قبل لاتنوي الفرقا أمانه لاتوصيني ... قعدت أيام أرددها جفاني شخص حبيته ..
دخيل الله يامحبوبي دخيلك شمعة سنيني ... نشف دمعي من عيوني على طاريك هليته ..
مبي منك سوا كلمه بسيطه لاتعنيني .. ابيك تقول للعالم محسن شخص مليته..
أبيك تصيح بأعلى صوت ابيك تقول وشفيني.. انا عقبك جسد خالي ظلام الشوق أهديته...
تعبت اطرد سراب الياس وعسا ياليت يمديني .. أمد ايدي على المجهول وابني داخلي بيته ...
أنا عطشان بالقوه وبير البعد يسقيني ... مسكت الكاس باليمنى شربته ثم طشيته ...
ابي لحظه من الفرحه ابي انسان يعطيني .. رفضني كل خلق الله حسافه ماترجيته ...
انا مجروح في دنيا شقاها من يواسيني ...انام بجمب غربالي وأذا فزيت صحيته ....
فقدت السمع ياظالم جهلت اللي يناديني ...فقدت اهلي وخلاني فقدت اللي انا اغليته ...
جلست بروحي والغربه تسولف لي وتحاكيني ... تأشر لي بأيديها تقول الدمع هليته ...
مسح دمعي غرابيلي مسحها باقي سنيني ...تعلم خاطري المسكين على الغربال ربيته ....
مادام اني انا غرقان على شاطيك ارميني ... عساي اموت غرقانا شهيدا يوم خليته ...
حكاية ظلم انا اكتبها والاياليت تعفيني ...عن الأشجان والفرقا رهينك يوم سميته ...
أخيرا يوم فارقتك على الدمعه توصيني ... بقت دمعه ابحفظها لأغلى شخص عزيته ...
ابحفظ دمعتي لأمي هذا اللي يكفيني ... أبحفظها لموت امي عشان اقول وفيته ....
انا راحل عن الدنيا انا وش عاد بأيديني ... مدام القبر قدامي هلا بموتي وياليته ....
ابي ارتاح من هم سرى داخل شراييني ...ابيه يقول للماضي اهنته ثم ذليته ..