( إذا رجعت للبيت كسرت أشرطة راشد الماجد )
هذه العبارة سمعتها خلفي وأنا أغادر القاعة التي استضافت الأخت :مريم .....الفنانة ....شمايل سابقأ ..

كانت الدعوة موجهة للبنات ...كي يستمعوا إلى تجربة الفنانة شمايل ..وقصتها مع العودة والتوبة ....ضمت القاعة ....500 بنت تقريبأ ....وتمنت الداعية التي استضافت الأخت مريم ..أن يستمر هذا الحضور وهذا التدفق ...

إنه لمن الرائع أن نلتقي بشخص قد ذاق طعم الحياتين ...حياة الحق بعد حياة الباطل

وأن نرى شخصاً يودع مختاراً جانباً..... منه.. ...وشيئاً من سقطات ماضيه

وما أجمل أن تعود الفطرة إلى شمايل ..فتعود شمايل ..إلى مريم

والذي شاهد شمايل ...لا يصدق انها هي ذاتها مريم التي أمامي الآن

قد يتبادر إلى أذهانكم ما تبادر إلى ذهني أنا ..لقد تخيلت أن أشاهد ها ...شاحبة ..تلف الطرحة على شعرها ..تلبس الثياب البسيطة ..ولا تتزين بالحلي ,وووو

ولكني رأيت ما تمنيت

لقد بدت بكامل زينتها....وأناقتها

..والأجمل من هذا كله ...الفكر والمنطق اللذين تحدثت بهما ...بأسلوب سلس قريب من النفس والواقع ...وأفضل ما فيه ...انه تمخض عن تجربة صادقة ...

لنبدأ في الاستماع إلى ..............شمايل ...أقصد مريم ...

( ( بسم الله الرحمن الرحيم

اللهم اهدني لأحسن الأعمال لا يهدي لأحسنها إلا أنت ...واصرف عني سيئها لا يصرف عني سيئها إلا أنت ..

اللهم آت نفسي تقواها وزكها انت خير من زكاها ...وبعد ..

أنا جايه مستمعة ...بأكثر مما أنا متكلمة

حالي حالكم ....بأقول تعليق وكلمة بسيطة

أنا ولله الحمد سبقتكم بالبداية ..ارتكازأ على الآيه (إن الله لا يغير ما بقوم حتى يغيروا ما بأنفسهم )

ارتكزت على هذي الآيه ...طول عمرنا نسمعها ....حتى اللي ما يعرف القرآن ولا عمره قراه يعرف ها الآيه ...

فعلأ والله ...إذا بدأت رحلة التغيير ونويت ..تتغير .....فالنوايا محلها القلب ,,وأنا نويت أتغير

الحمد لله ان إحنا انخلقنا مسلمين ...لا نصارى ولا يهود وهذي نعمة واحدة نشكر الله عليها ...لكنا جحودين ..وعندنا نفس أمارة بالسوء إلا من رحم ربي

والله ما يترك أحد ما يبلغه الدعوة ..(وما كنا معذبين حتى نبعث رسولا )

أنا ما جاني أحد مثلكم ....وأنتم أمهاتكم يجيبونكم حتى تحضروا محاضرات الأساتذه والمشايخ ...ما شاء الله

أنتوا في نعمة ...تطبقون الشريعة ...غيركم محروم عايش على القوانين الوضعية ما سنها الله ولا الرسول

البنات اللي يبون يطلعون ...ويلبسون ..ويقصون شعرهم ..ويغنون ويرقصون ويلعبون ووووو

يا شيخة ...هذي هي كل إهتماماتكم ...... أنا أنثى وامرأة وأحب الزينه والمكياج ...بس مو لدرجة ان يسيطر علي ..

أول كنت مثلكم .....كان كل اهتمامي ..أني أكون مميزة عن اللي حولي

وأدرس علشان أحصل على كادر وظيفي إجتماعي

اتزوج علشان ما يقولون عانس

وأموت ...و.بعدين ..أبغي أدخل الجنة

ما فيه أحد ما يشتهي يدخل الجنه

هل عملنا لها ؟؟؟؟

بكيتوا شوي من محاضرة..لكنكم ترجعون على ما انتم عليه ...النمص ....والعبايه الفاتنه ...شوي دموع ننزلهم أي وقت ونتأثر ونطلع ولا كأننا سمعنا عن جهنم ...

الغفلة .....وبعدين ننسى

انا أغبطكم ...أنا ما تيسر لي أحضر هذي المجالس ...

سبحان الله ...ربي لأنعم علي بالهدايه يوم صدقت في نيتي ...

شغلة التغيير مو صعبة ...مو صعبة وايد ....تطلبين من الله وتتمنين

ياربي ..أبي أعمل لك عمل ما يكون فيه للشيطان نصيب

يارب علشان أفوز بالجنه

عندكم طموحات يابنات ؟؟؟؟؟؟

كلكم تسعون لحياة أفضل ...بس وش هي النهاية ...الموت

ترى.... مو شرط أنه يجي الموت يعلمنا

الحين الصغار يموتون ونعزي فيهم الكبار والكبار في السن أهما اللي عايشين

تفيض روحك وأنتي تفكرين في معصية ..والفكرة ذي في ذهنك وأنتي على معصية

نويتي تتغيرين ؟؟؟

خذيني مثال ...لو هذي الحياة اللي نسعى لها ما جيت من هذي الحياة

تفتكرون يا بنات لو أن العالم هذا فيه خير أنا طلعت منه ؟؟؟؟؟

اللي تتمنونه شفته ...واللي ما تتخيلونه بعد

معجبين ومعجبات ....رسايل إعجاب وكلام بالانترنت ... وروحه وجيه وشهرة .....كل شي كان عندي

تبين فارس أحلام ...؟؟؟؟ انا كان عندي فرسان مو فارس واحد

كل شي كان متوفرلي

السفر ..عروض الأزياء .( ..الهوت كوتور ) ...تفتكرون لو أنها متعة حقيقية ...كنت استمريت فيها .. ماكان جيت من هذا العالم المتحضر ..المثقف

لكن مش هذي الغايه اللي أنخلقت علشانها .....وما لقيتها تحقق لي أي متعه حقيقية

لأن الغايه الحقيقية ...هي عبادة الله .

(وما خلقت الجن والأنس إلا ليعبدون )

ليعبدون ...لا ليكشخون ..ويتغايرون

كل الأشياء فتنه ....ولا زم ندفع الثمن

الواحدة لمن تشتري بيت ....تطلع عيونها وتتعب ...(رغم أنه عندنا بالكويت الحكومة تساعدنا )

وشلون لو كنا نبغىنشتري بيوت لنا في الجنه ..ليش ما ندفع ثمنها ونحرم أنفسنا شوي من ملذات الدنيا علشان نحصل عليها

عيشي الحياة بس بمقاييس ومعايير ثانيه ...وشوفي أيش الشرع قال

أنا قبل لا أجي هالعالم ...فكرت ...أنا ...نفسي أعرف الدين بس أحس أني

منيب قادرة ..ألبس البوشيه ..و. أمشي من غير مكياج ...وألحين ..أقدر أتغطى ...رغم انه عندنا بالكويت

(التغطيه )شي غريب ..... اللي تغطي وجهها عندنا ........متطرفة ..فيها .تطرف ومغالاة

بس بديت أفهم الآيات (يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين .)

واضحه أنها .............غطوا وجوهكم

*****************

اللي تسألني عن الهداية اعملي بشروط

زي الوظيفة لمن تتقدمين لها ....المطلوب منك ..شهادتك ...بطاقتك ...حسن سيرة وسلوك ...لازم شروط

حتى مع ربنا ..........لا زم شروط علشان يقبلنا في جنته

أيش الشروط ياربي ..

1- زي شرعي

2- تبتعدين عما يغضب الله بس ياربي ...طلبت مني أتغطى ..أرفع عبايتي على راسي .... .....طيب ياربي ....باسمع وأطيع.....ما أنمص .......طيب .... خلقتك ياربي أحلى خلقة...وإبداع صنعك أحسن من إبداعاتي وإبداعات البشر

وصدقوني ..لو كان المطلوب فوق التكليف ما طلبه منا رب العالمين ...ما يأمرنا بشي إلا في حدود قدرتنا ...وطاقتنا ..وهو في النهاية لمصلحتنا

ووالله لو طلب مني شي فوق طاقتي لعملته له

لو واحدة متزوجه وزوجها يقول لها ...أنا أغار عليك ..ما أقدر أتحمل أشوف أحد يشوفك ...حتى الحرمة ما ودي أنها تشوفك ...والله ...أن المرأة تفرح ... ...زوجي يغار علي ...وتفزفز من الفرحة ....زوجي يحبني ..وما أسوي الشي اللي ما يبيه علشان ما يطلقني ....خايف من مخلوق يطلقها .....وما تخاف من ربها اللي خلقها ....

عطاك أصلأ ...القلب والعين والجسم والأذن ...اللي نسمع فيها ...نسمع فيها الأغاني..... ولا نفكر نسمع فيها خمس آيات من كلام الله اللي أنعم علينا بها النعم

******************

الله يهدي الجميع مثل ما هداني .

.إحنا السبب في حالتكم هذي ...كنا مروجين للرذيله ...أنا شلت نفسي منهم ...الله يهديهم ويصلحهم ...

الأغاني تأمركم بالحب والعشق ...واللي ما عندها حبيب ....تبغى حبيب علشان تقول له هالكلام اللي تسمعه وتهيم فيه ...وإذا ما لقت حبت صديقتها وسمعتها هالكلام

وننسى (لا إله إلا الله )

لا معبود ولا محبوب بحق سواه ولا مبتغى في هذه الدنيا غيره

أنت اللي حتستفيدين من محبته ....عنده ملائكة تسبح بحمده ليل ونهار ...ما هو بحاجتك ....أنتي اللي بحاجته ...وبحاجته في كل شي وفي كل لحظه ....

تبارك الملك ..المستوي فوق عرشه ..

كيف تعصين الله ...وما تستحين منه ..وهو يراك ويسمعك ...من أنتي ؟؟؟؟

من أنتي يا اللي في دنيا حقيرة ..أحقر من جناح البعوضه

وكلما احتقرت نفسك ...كلما عرفت تعبد ربك ...وعرفت أنه ما كان لك حق في الغرور ولا في ممارسة الرذائل

*****************

تقولين (ودش )تتغيرين ؟؟؟؟

ما فيه واحد يطلب من ربي التغيير إلا ويغيره

وما ينفع تتمنين وبس ..

عندك وسائل استخدميها ...

عندك ساعات الإجابه ..الثلث الأخير من الليل .... ادعي .......أي أحد عنه حاجه أو طلب يطلبه من رب العالمين ...والله ما يخيبه ...المهم صدق النيه

وتذكري أن فيه عبيد مكرمين حيدخلون الجنه وفيه عبيد حيدخلون النار وبيحرقهم الله فيها ...

يارب أبغى أصير عبده صالحة......... ولا حول ولا قوة إلا بك

يارب أنا ضعيفة وجاهله وعندي نفس أمارة بالسوء

يارب الهمني رشدي وعذني من شر نفسي

يا بنات ..............الله يعطينا من غير ما نطلب .....كيف لو طلبنا ؟؟؟!!!

بنات ...

تتذكرون (لا إله إلا الله )؟؟؟منها البدايه ...هي البدايه

لازم نتعلمها لأن الله أمرنا بكذا (واعلم أنه لا إلاه إلا الله )تعلمي واطلبي العلم بها ....من الدروس

والأشرطة ..وإذا لمس الله مافي قلبك من رغبه في طلب العلم حيرسل لك الإجابه

أن ما كنت أعرف هالأشياء كلها ولا كنت أعرف من القرآن شي ....حتى آية الكرسي ماكنت أعرفها ما أعرف إلا المعوذتين بس

لا زم نتوب يا بنات ....ولا زم نستعد لليوم الآخر ...

قلوبنا عليها أغطيه لا زم نزيلها ...

ادعي الله دائمأ أنه يرزقك الهدايه ...

اللهم اهدنا ويسر الهدى لنا

وأستغفر الله لي ولكم ))

انتهى
بريد القمم

افا ليش تكس اشرطة راشد الماجد تعطينياها
يعطيك العاااااافيه

















تحيـ ـ ـ ـ ـ ـ ـ ـ ـ ـ ـ ـ ـ ـ ـ ـ ـاتي

عزيزتي..

يعطيك العافيه..

وجزاك الله خيرا..

تقبلي تحياتي..

..الـ الجوريه ــورده..

يعطيك العافية
وجزاك الله خير


وتحياتي لك :
خلاص الماضي

رائع واروع
جميل واجمل مرورك
يالغالي سيد جروحي









اخوك
بريد القمم

الوردة الجورية
مالت الاوراق وتعانقت الثمار
بمرورك الرائع والاكثر





اخوك المحب
بريد القمم