السلام عليكم :
شخباركم بنات:
ممكن وصفات حق الشعر
ينعمه ويطوله ويخلي كثيف
لانه شعري اخترب من الستشووووووااار
صار خفيف
ويلوع الكبد
ومشكووووووورين

حطي زيت حشيش....

والله جد....

بقوه روعه... وشعرتس يصير طويل... بقووه طويل... بسرعه:)

مدري على ينعم ..شعري ناعم انا بس طال يوم احط ..حشيش ..

حركاااات >>>>

ما ادري انا بحكم خبرتي بمجال المكياج والشعر بقولك

اول شي اذا تبين شعرك يرجع مثل قبل اتركي المجفف الكهربائي لما يرجع شعرك لطبيعته

عطر قالت زيت الحشيش صدق هو يطول الشعر

تقدري تستخدمي زيوت من عند اي عطار زيت الوز - الخروع - السمسم - الزيتون - وجوز الهند

يخلطها كلها لك وتستخدمينها كحمام زيت

اشلون تستخدمينها تسخنين هالزيت مثلا حطية بموية حارة
وجيبي قطنة واغمسية بالزيت وحطيه بكل فروة شعرك وسوي مساج خفيف
وبعدين لفي شعرك ببلاستك

بكدا سويتي حمام زيت استمري علية
ولاتنسي البلسم كمان

واذا رجع شعرك لسابق عهدة بليز ماتستشوري قبل ماتحطي سيرووم عشان تحافظي على الشعرة

موفقة يالغلا

وعليكم السلام والرحمه
اختي دنيتي
ترى الشعر يبيله اهتمام بشكل كبير..
اولا خففي من الصبغات للشعر وخاصة الميش هذا يعدم الشعر..
لاتبالغين بغسل الشعر بشكل يومي يكتفي مرتين بالاسبوع <<هذا اذا كان شعرك من النوع الجاف ..
وعادتا الشعر الجاف يفرز الدهون بشكل بسيط والمفروض ان يحافظ عليه ولكن كثر الاستحمام يزيله نهائيا وبالتالي يجف الشعر اكثر..
طبعا خففي من الاستشوار ويمكن وضع على الشعر سائل حمايه للشعر قبل الاستشوار هذا يساعد في التخفيف من الاضرار رح اعطيك نوعين منه (كرستال او ارجوسي ) يباع في محلات التجميل..
عليكي بوضع حمام زيت كريم في كل اسبوع واحسن الانواع (بنويل او فاشكول ) فيه بالثوم لتقوية الشعر او بالجرجير وهذا المفضل لدي او الصبار وغيره كثير ..
وضروووري الزيوت بشكل اسبوعي مثل زيت الخروع مع زيت نباتي وزيت جرجير <<هذا انا جربته شخصيا واعطاني نتيجه روعه ..
وفي زيت خروع يخلط مع ثوم هذا لتكثيف الشعر ويطوله <<بصراحه ما جربته علشان ريحة الثوم بس تراه فعال ويعطي نتيجه حلو وبسرعه بس يبيله صبر ..
وهذي طريقته
المكونات :
ـ 8 ملاعق كبيرة زيت خروع.
ـ 8 فصوص كبيرة ثوم.
التحضير والاستعمال :
تُقشّر فصوص الثوم ، وتُقطع ، وتُهرس ، ثم تضاف لزيت الخروع بعد تدفئته ، وتنقع به لمدة 36 ساعة.. ثم يُصفى الزيت ، ويعبأ في زجاجة.
يستعمل هذا المثبت قبل استعمال الشامبو ، وذلك بعمل تدليك بكمية منه لفروة الرأس ، والشعر باستخدام أطراف الأصابع.. ثم يُلف الشعر بمنشفة دافئة.. لمدة ساعة.. ثم يغسل الشعر بالشامبو ويُشطف بالماء.
يتميز هذا المستحضر بفوائده العديدة ، فهو يعمل على إعادة الحيوية والبريق للشعر الجاف المُجهد الضعيف.. كما أنه يقاوم سقوط الشعر.. ويناسب كذلك الشعور ذات الدهون الزائدة.

ملاحظه :الزيوت جميعا بشكل عام ينحط على الشعر لمده اقصاه ساعتين فقط او ثلاث ..اذا زاد يسد المسمات وبالتالي يتساقط الشعر..

مممممممممممممم
وش بعد
ترى زيت السمسم بعد حلو للشعر..

اتمنى اني افدتك
تقبلي مروري

مشكورين انشاءالله يفيد

فديت روحج حلو شعرج بلا زيوت بلا بطيخ
مع حبي
رفيجتج فالسكووول
راعية الرنج

هههههههههه
مو حلو واااااايد خفيف