ياحيالله خلق الله منورين الحته طال عمركم 
ياربي مدري وش بلاي على هالي يناقز ذا
ماعلينا تبون تعرفون اسمي هاهـ لا لا عييييييييييييييييييييب مايصير بعدين فيها قبايل ذي
لا من جد عاد ابي رايكم في هالموضوع جد شي يقهر ليش عندنا اسم المره عيب ينقال ؟!
هو عيب والا حرام والا وش القصه بالضبط؟!
تعالو اسمعو هالسوالف عن هالموضوع !!
واحد من الاخوان الله يسعده يعلم ولده يقوله اسمع ياورع ماهوب لامن سألك احد بالمدرسه
عن اسم امك تقوله تراه عيييب الرجال مايقول اسم امه واخته قدام احد فهمت والا والله ثم والله
يجيك كف يعدل سنونك
والثاني يكلم بالجوال عند ربعه وتلاقيه مستعجل وده الارض تنشق وتبلعه لان الي يكلمه البيت او الاهل
زي مايقولون وتلاقيه يحرص كل الحرص ماينطق اسم الي يكلمه طبعا اذا كانت احدى قريباته!!!
ويموت من الخجل والفضيحه لو احد عرف اسم امه او اخته او زوجته
هذي عاد انا شفتها بعيني كنت بمستوصف صحي طبعا انا ومجموعه من المراجعات كنا بغرفة الانتظار
الا صوت واحد ينادي ياهيه انتي يالي هنا خلصتو والا لا ؟!
اقلها كان قال يم فلان حتى لو ماعندهم عيال قسم بالله شي مادري شينقال عنه
الامثله والسوالف في هالموضوع كثيره وكأن هالنوعيه من الناس الي نصو قانون انو اسم المرأه عيب
ينقال مايعرفون ان القران الكريم ذكراسم مريم بنت عمران وانا رسولنا محمد صلى الله عليه وسلم
ذكر اسماء زوجاته وبناته و مجموعة من الصحابيات في احاديث كثيره
بعد كل الي ذكرت اخواني الشباب قد تخيلتو انو عيب احد يناديكم بأساميكم ؟!!!!
هاهـ يالله عطونا ارأكم حول هالموضوع بس بكل صراااحه !!!!
تبون تعرفون اسمي..تعالوا...!!! 
العرض العادي
