فهدة طرح رائع

يمكن اغلب مواضيع النقاش كنت اتحفظ على بعض النقاط يعني اكتب وارجع امسح بس هالمرة بكتب وما بمسح

اول شي الكلوريكس مادة خطيرة >>> هذا اولا

ثانيا لو شاب كب هالمادة على بنت عشان عبايتها تعتبر تعدي على حرية الاخرين تجو تقولون لي اي حرية واي خرابيط

كل واحد يعدل نفسة ماله في غيرة اذا بيتقاسم الحساب معاها يروح يكب بوية على عبايتها لو حاب

مشكلتنا كل واحد لة رأي واذا اختلطت الامور صارت اليد هي الاساس

طيب الشباب اللي يعاكسوا البنات اذا شافتهم الهيئة تجلدهم عبرة لغيرهم وانا شفت هالمنظر بعيني

فمابالك بشاب يكب كلوركس ليش اش الهدف ياخي الرسول قالهابيدك فان لم تستطع فبلسانك فان لم تستطع بقلبك وذالك اضعف الايمان عليه الصلاة والسلام

يعني هنا في خيارات مطروحة والاذية ماتجوز طيب لو فية خير مرة ويبغى يغير من هالبنت روح اشتري لها عباية وتعال وعطها اذا صدق فيك خير

والله نفسيتي تعبت من هالتفكير الهمجي حسبي الله ونعم الوكيل بس

فهدة اعذريني الضغط اتش

يعطيك العافيه خيتتووو فهده .. تبين الجد انصدمت معقوله توصل فيهم لهالدرجه ..

صراحه تفكير مدحدر ..

طيب بالله البنت اللي كذا عبايتها وكب عليها كلوركس بتغير من لبسها ..!!

ماراح تغيرها ومستحيل ..

الإنسان يغير خطاه بالأسلوب الحسن اما اروح واسبب أذيه لخلق الله عشان أعدل من سلوك معين ..؟

وين عايشين كلوركس مره وحده :(

^
^
^


كفيتي ووفيتي ياعطووره :)

وانا رأيي من رأيك ياعطر .. وبعدين كل نفس عليها وزرها واللي ماتبي تلتزم جعلها من ذا وأردى وش على الناس منها ..

واناعندي قصيده قلتها في اللي يبي يغيرون من عادات الناس بالغصب باقول منها بيت واتوقع انه يكفى عن زود الهرج :

عليك من نفسك ولاتنظر عيوب الناس *** ولاهو كل ماترغب بها نفسك تحصلها

ومشكووووره اختي فهده على هالموضوع وعلى هالطرح المميز ..

ودمي بكل الود..

انا كنت احسب الكلوركس حق تنظيف بس
انتم تعرفون كم سعر الكلوركس الحين
عشان تقولو ان الشباب يكبوه على الفتيات
.................


أنا مع قمع الفتيات الغير محتشمات والي يطلعن للاسواق والاماكن
العامه ( بنصف لبس) الي طبعآ اغلبهن يكونن ( مثيرات )
لانهن يخربن بيوت مو بس يخربن المجتمع الشبابي
يعني قمع لفظي .. بس كلوركس كبيره
........
أنا الحمدلله ماحب امارس هالقمع اللفظي
بس ماقدر انكر انه يعجبني كثير لما اشوفه او اسمعه بالصدفه
من قبل شاب باتجاه فتاه متبرجه !
انا اعتبرها تهمه باطله .. الشباب لايمكن يعملو كذا ابد
الفتاه المحتشمه الرزينه ماتقدر تكب عليها حتى موية ورد
من احترامها
.........
عمومآ

برب ..
ومشكوره اخت فهده لي عوده ان شاء الله

القوهـ بشكل عام مطلوبه مع هالاشكال

بس مو كل من جآء يسوي حامي الشريعه كذا تسير فوظه كلن يرش على الثاني كلوركس بالشارع

يعني اقترح يسون فرقه خاصه للكلوركس هي الي ترش ومعهم وايت كلوركس يلفون بالسوق :) هههههههآي