هام للجميع . لاتتردد بالابلاغ عن اي عضو يقوم بعمل اعلانات لمنتديات اخرى بالخاص وستكون هناك مكافآت لكل من بلغ عن رساله خاصه مخالفه لنكن يدآ واحدة لنجاح ورقي المنتدى .
تنبية لجميع الاعضاء : اتق الله في توقيعك وصورتك الرمزيه يمنع منعا باتا وضع صور نساء مخله بالاداب والحياء ايضا يسمح لكل عضو بموضوع في كل قسم في اليوم الواحد
تنويه مهم بخصوص الاسماء والالقاب ممنوع منعا باتا تغييرها ولن يتم الرد على اي موضوع او رساله خاصه بخصوص هذا الموضوع يرجى عدم الاحراج
م شلونكن عساكن بخير يامال اللي منيب قايله هذا اول موضوع لي عندكم هنا بمنتداكم هالزينه ---> باللهي
الشخصيات
بنيات خويلتي وبنيااات وخياتي ربي يحفظهم
أنا مرجوووجه ربي يسلمني---> احلفي عاد
---> فاردزي بس !
والباقي مشفرين !
اليوم ومثل كل مره جايبتن لكم صوره طلعتنا للمزرعه اللي مدري وين طلعت لنا معه بس كلش مكتوب ذا الطلعه لين هالحين منيب مصدقه اني طلعت لاننا وكالعاده انا وفتون نحرس بيوتنا نخاف يجي العوي يسرقه عشان تسذا مانظهر منها الله مير يخلف علينا كش على خششنا انا وياتس يامره اخوي الله يسخر لتس وخيي ويوديتس لجزر المالديف --> ايه طيب تولمي شكله بيحطتس عندنا وبيقول بروح للاستراحه مع اخوياي كل ماقلت يمه تكفين نبي نطلع قامت وجه وجهها للقبله وقامت تدعي الله يرزقتس بالرجل اللي يدوج بتس في كل مكان وانا اصايح مابي الرجاجيل عفتهم من كثر مايتشكون بنات خوالي كل يوم وحدتن جايه تتشكى وتجيب الاشيا الشينه عاد انا حامت تسبدي منهم قلت معقوله كل هالسنين ماقد سوى لتس شي زين ههههههه حجرت لهم قلت اه منكم يالحريم ماتجيبون الا الشين خايفين من العين وش بنظلكم عليه الله يسخر لكم ---> كنتس شطحتي عن الموضوع
المهم جتنا امي قالت ترى باتسر بنروح المزرعه قلت هو صدز تخبرون انا قبلنا نحرس بيتنا ! وانقز واولم خلاقيني وعفشي ويوم قضيت توني بدخل للنت قلت لا حلى هو والله محد نافعني لين سحبوا علي اهلي وراحوا المزرعه وانا فاخه والسبب مين االانطرنت لاحقتن عليه لا بالله بقريح يطير به وارفس كمبوتري واتمدد وافخ فخه مابعدها فخه المهم قمنا ومشينا ---> باللهي
وانطلقت 5 سيارات للمزرعه
اخليكم مع الصور ---> مالها خلق تقرقر ---> هذا وانتي مالتس خلق
هذي عفوشنا وكنبل شغالتنا المكسيما المخنزه حالفتن علي اصور لحافها من زينه طبعا الففسي والاندومي راكبين قبلي للسياره -->
ذي صوره الشكوكلاتات بانواعها قديم وجديد حتى خدود البنات شارينه مع القهوه اي واحد بيمد يده بلزخه تصدقون انا ضافين نص البقاله يقول ابو هنود لااحسن شيل بقاله وركب سياره يتهزى هالهندي جعله يعدم !
بعدين يوم قضينا من القهوه قعدنا نحتري العشاء يزهب ماتلاحظون انا من جينا وحنا نبلع ههههههههههههههه كالعاده لاتستنكرون
صوره من عشانا
تعشينا وقعدنا نشوف باب الحاره وخمدنا على صوت فريال وهي وتجلد بنتها وامي وام فتون ماناموا قاعدين يحرسونا ماينالمون بلا جدار المزرعه من صغره نشوف السيارات والله اننا خبلان ياصطينا مير
المهم قمنا الفجر وسرى على الحمام تخبرون الواحد توه قايم وزود على تسذا برد المهم صلينا الفجر وطلعنا برى والقى مشفر ومشفر الاخر شابين نار ---> احلفي عاد
آخر تعديل مرجوجه بس حبوبه يوم 03-23-2008 في 09:28 PM.
بعد مابلعنا من هالفطور ماش ماشبعنا تخبرون كل وحده معدتها هالكبر وش يكفيها خلينا الكمخ يسوون لنا اندومي الله ينعم بها ماذيقت مير تحوم التسبد الله يكرم النعمه خف اكلها وتخم على تسبدي عاد من وين نجيب لنا مره وحلتيته الله يخسهم هالشغالات
مطرسه + بربرسه = تحويمه تسبد :
بعدها لعبنا الهنقرقر وانواع الغش عند فتين تقول عنوودهاشوفي وراتس وانا التفت وشوف مافيه شيء وتغش التسلبه اكفش يالمخنزه تغشين قومي اطلعي برى يالعجوز
ذي صوره من اللعبه ---> حتى اللعبه فيها اكل !
ذي قعده الرجاجيل بعد ماطسوا يتسلقون الجبل تسنهم قروده
يانار شبي من ضلوعي حطبكي وه بص ودك من يحط يدياته ويتدفى
ذولا عاد هالاثنين عايشين جو ثاني :
وانتهت رحلتنا طبعا بوه صور مشفره لو تفحطون ماحطيتها لكم --> احد قال لتس حطيها
لا اصبروا مابعد انتهت وقفت سيارتنا يوم جينا نشغلها لقينا البطاريه قاضيه وسوينا اشتراك وشمينا ---> هششششش هشششششش ماعندتس سالفه
يالله اشوتكم على خير منتوب كفو احد يوريكم صور و يرفع صور وينزلها بذا ---> طنقرت العبده
.
.
ملاحظه ..
ترى اللي بالصور ذي روابط مركز تحميل الصور .. ---> باللهي
وفيه شي ثاني تراني كاتبته بمنتدى ثاني ماله داعي اقوله عشان ماتكرشوني
والله الله بالردود السنعه يسلمو ومايسلمو مانبيها واللي يرحم والديكم اللي عنده نيه يكتبها يفاردز ولايرد :
__________________
صور من رحلتنا الى احد المزارع لقريب لناا 
اللي مدري وين طلعت لنا معه بس كلش مكتوب ذا الطلعه لين هالحين منيب مصدقه اني طلعت لاننا وكالعاده انا وفتون نحرس بيوتنا نخاف يجي العوي يسرقه عشان تسذا مانظهر منها الله مير يخلف علينا كش على خششنا انا وياتس يامره اخوي الله يسخر لتس وخيي ويوديتس لجزر المالديف --> ايه طيب تولمي شكله بيحطتس عندنا وبيقول بروح للاستراحه مع اخوياي كل ماقلت يمه تكفين نبي نطلع قامت وجه وجهها للقبله وقامت تدعي الله يرزقتس بالرجل اللي يدوج بتس في كل مكان وانا اصايح مابي الرجاجيل عفتهم من كثر مايتشكون بنات خوالي كل يوم وحدتن جايه تتشكى وتجيب الاشيا الشينه عاد انا حامت تسبدي منهم قلت معقوله كل هالسنين ماقد سوى لتس شي زين ههههههه حجرت لهم قلت اه منكم يالحريم ماتجيبون الا الشين خايفين من العين وش بنظلكم عليه الله يسخر لكم ---> كنتس شطحتي عن الموضوع 
خلينا الكمخ يسوون لنا اندومي الله ينعم بها ماذيقت مير تحوم التسبد الله يكرم النعمه خف اكلها وتخم على تسبدي عاد من وين نجيب لنا
مره وحلتيته الله يخسهم هالشغالات 
العرض العادي
