النصر سيعود باذن لله بالبطوله الخليجيه قريبآ عندما يعود للمشاركات الخارجيه
لأن النصر قوي خارجيآ مثل مانعرف .. النصر خرج من ابطال العرب قبل الماضي
من الدور النصف النهائي وهو >> يصارع على الهبوط في الدوري السعودي !
النصر عنده المشاركات الخارجيه يبدع فيها ويقدم مستويات رائعه
عكس بعض انديتنا السعوديه تكون جاهزه >>> من كل النواحي وتخفق

لأنه النصر وقتها
( ركز) على البطوله العربيه وترك كاس الملك لأنه كان يصارع على الهبوط
فا قدم مستوى مميز رغم ظروف النادي الا انهم اتحدو في توقت البطوله
وللاسف خرج النصر ..
ولكن التاريخ هنا له .. دور ومعنى واثبات
أنا لم اقحم النصر كا خروج من الموضوع !!
وهذا كل يصب في هالموضوع

.................................................. .........
كيف لما يكون نادي مثل الاتحاد او الهلال
يمتلك كل المقومات ... الماده اعضاء الشرف الداعمين
الاعلام وقبل هذا كله لعيبه ممتازين ومميزين يفوقون كل لعيبه الانديه
الي لعبو معها خارجيا ..
يقدر النادي هنا يكيف نفسه بخلق اعداد جيد للفريق لأنه يمتلك كل شي
يقدر يضع برنامج لمشاركات النادي
اقل شي يظهر بمظهر مشرف للكره السعوديه
اجل وش تبونا .. نقول عن نادي الوحده والاتفاق !!!!
مع انهم قدمو شي مشرف بالنسبه لأمكانياتهم رغم تواجد مشاكل لديهم
انا ابي احصر المشكله في ( نفس الانديه) مو خارجها
عشان بس ما نعتذر عن انديتنا ونحاول نلصق التهم والخروج المخيب على ضغط الدوري
وغيرها من الاسباب الغير مقنعه

...................
لو افترضنا نادي الهلال مثلآ .. دائمآ يخرج من ابطال اسيا خروج > ( غريب جدآ )
ولو تطرقنا الى الاهلي >>> متى احرز بطوله خارجيه ؟؟؟
ولو تكلمنا عن
الاتحاد نراه قوي داخليآ لدرجه انك ترشحه ليتربع على عرش اسيا
فيلعب البطوله الاسيويه ( مرتين) ويخرج خروج >> غريب !!

الشباب مثلا افضل نادي يلعب كوره كا توزيع ومهارات يعني بالعاميه لعبه يمتعك
مستواه عالي جدآ وهو فريق غني عن التعريف
ولكن خارجيآ .. >> يخفق


الاتفاق .. نادي مميز ولكن ينقصه الكثير من الدعم .. وهو نادي كان قريب من
بطوله خارجيه هذا الموسم ولعب على نهائي >> خارجي
يجي منه يعني الفريق مطمئن خارجيآ يقدم مستوى حلو وبعد يحتاج الى دعم لكي يستمر
الوحده كذالكـ نادي ممتاز .. يعني مثلا لو يدخل بطوله ( خليجيه) يكون هو الافضل
لأنه يعد نادي سادسه او سابع في الدوري ولكنه يعد اقوى بكثير من اغلب الانديه
الخليجيه ..

.....................

قد يقول البعض البطولات السابقه كانت غير منظمه وضغط الدوري عندنا !!!

لا هذا غير مقنع .. نريد اثبات حقيقي
انديتنا ومثل ماذكرت الاخت كلي دلع
خرجت خروج غريب ؟؟ غير مقنع فيه شي مو تعب او تاثير الدوري

نفس الانديه الهلال والاتحاد والاهلي
كانت >> غير مهيئه تلعب خارجيآ العيب في نفس الانديه مو في ضغط الدوري
كل الانديه الي مشاركه لديها دوريات وضغط ..

طيب كل الثلاث انديه طلعو برا .,, وهم انديه ابطال داخليآ

انا اعتقد انه الخلل .. في نفس الانديه في نفس الاعداد الداخلي من الانديه للبطولات الخارجيه
مو معقوله تخسر انديتنا من انديه ( تعبانه)

ولو لاحظنا انه مافيه اي منافسه .. يعني الانديه الي لعبت خارجيآ ماتقدم ( مستوى )
زياده على خروجها تخرج بشكل ( ضعيف ) مثل ماشفنا

انا ضد من يربط الارهاق .. في المشاركات الخارجيه ,.,.
لأنه انتا تلعب في الدوري مباريات >> قويه اقوى من المباريات الخارجيه
ولكن يحصل العكس يلعب النادي مباراه في الدوري قويه ويفوز ولما يقابل نادي اسيوي
او خليجي اضعف بكثير من اي نادي سعودي يخسر هذا شي يدل على الخلل في نفس الانديه
المشاركه خارجيه ...
.......................
وعشان كذا . او الدليل على كلامي

هو انه المتابع .. الجيد يجد انه الانديه الي طلعت من المنافسه على البطولات الخارجيه
يحصل عندها مشاكل اداريه في نفس النادي والشي هذا عكس التحضير الغير جيد
للمشاركات الخارجيه .. .. وعشان كذا ظهرت الانديه المشاركه خارجيآ ,, ظهور غير
مشرف للكره السعوديه ..


..............

شكرآ على الموضوع المميز اخت .. كلي
يعطيك العافيه

موضوع شيق صراحتآ


المشكلة الرئيسية أننا مبدعون داخليآ


ولاكن خارجيآ ( يخلف الله )


والسبب هو الأحتراف والأسلوب الهمجي والامنطقي في أتحاد الكرة


لو نظرنا الا الدول الاخرى لا نقول الاوروبية ولكن خلونا في صوب الدول العربية


ومنها مثلآ مصر أو المغرب أو تونس أي أغلب الاعبين تجدينهم في الاحتراف الخارجي


من أوروبا واميركا وغيرها ..


فنجد اللاعب له خبرة في الاحتكاك مع المنتخب أو نادية وبذلك يستطيعوا مجاراة أي فريق


في بطولة خارجية .. يؤسفني تأخر تطوير الكرة السعودية خارجيآ .


أنظروا للدوري الاوروبي الفرق يصل عدد مبارياتة فوق الخمسين ونحن لنا عدد محدود لذلك .


وجمع النقاط يفوق السبعون ونحن لنا عدد محدد لا يتجاوز الخمسون .


نحن دائمآ متأخرون وللأسف الشديد ... نضحك على أنفسنا ( بقول الدوري السعودي أقوى دوري عربي )


أين الدوري المصري أين الدوري المغربي أي الدوري التونسي والجزائري حتى الإماراتي الآن أقوى من


السعودي ...


وهذة تعد داخليآ ..... فما بالك تمثيل الوطن خارجيآ ....


بعد وفاة المغفور له ( فيصل بن فهد ) على الكرة السعودية السلام .


أنظروا تخبطات المنتخب الأخيرة ... أنظروا الى تخبطات الأندية الأخيرة


أين بطل اسيا أين المنتخب الذي تأهل لكاس العالم أربع مرات ع التوالي .


أين عميد الأندية السعودية .. أين زعيم آسيا .. أين قلعة الكؤوس .. اين الليث وفارس الدهناء


للعلم بأن المكافأت والرواتب هي الأعلى عربيآ ... ولاكن أين الأنتاج .......>>> لا شي يذكر .


من تلك الأسباب


1- عدم فتح باب التسجيل للمستجدين كل ستة أشهر .


2- المحافضة على النجوم بعد تردي مستواهم .


3- عدم وعينا للأحتراف الخارجي وما تأثيرة على المنتخب والنادي فيما بعد .


4- عدم الأختيار الصحيح كمحترفين ومدربين .


5- قلة المساندة من الأتحاد السعودي بعد تخبطاته منذ وفاة الغفور له فيصل بن فهد .


6- وآخيرآ وهيا العضمى التخبط والخلط بين البطولات المحلية فنجد الفريق يمثل اليوم خارجيآ


وبعد يومين يمثل الدوري السعودي داخليآ .....,,,,


_____________________________________


همسة

سوف يثبت لكم كلامي مستقبلآ سواء في تخبطات المنتخب خارجيآ أو الأندية


وأخيرآ

الله يستر


وأشكرك أختي على موضوعك الراقي وأسمحي لي بالتفرع والخروج من الموضوع


ولاكن


والله يؤسفني ما أشاهدة اليوم وما كنت اشاهدة من عشر سنوات ..


تحيتي لــ شخصك

انا اللي الا الان ماهضمت ولا استوعبته

وجود اربع بطولات في دوله واحده ..

بطوله الامير فيصل بن فهد خصصت للاعبين تحت الـ 23

وكم فريق يلعب الكبار

بطوله خادم الحرمين الشريفين ..

احس انها زياااده

يعني الفرق احتجت كثيرا على تداخل المباريات

لو نظرنا للهلال والاتحاد والاهلي والشباب والفرق اللي تلعب مباريات خارجه

نجد انها محاطه بخمس بطولات ..

كل بطوله اصعب من الثانيه

بطوله الدوري وولي العهد اهم بطولتين سعوديتين

بطوله خادم الحرمين الشريفين اسمها غالي

واي فريق يتمنى يحققها

البطوله العربيه او البطوله الاسيويه مهمه لأي فريق سعودي

يتمنى ان يرفع اسم بلده بالمحافل الرياضيه

اللي اتمناه من الاداره السعوديه

انها ترتب الجداول في المواسم القادمه

ياجماعه الخير اجل الهلال يلعب مع نجران مباراه الذهاب بالدوري

ولا يدري متى بيلعب الاياب

ومتى تاريخها

انا اعرف ان الجداول الاوروبيه تصدر قبل الدوري بدون تأجيلات ..

ليش حنا لو شفنا الجدول

يكون منزل على قسمين

مباريات الذهاب

ومباريات الاياب ماندري متى تواريخها ..

ليش كل ماشفنا الجدول نلقى فيه عشر مباريات على الاقل مأجله ..

الواجب من الاتحاد السعودي رؤيه كل فريق يشارك خارجيا

ووضع ثلاث ايام راح له قبل وبعد المباراه على الاقل ..

كم فريق هذا الموسم شفناه يلعب ثلاث او اربع مباريات حاسمه باسبوعين ..

اتمنى من الاتحاد السعودي ترتيب الجداول

لان الجدول متى ماعدل

باذن الله الانديه السعوديه بتهيمن على جميع البطولات الخارجيه ..

كلي دلع

طرح رائع

ابدااع منقطع النظير

تسلم هالانامل وواصلي مجهوداتك ..


يزيد