‏هذه القصيدة للشاعر ناصر الفراعنة السبيعي

وشارك في برنامج شاعر المليون

اتحداااااااااكم اذا عرفتو وش يقول هع هع هع



نون رهشني موهشن مرهشن جش *** هتاش عفاش ورشاش طشاش

ناشن من المنشا يشاتي اليا ارهش *** شهلال سبب بالنخاشيش هتاش

رشن مطشن هايشن شايشن وش *** شيش نوه بالقناطيش طواش

ينشر نواشيره على هشهشن نش *** شم شاه من قشع الشخاتير غواش

يرهش و يربش يوم قش الشجر قش *** قرم الشجاع اللي تنغمش تنغماش

كن راعده لاادهي شجاعن تشوش *** قام يتخطرش دون الاشهب تخطراش

يحيي هشيمن عقب شوف اربعن كش *** وينعش هشاش شلهبن عقب الانشاش

لون مشوش يوم جرش وبالرش *** يشفي بشوفه بوش بدوانن عطاش

يا طرشن على عشب الشمال يتجهش *** قام يتخطى الشوك شبكه تخطاش

شاف الشمطري والشجر منبته هش *** شفي وشفه نشنشن حالته ماش

والشف الاول شاف غرون تقروش *** غرون هبشني هبش حبن بمهباش

البارحة كني على ريش الاريش *** من شان شئ بالحشى يجهش جهاش

همِ حشا حشي يحش الحشا حش *** حشت حشيشن غطرشوبه على طاش

يا شوع قلبي شوع طيرن على عش *** تقول فرخن لو خرفش على العش خرفاش

ويا نشتي نشت خلوج تنشنش *** شالو ضاناها وهي تشوفه يا عماش

لا شرقوها شرق شامن تنقرش *** قمامت تشمشم من شذا الشام ما هناش

شومي شومها على ناقل الغش *** راعي العشق اللي تعكرش تعكراش

ابو شليل فوق متنه تعكرش *** شملول شهلولن برد وابله طاش

ابو خدود مرهشاتن هملش *** لا شال برقعهن تقول شعة فلاش

يا ما عليهن شجاعن تطرطش *** اصفى من الياقوت وابيض من الشاش

شطر من الشيراز كاسيه رشرش *** ونور من البلور كاسيه رشراش

ابو ثمان كنها الطش والرش *** هشن هشاهيشن تبهش تبهاش

كن رقهن در البكار الحبشبش *** والا حليبن ناشعن فيه خشخاش

مزيون من شر العيون يتخشش * ** على مشفشف شفته جاني خراش

يا شبة خشفن ذيروه المخرش *** كانه يحوشه عن شبا الريح حواش

خشفن رفيع الشان حرك وتبلش *** عوده اليا هب الشمال ارعش ارعاش

عليه لا جا من يمينه اتدروش *** وعليه لا جا من شمال ارهش ارهاش

ماني بمربوش ولانيب هشهش *** ولاني شاربن غرشة ولانيب حشاش

يا شق ثوبي شق الاجياب واربش *** واصبحت مربوش على كور مرطاش

يا لايمي في حبها أش أش ثم أش *** لابو هشاش المرجله لابو قطاش

والله احب الشعر لكن ما فهمت ولا شيء
وصدق الدكتور ان شعر ناصر لطبقه معينه من الناس وقال ما راااااااااح اشتغل عندك مفسر

صراحه انا مره احبه بس ماافهم شعره

سلام عليكم
بصراحة مافهمت شيء = ==== =======


تحيتي====

اولا يعطيك العافيه اختي على أنتقاء قصيدة الشينية وهي من روائع الشعر التعجيزي للشاعر ناصر الفراعنة من حيث أسلوبه ومنهجه .
دون تصنع وخلق للفكرة والمضمون .

لاكن للفائده : الشاعر ناصر بيده تلغيم قصيدة كاملة دون ان يكتشف احدا مايجول في ذهنه وهذه من مميزات فلاطحت الشعر .
"والمعنى في بطن الشاعر" .

لاكن توجد طريقة واحدة في بعض قصائده وهي ربط القاف في الصدر مع العجز وتكوين كلمة .
وجمع أوائل الأحرف في بداية كل بيت لأكتشاف الكلمة ومعناها .

وشكرا على هذه القصيدة الجميله وسلمت يداك .

الصراحه هذي طلاسم مو قصيده


يسلمو حبيبتي

S A M
واللهـ الشخصـً هذاَ
شعرهـً خطيرٌ
بسـً برضواُ ماعرفتـَ
شنوُ يقصدُ
تشاو