غابت ثمان سنين
من كلمات الشاعر المبدع
<< شاعر القوات المسلحه>>
كما اطلق عليه صاحب السمو الملكي الامير سلطان بن عبدالعزيز الشاعر محمد البلاهدي الحارثي والحان الموسيقار الجديد عبدالله القرني
غابت ثمان سنين حل وترحال =غابت ثمان كلها مد لي همه
قضيتها بالحب والشوق رحــال =شوق تحدى كل يائسه وهمه
وعقب الثمان اللي تعبها برا الحال =جاب الزمان الكارثه والمطـمه
جاني ولدها مبتسم بين الاطفال =ومن بسمته ذكرت انا بســــمة امه
شفته وصاحت داخلي كل الامال =بصوت عجزت بكتم الانفاس المه
ركضت له دمعي على الخد منهال =من زود شوقي قمت بالحيل اضمه
لحظة حضنته والطفل في يدي مال =شميت ريحتها على اطراف كمه
واستلهمت نفسي مقاديم الاهوال =وتم الضياع واكدت لي مــــــتمه
وليت الزمان اللي شغل غربتي طال =ولادور العاشق على حــــرق دمه
اليوم بنت الناس في بيت رجـــال =حب على غير الشرف لي مذمه
مجبور اعود واشتكي لكل الاميال =بنفس حزينه كائبه مسـتهمه
برجع وحيد سكته بر ورمـــال =يموت يحيا يندفـــــــــــــن مايهمه
غدا ابحث عن الاغنية .. تعبت الحين 
العرض العادي
