السلام عليكم ورحمه الله وبركاتة ,,,

عساكم ع العافية يارب ,,,
وش هـ القسم مافيه ولا تقرير ,,, !!
مايخالف بعد تقريري ان شاءالله اشوف تقاريكم عن سفارتكم
في جُعبتي اليوم تقرير عن رحلتي لـ شرم الشيخ لـ عام 2008 هع !!
طبعاً كتبت هـ التقرير ع اجزاء في احد المنتديات الا وهو العرب المسافرون !!
لاجل كذا بتلاقون اسمي يختلف في الصور لـ حفظ الحقوق هونيكـ ,,,,
وطبعاً مافيني اعدل
وراح احطهـ كامل من غير اجزاء لانهـ جاهز هع !!!

ان شاءالله تستمتعون فيهـ !!

مساء الـ خ ـير لمن يقطن نصف الكرة الارضية ,,,
ولـ النصف الآخر صباح الـ خ ـير ,,,

وصلت هنا بـ الصدفة وكنت اتسكع هنا كثيراً في الآونة الاخيرهـ ,,,
او بـ الاصح قبل سفري لـ البحث عن كنز معرفة المدينة التي وددت زياراتها !!
وبـ الفعل وجدت ظالتي وإن لم تكن شاملة كـ الـ 5 اصابع في يدً واحدة !!
ها انا عدت من سفري ولله الـ ح ـمد و ع رأس قلمي حبراً ثائراً لـ الكتابة عنهـ !!
اتمنى ان لايضيق بكم صفـ ح ـتي ,,,, !!!

كانت رحلتنا مغامرة ... اي دون ترتيب مسبق ,,
انتهينا من اختبارات السمستر الأول يوم الـ ج ـمعة 18 جانوري 08 ...
وقلنا قدام نبي شمس وبـ ح ـر وبيئة عربيـة ,,, فقد طغى علينا امبراطورية القرقرة العنقريزية ..
والجو البارد حتى ظننت انني في الأرض اعيش ورجلي في كوكب بلوتو يطوف :p ....

شدينا الرحال الى مكاتب الحجوزات وقد رمى بنا بصائرنا الى ,,,



وسمينا ودخلنا وقعدنا وسئلنا وقالو سعر مـ اذكرهـ كم بس كان غالي ,,,
وعرفت انهم نصابين اكثر يوم قالو تبون شاي والا قهوة < مايدرو انها قديمة :109:
قلنا لهم سوف نُفكر ونعود < يمديكم ع الفصحى هع ..
وعقب رحنا الى



وعجبنا السـ ع ـر خاصةً ان الفندق كان موصين عليهـ ,,
الله يسامح الي دلنا ع الفندق بس هع اشوف في راسها قرعة < موب من قلبي وقصم هع ....
وكنا متحمسين بـ الحيل ع يوم السبت اي بكرهـ ,, بس للآسف مالقينا الا ع يوم الاحد :( هع

طبعا المسافرين 2 ,,,
انا وخويتي يسـ ع ـدلي قلبها هع

التذكرهـ مع طيارة ثومسون + الفندق *5 + الترنسفار من المطار للفندق والعكس لمدة اسبوع يوم ينطح يوم
= 365 جنية استرليني للشخص الواحد :24:

المشكلهـ ان الحجم المسموح لـ الشنطهـ 15 كيلو لـ اسبوع ,, :112:
بغيت انتف شعري يبي لي تايد اغسل لبسي كل يوم وانشرهـ والبسهـ هع
عاد خويتي يوم السفر لبست 3 فوق بعض غير الجاكيت وشرابين مو لاجل البرد ... لا ويييين ,,
لاجل لايزيد الوزن ع الشنطهـ ويصير تلبسهم هناكـ كل واحد في يوم < بيجيها كف هع

ومن هنا تبداء رحلتنا هع



طبعا يومها محد فينا نام هع < من كثر الحماس ,,,
ورحنا المطار مواصلين الصباح الساعهـ 8 هع




وهنا وصلنا المطار هع



وهنا الطابور حقنا اقصد مكان مدري وشسمة يقولون عنهـ تسليم الشنط واخذ البودينق باس > لابالله
ويوم وريناها الجوازات واوراق التذاكر خذتها كلها وحنا من الحماس ,,,
مانتبهنا الي يوم طلعنا الطيارهـ انها خذت حتى اوراق الترانسفر والعودة من رحلتنا < صدق الي قال حنا هُبل هع < قله ولف :icon_wink هع



والطيارهـ خذت 6 ساعات وكل وحدة فينا قاعدة ع الزاوية موب جنب بعض
< يـ احنا حقدنا ع المرهـ ذيكـ هع !! وبص قعدنا نقراء كتب < مثقفين ع غفلهـ ..



الا في وسط الرحلة الجوية ,,
نسمع صوت انذار ,, قلنا جانا العيد و ورى هع
اثرهـ في واحد مسوي ذكي راح يدخن بـ الحمام ,,,
اشوى طلع دخان ولا طيحة طيارهـ

عقب وصلنا ولله الحمد سالمين غانمين وجيعانين



وقعدنا ننتظر التاكسي الي تبع الفندق الين ماتورمت رجولنا هع ,,
ادور ع اسمي مافي ,, ادور ع اسم خويتي مافي ,,
قلنا شكلهـ اسم الفندق وهم بعد مافي جابو لنا الصمرقع ,,,
والناس راحو والعساكر تسألنا من وين ,, والجواب اكيد من الصين < خليناهم في لحظه تأمل :109:
وعقب قلنا مافي الا تاكسي ,, وخذينا تاكسي بعد مانتظرنا ساعتين ومحد جانا هع

ووصلنا الفندق الجميل الأخاذ الرائع التي عشقتها من الوهلهـ الاولى وتنحيت لها طلباً في يدها ,,
لـ ابقى قربها مدى العمر :112: ,,,,





هنا الرسيبشن الساحر




وحياكم الله هنا الغرفة والاطلالهـ الرائعهـ



وهنا التسريحهـ الي كلها انوار مو زي بعض التسريحات الي مافيها نور وبدل ماترسم الكحل في العين ,,
ترسمة في الجبهة هع والتلفزيون الي كنهـ في ورشة تصليحات هع
والطامة كل ابو القنوات ايطاليهـ < مدري وش عرفهم اننا ايطالين هع



وذه السرير الباذخ قولو ماشاءالله هع



والى هنا وهذا هو تقريري من محل الاقلاع الى محل الوصول ولي عودهـ ,,
حيث اليوم الاول لـ الوصول لم ينتهي بعـد !!!

مودتي واكثر

,
,

يسـ ع ـدلي مسائكم يارب ,,,,

قبل لا ابداء تقريري استوقفكم لـ موقف مضحكـ هع ,,,
يوم اني فتحت الموضوع ,,, في اعلانات تحت اسمي هع ,,
فـ كان في اعلان بما معناهـ اكيد كلكم تعرفوهـ يقول هل تبحثين عن زوجً لكـ ,,,
حصلت ع زوجي من هنا ,, ابحث انت كذلكـ !!
وامي طول الله في عمرها كانت حولي ,,,
مسكتني من اذني تقول هالحين انتِ مشتركة بـ هالمنتدى لاجل تصيرين خطابة !!
:36_11_6: وعادني ماصدقت خبر قلت وش فيها يابخت من جمع راسين بالحلال ,,
وش رايكـ يايمة ,,
تسحبين ع زوجكـ واشوف لكـ عريس من ذهـ الموقع حق العرسان واكسب فيتس اجر هع ,,,
ياحبي لها مالقيت جواب الا :36_1_42:
الله يسامح الي حط هـ الأعلان بس ,, جاب لي الشبهة

وبـ ع ـد الفاصل نعود ونواصل اليوم الثاني من رحلتي الشرمية ...
الى السوبر سفاري ....
من الساعهـ 4 ونصف الى الساعهـ الثانية عشر بعد منتصف الليل < متعودة ع عناوين اخبار :p
جاء باص لعند الفندق وخذانا هع ووصلنا لـ مكان الأنطلاق ...
هنا بعد ماعبينا البنزين ولبسنا الاشمغة لاجل الرمل واستعدينا وبدأنا بالدحرجة للصحراء هع !!



وبس طول الطريق واحنا ورى بعض طابور ,,, بس موب زي الزحمة وفي الأشارة لا ,,,,
يعني سريع بس ع خط واحد ,,, وطول الوقت الحجارة والطريق دربق دربق دربق دربق ,,,
خففت السرعهـ وخفت انقلب واجيب العيد خاصة اننا ماخذنا ترافل انشورنس هع
لا حد يسئل وش يعني ترافل انشورنس بالعربي ,,, ماعندي قاموس هع
بس بـ اختصار يتكفل بكافة اغلاطكمـ في سفراتكم هع ,,,

وهنا وقفنا لاجل نقطع الشارع قدام ,, والمرهـ اي الحرمة الي بالصورة يسعدلي قلبها هع ,,
اقول لها ناظري قدام ابي اصور ,, تقول صوريني قلت لها صورتكـ 3 صور ,,
هذي للتقرير عطيني قفاكـ ياقمري ,,, تقول اي تقرير ,,,
قلت :112: اقول ياعسل لا تقلبين هاتي ابتسامة بالحواجب وبتشوفين صورتكـ في الـ بي بي سي هع !!!
وماصدقت هع هع



وهنا صورة اخرى بعد ماسمعت الكلام واهدتني قفاها



وحنا نحتسي رمال الصحراء وراكبين الدبابات وقفنا ثاني ,,,
وجاء إلنا بزارين يبيعون اساوير هع !!
ويقولون بـ 10 جنيهـ قلت تسلمين الا وحدة فيهم شكلهـ سحرها عيناي الثاغرتين :106:
ومدت لي يدها وقالت خلاص اخذيهم هدية ,,, ومش عوزه حقهم !!
قلت يابنت عيب وش الي هدية ,, قالت اه هدية ,,,
< وعاد تعرفون ابي اسوي ثقيلهـ < وفي قلبها تقول كثرو من حق بلاش
والمهم حلفت واعطتني وانا عطيتها هدية كمان بس سر ماراح اعلمكم هع
الي لابسهـ الاورنجي ,, بالله لو حد منكم شافها يبوسها من شاني




وعقب جاني محرمهم ,, يبي يعطيني هدية كمان هع ,,
قلت وش حكايهـ هالهدايا ,,, بس انت اسمكـ ايهـ قال لي نور ,,
قلت اوقف كذا باخذ لكـ صورة ,, فرح وصورتهـ ع بالهـ اقول لهـ بالله امسكـ الهدية هع !!
يسعدلي قلبهم ويوفقهم وييسر عليهم يارب ,,,



وكملنا مشوارنا وخويتي اقصد صحبتي طول الطريق وهي تسابق 2
اي تاخذ مكانهم ,,,
وكل شوي يوقفهم الليدر اي القائد ويديهم بالقلم الي يشبة الكف ع خشتهم هع ,,
بس هي ماكانت تتهزاء مع انها معهم في الجريمة ,, يتهزؤن ذولاكـ وهي لا هع ,,,
الين ماواحد قدامها هو وزوجته كل شوي تسرع ولاقربت منهـ ماتسوي بريكـ وتصدم فيهـ ,,
قام صارخ الرجال يشتكي للقائد شوووووووووووف البنت دي الله ,, جرحتلي رقولي :109:
وصلنا عند جبال صدى الصوت وكل واحد بداء يقول اسمة كـ مجموعة هع !!!
عاد كان في واحد صيني معانا قال اسمة تشانق غيسنث شانق ,,
قام الجبل يقول لهـ انت بتقول ايه :109: < نصابهـ

هذا فيديو عينهـ عن الجبل والصدى هع !!!
ترى صوت الصدى واضح بس انتم نظفو اذانيكم هع

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

وعقب شدينا الرحال للخيمة البدوية للعشاء والعروضات ,,,
عاد خويتي كانت مصيفة والجو باااااااااارد ولابسة شبشب الذي يعرف بـ الزنوبة هع !!!
ع بالها في بـ ح ـر ,,, ويوم وصلنا قامت تصيح ابي بطانية برررررررررد ابي بطانية ,,
قام احد من البدو يجزاهـ ربي خير جاب لها بطانيهـ وهذي صورة لها :11ight:




وهنا يقربون لنا الشاي اكرمهم الله ,, السكر تقولون صابين بوه عسل حضرمي !!



وعقب اتعشينا ومن كثر الفجعة اقصد الجوع نسيت اصور الاكل وصورتهـ وهو مخلص ,,
طبعا الاكل تحسونهـ اكل بيت ,, هع كباب ودجاج مشوي ورز وبطاطا والخ !!



طبعا ذاكـ اليوم كلهـ عرب ماكان في سائحين اجانب في الرحلة ,,
لبنانين ,, فلسطنين ,, سورين ,,, عراقيين ,, اردنين وحنا بس الي من الخليج هع !!
وخذينا صورة جماعية في الخيمة البدوية ونحن نبتسم ابتسامة عريضة ع دندنات ابتسموووووو :icon_lol:



كان عروضات ورقاصهـ خيبهـ ماتعرف ترقص كان نفسي يكون معي طرطيعة اي fireworks واطرطعها من بعيد ,,, لاجل تحرم ترقص هع !!! وكانت المواضيع النقاشية التي طرحت بيننا !!
حول قضية فلسطين والاسرائليين ,,, وعن الدراسة في الخارج ,,,
وعن ليه الخليجين بيتجزو شاميات هع ,, وعن الي بيرقصو تنورة اشلون مايدوخو !!
عاد واحد قام يتفلسف يقول لهم شيوخ يعطوهم ايات وطول ماهم يدورون يقراؤنها هع < لا ياشيخ
اشبنا صدقت بس خذيتهـ ع قد عقلهـ وقلت ايهـ وانا اشهد ايات ع انغام موسيقية هع استغفر الله بس

وبس قالو يبون يرقصون دبكهـ ورقصوهم دبكة ع اغنيهـ فرقة ميامي كاهو كاهو ههههههههههـ :109:
وعقب طلعنا دباباتنا وعودنا والرجال الي خويتي قعدت تصدم فيه طول الطريق وشكلهـ قعد يدعي عليها :109:

ورجعنا الفندق ونمنا وصحينا الساعهـ مدري كم جيعانين قمنا طلبنا اكل من الروم سيرفيس ...
انا كلاب ساندويتش وخويتي ربيان ,,, وعاد بعد ماخلصنا نظفنا لهم الصحن وحطينا البقايا في كيس وحطيناهـ خارج الغرفه لاجل يقولو مفاجيع مابقو ولا شئ ههههههههههههههههـ





,
,

واليوم الي بعدة رحنا الف ليلة وليلة من الساعه 7 وربع الى الساعهـ 12 ,,
الصورة وحنا ماشيييييييييييييين الله يهديك ياكعبول كان وقفتي وصورتي لاجل الصورة تطلع واضحهـ هع




ويوم دخلنا في مجموعة يرقصون زي السنافر ,, رقص اهبل ولابسين وردي ,,
عاد تخيلو كيف الوردي ع الرجال :109:
وهنا بعد ماعديناهم هع



وهذي صورة المدخل من الداخل < كانت ح تقول من جوهـ هع



وصور منوعة لـ المبنى من جوهـ هع



















وشافني الشيف الموجود في الصورهـ ادناهـ وقال طيب صوريني انا كمان قلت ابشر هع ..
قال طيب اول مايتحركـ العجين يبئى صوريني :36_1_11: !!!



وطول محنا ماشييين واقفين نصور خشتنا ....
الين مالناس شكلها قامت تقول اول مرهـ شكلهم يجون مكان مثل كذا هع
عاد ذا المكان حييييل عجبني زخرفتهـ فـ قلت صوريني ياصقيقتي ,,,



ودخلنا ع المطعم المغربي لـ نطفح طفحتن مابعدة طفحاً هع ,,



مرهـ لذيذ الاكل يستاهل بؤكم هع !!!



وطول ماحنا ناكل في عروضات يسوون ازعاج وع بالهم يرقصون ,,
فـ في المرهـ الاولى الاجانب صفقو لهم ,, والمرهـ الثانيهـ كمان ,,
يوم شافو الاجانب انهم زودوها طنشوهم وقعدو ياكلو :109:

هذي فيديو عن الحدث ع السريع ....

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

وذهـ الطبق الرئيسي الكسكس والسايد فوود يم يم هع ,,,





وهنا الحلى وعيدان الاسنان < لاتدورون امزح ماكان فيه عيدان اسنان ,,
بس خويتي قامت تنقش اسنانها بـ اظافيرها وتمسح في ملابسها ههههههههـ < نصابة هع






وبعد ماخلصنا رحنا ladies room < حسبي الله عليكي مابقيتي شئ هع



وهذا الولد الي في المرايا شافني اصور قام يبتسم ,, قلت لهـ تبي صورة !!
فرح ووقف وصورتهـ بس مسحت صورتهـ عقب لان الميموري انتفخ وكان لازم امسح صور هع ,,,
ومن كثر فرحتهـ راح عند امهـ يقول لها ماما ماما حِزري شو ,, قالت لهـ شو ؟!
قال الصبيهـ هونيكـ بتحكي عربي :109: < لا ياشيخ هع ,,,
وخذت إلي صورة حتى طلي بالكاميرا تبعته :109: < احسهـ عمرهـ ماشاف كاميرا ,,
يحفظهـ ربي هع



ومن بعد الـ ليديز روم رحنا عرض الفراعنهـ ويتكلمو بالفرعوني ولا احد فاهم ,,
من جد اللغهـ ماكان لهـ داعي وهذي صور ع الماشي ..
بس عروضات الحصان كانت حلوة ,, خاصهـ الحمار الي يجي وسطهم ويشرد يالبي دلبهـ بث !!!







وعندما انتهى العرض ,, ذهبنا مكان عرض عروض اخرى هنا !!
وهي الرقاصهـ والتنورة هع ,, وتيتو ,,,



وطبعاً خذيت تيتو بالكاميرا هع ,,,
رهيب رقصهـ يخلي الي مايبي يرقص ,, يهز هع
بــــــــس لو كان زوجي كنت طلقتهـ ,, :36_6_8:

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

وهذهـ كانت احداث مختصرهـ عن السوبر سفاري والف ليلهـ وليلهـ ,,
اشوفكم في الحلقة المقبلهـ هع < باقي 249 حلقهـ < حشى مسلسل مدبلج :p

ارفوار