رحلـت ومقصـدي كلـه.. عشـان انـسـاك
نسيتك؟ لاحشى واللي خلق راسـي تناسيتـك



تناسيتك نعم لكن بقت فـي داخلـي ذكـراك
بقى في داخلي زولك بقـى فـي داخلـي بيتـك



ألا ياكيف أنا بآسلى ليالـي غربتـي واسـلاك ؟
مدام انـي ليـا جيـت لمرآيـة غرفتـي جيتـك



أشوفك في وسط عيني وأغمضها عشـان امحـاك
واشووفك داخل جفونـي إذا غمّضـت ضمّيتـك



أضمّك واشتكي طيفك على طيفك بدون إدراك
وانا فـي غربتـي ليتـك تحـس بحالتـي ليتـك



ورى عوج الضلوع ألقى بقايا ضحكتك والقـاك
وأسافر لك وانا حيّك واسافر لك وانـا ميتـك



نقشت أسمك على عرق الخفوق اللي فقـد يمنـاك
واذا مرّ النفـس صـدري تذكرتـك وحيّيتـك


سنه مرّت وانا قلبي يعيـش بضيعتـه بحمـاك
بـدون أسبـاب لاتسـأل ليـا منّـي تمنيـتـك



أهذري بك واغني بك ( أنا اهواك أنـا أهـواك )
وأمـرّك تايـهٍ .. واذكـرك لامـنـي تعديـتـك

حبيبي طالبك تكفى سألتـك بالـذي سـواك
وش اللي يمنـع عيونـي ليـا جيتـك وراعيتـك ؟



تحاكمنا على الفرقى بدون اسبـاب يامقسـاك
تخالفنا .. تعدينا الحـدود .. ورحـت خليتـك ..



كذا مامن سبـب يشـرح نهايـة قصتـي ويـاك
تكبرت .. وتكبرت .. وتحديـت .. وتحديتـك ..!


تفارقنا ودمعـات القهـر تخشـع علـى فرقـاك
وبلاي اني مـن دمـوع الـوداع المـرّ واسيتـك



حبيبي والفضا كله مساحات وسما وافـلاك
يضيق وغيبتك قشـرا .. وانـا جيتـك وناجيتـك



مدام ان الغيـاب اللـي يداعـب غربتـي فتـاك
أمانـه لاتجاهلنـي .. وانـا للـوصـل ناديـتـك



صحيح اني تجاهلتك وخليتـك عشـان انسـاك
ولكن والذي سـوى عروقـي .. بـس تناسيتـك



تناسيتك نعم لكن بقـت فـي داخلـي ذكـراك
بقى في داخلي حبك .. بقـى فـي داخلـي بيتـك



/
/
/

راق لي فنقلتـه لكمـ

....

تسلم اخوي .. على النقل المميز

الله يعطيك العافيه

وصح لسان.. قايلها

ننتظر جديدك

شكري
عنووودهـ
..

روووووعهـــ صحـــ ،،،لسااانكـــ ولسااااان،،، قااايلهاااا

و الله يعطيكـــــــ الف عااااااااااااااااافية

أضمّك واشتكي طيفك على طيفك بدون إدراك
وانا فـي غربتـي ليتـك تحـس بحالتـي ليتـك


الله على رروعه الابيااات
ذوووووق وربي
دمت على هذا التالق اخوي لا تحرمنا جديدك ...

تقبل مروري ...
الحــلاكله

اختيار راااااائع
وذوق ولا احلى
يسلمو
لا خلا ولا عدم