معاناه !!!!





أنـا وقلبـي والزمـن والمعانـاه

مدري نخون الحب وألا نصونـه

لو كل منـا ياخـذ اللـي تمنـاه

أباخذ ه وأنتم خـذوا مـا تبونـه

من نظرته أفهم على طول مغزاه

وأفهم كلاما فيـه مـا تفهمونـه

أخذ كلامـه وأحفظـه آتحـالاه

بالذات لاصارت تكلـم عيونـه

خافوا من الله لا تجيبون طريـاه

القلب من طاريه جنـت جنونـه

خلوني آخذ سجـه الحـب ويـاه

يقبل طعونـي وآتقبـل طعونـه

أكذب على نفسي إذا قلت بنسـاه

لا تجرحون القلب لا تجرحونـه

الوصف وصفه والحلايـا حلايـاه

اخاف أوصف يا قف الوصف دونه

والله ما عمـري تمنيـت فرقـاه

لا تعذلـون القلـب لاتعذلـونـه

تكفون خلوني أبا أعيـش دنيـاه

والله ماتسـوى حياتـي بدونـه