابوي ههههههه بيطلعله نخله
ولـع : اوووف وربي اشتقت لبنات عمي
دلع : اييه والله الجوري من زماان عنها
دلال : وحتى غروومه وحشتني
ولع : وحلا يا جعلكم العافيه نسيتوها
دلال : اييه ما يتذكر المهبل الا اللي مثلهم
دلع : او بالاصح الطيور على اشكالها تقع
ولع : اقول انطمي بس انتي وياها
ـــــــــــــــــــــــــــــــ
