لبى فـوادك يالغـلا والغـلا فـاض
اغرق موانـي مهجـة ٍ فـي كنينـي
لاقبلك وبعدك من الناس لـي عـاض
ياللـي مكانـك بيـن قلبـي وعينـي
مير الزمن مـن بيننـا ورد وخـاض
والوصـل روح والقطاعـه تديـنـي
وصرنا مع الأيام باقبـال واعـراض
شمـس وقمـر بالكـون متخالفينـي
حاولت اشيل الروح من تحت الانقاض
يـوم ٍ هجـرك قـال يابعـد وينـي
حاولت انا ااحيا في بساتين وريـاض
وانسـى غـرام يالغـلا محتويـنـي
لكن حبك صار مفـروض ٍ أفـراض
وانـا وفـي والوفـا فـي سنيـنـي
تعال وشجوني لك اطوال واعـراض
واقـول يالبيـه جـرحـي دفيـنـي
لبيه ياللـي بالوصـل عـود ونـاض
برقـا يعانقـه يالـغـلا والحنيـنـي
لبيه ياسيـدي ولـولاك مـا هـاض
بحر المشاعر هيـض الشـوق فينـي