( أرجوك لا تزيد المواجع في هواك ابتليت )

الكاتبة : عــيــون الـمـهـا

الجزء الأول ..

موضي : يا بشوووره خلاص
بشاير : يمااا والله اني ميته الحين .. أبي اشووف امي
موضي: طيب خلاص الخميس بتجي الكويت
بشاير سكتت ...
موضي امهاا اللي ربتهاا من كانت صغيره ..ابو بشاير طلق امها بسبب المشاكل اللي بينهم وكان عمر بشاير سنتين .. وتزوج ابوهاا موضي اللي عوضت بشاير كل شي .. صارت بشاير وموضي مو بس زوجة الاب والام صارت الصديقه لبشاير..
بشاير اللي في قلبهاا ما تبينه الا على أقرب الناس لهاا .. اللي يشوف بشاير تعجبه من نظره .. طوول ورشيقه وبيضاا .. كل شي في وجها صغير .. العيون القتاله ..والفم الكرزي .. والخشم المسنون الصغير .. طفوليه لابعد درجه .. تحب الشعر وتمووت على الشعر الصدقي مو شعر اليوم .. تحب الخبال والهبال .. بس ما يطلع خبالها الا عند صديقاتها ..بس عند الناس ماكو أثقل وأعقل منها .. تموووت على امهاا الصدقيه .. امها بنت خالة ابوها .. وتقريبا كل اربعا من كل شهر تجي الكويت عشان تشوف بشاير.. اسم امها ( رفعه ) تزوجت ولد عمها بعد ما طلقها جابر ( ابو بشاير) ..
جابر .. ابو بشاير .40.. رومانسي ويمووت على زوجته موضي ...ويعشق بنته بشاير .. مزيووون حتى واهو كبير ..وعليه حركاااات خطيييررره
موضي.. 30 .. حلوة وفرفووشه وتموت على جابر وتغار عليه .. حييل تهتم في جسمها وبشرتها عشان ما يطير جابر منها ...
بشاير..18 ..مثل ما عرفتوها .. ونسيت لا اقول لكم عنها شي اساسي .. تكررره الدراسه ولا تحبهااا .. بس ما تدري وشلون في كل سنه تنجح .. بس البركه في صديقاتها اهم اللي يدزونها ..
تحرير.. 5سنين .. بنت مشاغبة لابعد درجه وتموت على بشاير .. حلووة بس لسانها طوويل يبيله قص ..

....

بشاير قاعده مع رفيقاتها ...
عهود >>> بنت عم بشاير الوحيده .... مزيونه وجسمهااا خليجي... ملقوووفه .. تموووت على بشاير ..
لولوه + ساره .. رفيقات بشاير وعهود ..
لولوه حلوووه واحلا ما فيها انوثتهااا ونعومتهااا وتموووت على بدر اخو عهود وولد عم بشاير.. وساره حلوه واحلا ما فيهااا جسمهااا اللي ذبح بشايرر ودفااشه وحساسه وتنجرح بسررعه ..
عهود : وجع يا بشايرر والله ان ما شديتي حيلج في الفرنسي اذبحج
بشاير: وش اسوي يا عهود ادرس كني ما ادرس .. حاله .. شفتي الدستوور قعدت يومين عليه واخذت8 من 15 شفتي دراستي وشلون صايره
عهود: انا عاد في امتحان الدستور ما درست له .. بالعكس طلعت انا وامي وتمشيناا ورحنا الافينوز وشوفيني اخذت 15 من 15 .. والله شكلي بقوم عليج
ساره تجي ..
ساره : وش فيكم ؟
عهود: بشاير بتذبحني ..
لولوه: غيرو الموضوع صدعتو راسي ..
بشاير: طيب طيب .. ودي لو اطلع حديقه باجر .. منو تخاويني ؟
عهود نقزت...
عهود: اناا انااا
ساره : امرحي بس .. مراح تخليج امج
عهود بتحطم: هذا اللي محطمني
بشاير: وليه ما توافق عمتي؟
عهود : امي مسويه حفله لاخوي توه متخرج من العسكريه يوم الخميس ومشغووله
بشاير: منو محمد ؟
عهود : لا .. بدر
لولوه تشققت من الفرحه : المزيون
عهود: أي على قولتج المزيون .. تذكرين لولوه لما طلعنا من المدرسه وش قال لنا ؟
لولوه ماتت من الضحك ...
بشااير: لا يكون علق على الخرزامه اللي بخشمج ؟
عهود : هههههههههه أي يقول عبالي خدمات المدرسه
لولوه : مدري وشلون شافني
بشاير: تتخيلين يتزوجج ؟
لولوه : اغسلي ايديج الثنتين
بشاير: ليه ؟
لولوه : مو من قبيلتي
ساره : بنات وش رايكم نهرب من الحصه
بشاير تمسك يد ساره ..
بشاير: انااا معاااااااج يدا بيد
عهود : بس ندور شوي ونجي .. مابي الابللات يعطوني تعهد
لولوه : عادي احنا في اخر السنه نبي نستانس شوي
بشاير: يلللا قبل لا تجي الابله
ويطلعون كلهم ويتمشوون .. واللي تفتح الباب على الصفوف واللي تصفر واللي يتسابقوون والصراخ .. حتى شافتهم الناظره وعطت كل وحده فصل .. واستاهلو اللي جاهم وقعدو في البيت....

جابر: انا وش اسوي فيج ؟
بشاير : يبااا الغلط مو منااا .. من هالناقه الناظره
جابر: وليه ؟
بشاير: بالله عليك يا يباا الحين يحكرونا بهالحصص اللي فجرت مخوخنااا ..المفروض يغيرو طريقه الدراسه
جابر: وش تبين يسوي لج يا الشيخه بشاير؟
بشاير : امممم يخلونا ناكل في الحصص .. ووويطلعونا ويمشونا ويسوون رحلات خارجيه كل يومين برى ..
ويقطعها ابوها ..
جابر: وش رايج بعد ما تجيبون الكتب وتقضونها ضحك وسوالف ويخلون نص حصه في اليوم عشان الشيخه بشاير ما يعورها راسها ؟
بشاير ضحكت .. وحست ان ابوها يتمصخر عليهاا عاد اهي تقوول بجد هالكلام واهو قعد يتمصخر ..
بشاير: يبااااااااااا
جابر: وجعااااااا بشاير هذي اخررر مره والله ان عديتهاااااااا مراح اخليج تشوفين امج مده شهريين
بشاير: لا لا كلش ولا امي .. خلااص والله اتووووب
جابر يضحك: ههههااااااااي هذا اللي ينفع معاج
دخلت موضي...
موضي: بشووووره وش مسويه اهني ؟
جابر: الشيخه بشاير عطوها فصل
موضي: بشوووووره وش مسويه بعد هالمره ؟
بشاير: مو مسويه شي كله من الابلااات مو مني
موضي تكلم جابر: أي والله يا جابر مو من بشوره من هالبلااات اللي بس يبون كل بنت مثاليه لا تتكلمووون ولا تمشوون الا لما اهي تتكرم وتقول .. ولا بعد تتشرط عليهم ابي هذا ومابي ذااا والله ناس تقهررر
جابر يربع ايدينه : والله اقوول مين اللي يشجع بشاير على خبالهاا اثريج انتي يا مضاوي؟
موضي : جااابر يعني اذا ما شجعت بشوره مين اللي بيشجعها غيرنا ؟
جابر: انا اقووول الاربعا ذا مافي روحه عند بيت عمج ..
بشاير: يباااا انت من صجك الحين انا صارلي اسبوعين اناقز ابي اشوف امي تبي تأجلهااا مو كافي الشهر اللي طاف ما شفتهاا
جابر: ذيك المره كنتي ماخذه طماطتين في الشهاده .. وبعدين احسن شدي حيلج عشان مره ثانيه اوديج لهااا تقعدين اسبوعين
موضي: وشوو اسبوعين انا ما اصبر عن بشوره ..
بشاير: بـــس صدعتووو راسي بروووووح اريح لي شوووي ...
...

الاربعا . .. .

بشاير متوتره .. .
ساره لاحظت عليها هالشي ..
بشاير في بعض المرات وخاصه الاربعا توتر حييل .. وتفكر في الساعه .. لان امهاا فهاليوم تجي من السعوديه ..
ساره كانت قاعده عندها . .
ساره: وش فيج ؟
بشاير: هاااااه لا مافيني شي؟
ساره تهمس لها : بشوره الله يهديج ان شالله
بشاير توهقت ماتبي رفيقاتها يعرفون شي عن امها ..
بشاير حست ان لازم يعرفون رفيقاتها عن امها : اليوم امي بتجي من السعوديه ؟
ساره رفعت حاجبها : السعوديه ؟ ليه امج مسافره ؟
بشاير وقطت القنبله قدام رفيقاتها : ابوي مطلق امي من كنت صغيره
ساره: شلون مطلق امج ويوم االاجتماع جات ؟
بشاير: هذي حرمة ابوووي..
ساره سكتت وانترست عيونها دموع .. ساره حساسه بدرجة مو طبيعيه ..
بشاير تمسكها ..
بشاير تضحك تحاول تغير الموضوع ..
بشاير: هههه شفيج ؟
تنقز عهود من ورى ..
عهود: وش السالفه
بشاير: هههههه مافي شي يا الملقوفه
ساره تمسح دموعها : وجع وجعتين وثلاث .. الحين انا اعرفج من بدايه هالسنه ولا قلتي لي
بشاير: سارره والله مافي شي يستاهل
ساره تكزها : هذا شي ما يستاهل جااب
بشاير : تكفين خلاص اخر مره
ساره : جاااب ثاني مره لا تعيدينهاااا
عهود: وش السالفه ؟
لولوه: يا لقافتج يا عهود
عهود : وش اسوي معاهم بس يكركرن في الحصص وانا ساكته وش هالظلم ؟
لولوه: يرحم امج اسكتي كله منج طافتنا دروس والسبب الدواره
عهود : والله بشاير اهي اللي شجعت
بشاير: هههههههههه الحين صرت انا يا عهود اعلمج اعلمج بعدين هين
عهود : هههههه روحي زين .. الا اقووول يا بنات لا تنسووون باجرر حفلة اخووووي
لولوه فرررحت كثييير تفكرر شنو تلبس باااجر عشان تعجب ام عهود وتخطبهاا لبدرر ...
اما ساره مو معذبهااا الا محمد اخو بدرر اخو عهوود تموووت عليه بس محد يعرررف ... كل وحده تفكر اليوم تروح السوق وتشترري حق باجر .. اما بشاير فالحفله باجر ما تهمها كثر ما يهمها اليوووم .....
ردت البيت واهي مستانسه اخذت شووور بسرررعه ولبست وحطت ميك اب ناعم ...
بشاير: يمااااا تكفين قولي السايق يجهز السياره على ما اجهز عبايتي
مضاوي: بشاير امج ما جات اليوم
بشاير صرررخت : ليش؟؟
ركضت فوق غرفتهااا وقفلتها عليهاااا .. ماتت غيض وكرهت عيشتها وما لامت ساره لما تحزن عليهاا .. مضاوي كسرت خاطرها بشايررر..
وقعدت تنطر جابر...
دخل جابر البيت وشاف البيت هدوء...
مضاوي تشرب شاي ومجهزه القهوه والشاي ...
جابر: السلااااام عليكم
وقعد .. صبت له مضاوي شاي..
مضاوي لين الحين متضايقه : وعليكم السلااام
جابر يشرب الشاي: راحت بشاير؟
مضاوي: لااا.. امها ما جات
جابر: لاحووووول الحين عاد تحط السبب علي .. بتقول ابوي حرمني من امي .. عاد الحين وش اللي يراضيهاا ابنيتي واعرفهااا تقعد اسبووع واهي زعلانه ..
مضاوي مكشخه ضروسها: وانا ليا زعلت تحاتي زعلي؟
جابر يضحك:لاااا اللي ما حاتيت لانج بكلمه وحده مني ترضين
مضاوي اكلت شفايفهاا من الغيض اللي جاها من جابر...
جابر ذاااب لماا شافها تاكل شفايفها من عصبيتهااا.. وده لو ياكلها اهوو ....
حبت تغير السالفه ..
مضاوي: جاابر واللي يسلمك اتصل على خليفه ( زوج رفعه ) وسأله
جابر: الحين بشوفه
ودق عليه ..
جابر: قوووه وشلونك يا بومطلق
خليفه: بخييير الله يسلمك وانت وشلونك ؟ وشلون الاهل ؟
جابر: بخيير الله يبقييك .. الا بسألك .. البنت متضايقه وودها تشوف امهااا بس ما جات امهاا عسى ماشر؟
خليفه : والله يخوك الحرمه تعبانه وجايها السرطان في الرحم واهي تعبانه
جابر: لا حول ولا قوه الا بالله .. وشلونها الحين ؟
خليفه : ما اكذب علييك لو اقولك تعبانه وتحاتي صحتها
جابر: الله يقومها لكم بالسلااامه .. الله يعين بنتي لو اقولهااا .. عاد المسكينه نطرت شهريين وتبي تشوفهااا
خليفه : وشرايك تجي انت والاهل عندنااااا.. عين فراش وعين غطااا وحياكم الله
جابر: لا والله اسمحي لي يا بومطلق البنت عندها امتحانات اخر السنه
خليفه : أجل اذا خلصت دق علي وقولي وتنجهز لكم
جابر: والله ماله داعي
خليفه : وشهوو اللي ماله داعي .. الا هذا واجب .. انت ما عليك الا انت تخبرني وخل كل شي علي
جابر: والله فيك الخير يابومطلق يلا ما اطول عليك فمان الله
خليفه : فمان الله
..

جابر تنهد وشاف في وجه مضاوي الاستغراب..
جابر: رفعه فيهاا سرطان الرحم
مضاوي تضايقت: الله يقومها بالسلاااامه .. وشلونها الحين ؟
جابر: والله يقول تعبانه وانا واعدت الرجال اذا خلصت امتحانات بشاير نروح كلنا الرياض
مضاوي :ان شا الله ..بس تكفى يا جابر لا تقول لهااا عن امهاا يخوفي ترسب هالسنه
جابر: لا تخافين انا قلت لعهود تغششهااا كثر ما تقدر
مضاوي تصفق له : فرافووووو عليييك
جابر: ههههههههههه وش اسوي فيهااا هذي ما تنفع معها الا هالطريقه
مضاوي: بس ذا مو معناته خلاص تقعد لازم تشد حيلهااا انا الحين بقووم واراضيهاااا
جابر: وانا بعد بقووم تعباااان
راحت مضاوي غرفة بشاير وانصدمت انها تشوفها تجهز فستانهاا حق حفلة تخرج بدر ..
مضاوي حست ان بشاير متضايقه ...
مضاوي تروح وتاخذ الفستان من يد بشاير وترتبه وتحط بالكبت ..
بشاير ساكته ماتبي تفتح الموضوع
مضاوي ( تجذب) : امج توها اتصلت وتقووول انها ما جات اليوم لانها ماتبي تشغلج عن دراستج.. وتقول مراح تجي الا لمااا تجيب نسبه زينه تدخلها الجامعه وبعدها بتجي
بشاير فتحت عيونهااا وفتحت فمها من كلام مضاوي...
بشاير ( عشان جذي امي ما جات انا اوريهاااا والله لزعل زعل بوجهل )
بشاير تحط يدها على خصرها: لاااا والله ... ولووو وش فيها الامتحانات كلها ورقه بشخبط فيهاا وبطلع الحين ذا عذرهااا عشان ما تجي
مضاوي تقلد بشاير وتحط يدها على خصرها ..
مضاوي: أي حبيتي مالت عليج تبيج تشدين حيلج وتجيبين نسبه تدخلج الجامعه
بشاير: وليه الحين اانااا اللي بمنتحن والا اهي
مضاوي: لا يا بعدي انتي ..بس شدي حيلج وعلى قولت ابوج خلي عهود تغششج بالامتحان
بشاير: عفيه عفيه عشان يمسكوووني وارسب مره وحده .. دام هذا شرط امي خلاص انا بشد حيلي وبجيب نسبه
مضاوي: الحين الساعه 9 روحي نامي... وراج مدرسه .. وريحي بشرررتج
بشاير تبوس خد مضاوي: ان شا الله مامي
مضاوي ابتسمت لهااا وراحت بكل دلع لجابرر..
مضاوي: شفت وشلوون حبيبتك راضت بشايرر
جابر مو منتبه لهااا قعد يطالع فيديو كليب هيفاء وهبي ومفتح فمه والظاهر انه حتى ما انتبه على مضاوي .. ومضاوي انقهررت لان ماشافهااا .. مشت من وراه وراحت ترتب الغرفة .. تحاول تطلع صوت بس ماا انتبه لها .. ما استحملت ...
مضاوي بعصبيه: أي أي شوفهاااا لا تطوووف أي شي
جابر التفت لهااا.. وضحك عليهاااا
جابر: ههههههههههههه أي أي بشوفهااا ولا راح افوت أي شي .. تبيني افوووت هالمزيووونه
مضاوي ارتفع ضغطها ..
مضاوي: أي مزيووونه كلها عملياات تجميييل وعجوز متكسره اكبر مني واكبر منك وووع
جابر عرف انها غارت عليه بس حب يلعب عليهاا..
جابر ما عطاها وجه : حتى ولو اهم شي عاجبتني
مضاوي ( اففففف انا احلا منهاا بألف مررره واهووو مبقق عويناته بهالعجوووز )
مشت مضاوي وطلعت عنه وراحت نامت بغرفة من غرف البيت لان محد يستخدم غرف البيت غير بشاير .. ولان تحرير تنام مع امها وابوهااا دايم تكون الغرف فاضيه .. وراحت تنام فيهاا... واهي نايمه عصبت على جابر وشلوون يخليهاا تروح عنه واهي زعلانه عليه ...
قامت مضاوي ما استحملت انهاا تنام لحالهااا لانهااا تخاف من الظلمه ولانها ترتاح لما يكون جابر معها وتحس بالامان معاه .. قامت واهي لابسه روب النوم وراحت فتحت الغرفة بشويش ..وشافته نايم بسابع نومه ...
انقهررت لما شافته نايم ..
مضاوي( هين يا جابرررر ان ما خليتك تندم ماكون مضاووي الحين لعنبو دارك مخليني زعلانه ونايم ) وراحت واهي معصبه ...
...

اليوم الثاني ...

قامت بشاير وراحت المدرسه .. ومن بعدها راحت مضاوي مع السايق للسوووق تشترري حق الحفلة .. ما عجبها شي من الفساتين .. شافت فستان عاري الصدرر وتحت الركب ولوونه احمر دم الغزال .. حبت تقهرر جابر .. وراحت شرته .. وشافت صنادل رروووعه وشرته .. ودخلت محل الاكسسوارات وشرت اكسسوار لشعرهاا ,, ودخلت داماس وشرت اكسسوارات لهااا .. طلعت وراحت حجزت في الصالوون ... ردت البيت واهي مستانسه ...
مضاوي ( بتشوووف يا جاابر مين تكوون مضاوي ) .,, ردت البيت وراحت تحط الماسكات على وجههاا ... وتريح عمرها ...
ردت بشاير البيت وما لقت امها مضاوي .. راحت اكلت غداا وبعدهاا راحت ترتاح عشان تقعد المغرب وتتجهزز ...

المغرب..

قامت بشاير وحست ان راسها مصدع .. ودها ما تروح الحفله ..بس غصب عليها تروح ... شافت تحرير جاهزه .. وتأففت
تحرير: يللاا اخلصي خلينا نروح
بشاير : لا والله تعالي بعد قومي اضربيني ؟
تحرير تضرب بشاير..
بشاير: والله يا تحرير مراح اخلييج .
. وتقوم تلحقهااااا تبي تضربهاااا وتحرير تضحك وتركض .. لين شافو ابوهم توه جاي...
جابر: لين الحين يا بشاير ما خلصتي ؟ ؟
بشايرر: لا
جابر: قوومي اخلصي
بشاير: بس امي ما جات من الصالون ؟
جابر: بيجيبها السايق اهناااك ..انتي بس روحي البسي تأخرنا
بشاير: لحظه يباا لا تستعجلني
جابر: انا الحين بشرب كوب شاي ان خلصتها ترى والله بروح عنج
بشاير تركض تبي تخلص لان ابوها يسويها كذا مره سواها فيها .. راحت اكشخت بسررعه وحطت مكياج ناعم ولبست فستانها الاخضرر طويل ومخصر عليهاا مطلعهاا جنااااان .. ربطت شعرها من فووق .. ولبست صنادلهاا ولبست عبايتهااا ونزلت تحت ..
وراحو كلهم الحفلة ...
شافت بشاير رفيقاتها اهنااك سلمت عليهم وقعدت وياهم طق سوالف..
قربت منهم مضاوي .. شهقت بشاير ووراها شهقوا رفيقاتهاا...
انصدمووو من جمااال مضااوي .. طالعه طلعه .. دايم يشوفون على مضاوي مكياج ناعم بس هالمره مكياجها فخم ... خاصه دم الغزاااااال عليهااااا عذاااااب ... والشفايف المليااانه اللي يغروون .. .والا جسمهاا يغري .. وقصت شعرها شلال من قدام وطبقات من ورى ..
مضاوي: السلااااام عليكم يا بناااااااااااات
البنات : فاتحاات حلوقهم ...
مضاوي شكت بعمرها...
مضاوي ترتب شعرها من ورى بالخفيف..
مضاوي بخوف: بنااات شكلي مو حلو ؟؟
عهود: عمتي موضي وش هالحلاااااااااااااة ماشالله عليج لا اله الا الله .. قمرررررررر وربي قمرررر
بشاير تضرب فخوذها : ياويلي عليييك يا يبااا اليوم ميت ميت من حلاة مضاوي
لولوه وساره يذكرن الله في قلبهم من حلاة مضاوي..
مضاوي: اسكتي بس لا تجيبين طاريه
بشاير تقوم وتتخصر: وليش بالله وش فيه ابوووي ؟
مضاوي : امس تدرين وش سووواا ابووج
بشاير: وش سوى ؟
وراحت تتمشى معاها .. والناس يشهقون من حلاة مضااوي اللي خذت عقووول الحريم والبنات ..
مضاوي: امس قعد يطالع ذي عجوز وهبي ومطنشتي قال ويش قال مزيووونه
بشاير ما مسكت عمرها وتضحك ..
بشاير: بالله عليج هذا سبب عشانه تزعلين ؟
مضاوي: أي
بشاير: يا الحساسه توج تعرفين ابوووي .. ابوي اذا شاف وحده قعد يغازلهااا .. اسم الله عليه ابوي مزيووون طالع علي
مضاوي : بس طفشت من حركاته .. كلما شافني ما مدحني
بشاير: ابوي يموت عليج بس يحب يغايضج شوي..
مضاوي: شرهتج عاد اللي بيرد عليه اليوووم ..
صج صج مضاوي في الحفلة نجمه الحفلة ... لانها طالعه بلووك حلوو .. حتى الحريم نصحوها تمشي علي هاللووك لانه يجنن عليهااا... اهي اصلا قاصده انها تطلع حلوه عشان جابر والا الناس ما درت عنهم ... على قولتها بالعنااا ..
لولوه وساره كاشخااات وكل وحده ماتدري عن الثانيه .. يستعرضون قدام ام محمد ( ام عهود ) عشان محمد وبدرر..
اما بشاير فكانت عند مضاوي امهااا الفرفووشه .. وكانت تحمد ربهاا ان الله معطي ابووها هالقمررر اللي ماكو احلا منها وماكو اطيب منها...
دق تلفون بشاير.. وكان ابوها ..
بشاير: هلا يبااا
جابر: يللا يا بشاير تراني برى قولي لامج مضاوي وتحرير عشان نرووح
بشاير: ان شالله
جابر: يللاه مع السلامه
بشاير: مع السلامه ..
تلفت لامها ..
بشاير: ابوي برى
مضاوي: روحي انتي مع تحرير ..وانا بقعد شوي اهني
بشاير: اخاف يعصب
مضاوي: لا تخافين ولا تقولين له اني زعلانه اوكي .. قولي له امي مضاوي عند ام محمد تساعدهااا اوكي اهو مراح يقول شي
بشاير: انزين ..
وطلعوو بشاير وتحرير وركبو سياره ابوهم ..
بشاير ركبت قدام عند ابوها ..
بشاير: يللا حررك
جابر عقد حواجبه : وموضي وينها ؟
بشاير: تساعد عمتي ام محمد وتقول انها بترد بعد شوي
جابر: اجل نرووح ..
وراحو البيت ... ولما ردوو ... بشاير اخذت تحرير عشان تنومها عندهاا عشان تصفي الجوو .. بين الحبيبين ..
ردت مضاوي بكامل اناقتهااا البيت ...
وصعدت فووق.. وشافت ليت الغرفة مفتووح وبابها بعد ...
جابر سمع صووت .. عرف انها موضي..
جابر ينادي: موضي
موضي بصوت كله دلع ..: هلااااااا
جابر ذاب من صوتها . ..
جابر : تعالي
موضي: بروح انام
جابر معصب: تعالي اخلصي علي
وتدخل الغرفة وتفصخ ملفعها وعبايتهاا. . فتح عيونه وطاااح فمه .. قمررررر في هيئة بشررر الا حووووريه ...
جابر ( الله يعينك يا جااابر من هالعذاااب )
مضاوي بكل دلع : هاااا جيت وش تبي؟
جابر يقوم ويطالعهاا من فوق لتحت ويمر من صوبها ويتحفصهااا زين ..
جابر: الله الله وش هالحلاااااااااة وييني عنج من زماان
مضاوي بغرور: يللا اخلص علي بروح اناااام ؟
جابر يسك الباب ... ويطالعها بخبث...
مضاوي: طيب وليه تسك الباب انا الحين بطلع واسكه عنك .
. وتبي تفتح الباب.. والا اهو يشيلهااا ويحذفهااعلى السرير ويلعب بخصلات شعرهااا ..
جابر يشم شعرها .: ياويل حالك يا جااابررر من موضي
مضاوي تبتسم بانتصار: لا والله وين عجوز وهبي خلها تنفعك
جابر ( ياويلي تغار مضاااااوي تغار على من شيفة وهبي اهي وين وانتي وين ) ..
جابر: وشلي فيهااا دام معاي القمررر مالي ومال النجووم
مضاوي تعض شفايفهااا...
جابر: كم مره اقولج لا تعضين شفايفج تراااج تغريني فيهم ..
مضاوي تضحك بكل دلع وغنج ....


مرت الامتحانات وكل امتحان رعب في قلب بشاير .....كل يوم انحس من الثاني على بشاير .. وعهود ضغطها مرتفع من سبب بشاير...

الامتحان الاخير .. ( فرنسي ) ,,

قبل الامتحان ...

بشاير: افففففففف ملييييت
وتحذف الكتاب من عندهاا ..
لولوه: على الاقل احفظي كلمتين تنفعج بالامتحان
بشاير تمسك راسها: بــس صدعت
عهود: طيب انا بحاول اغششج فالامتحان
ساره : يا خبله انتي وين قاعده بيمسكونج
عهود: أي صح تذكررت .. سويره في موضوع مهم ابتكلم معاج فيه بس ذكرني فيه اوكي
ساره استانست ودعت ربهاا انه يكون اللي في بالها
لولوه حست بالغيره من ساره ..
لولوه ( اكييد بتكلمهاا عشان الخطبه والله لو صار هالشي بموووت )

في الامتحان ..
بشاير في نص الامتحان نامت على الطاوله وكل ما تجيها الابله تقول تعبانه .. اما لولوه ما حلت زين كله من التفكير .. وساره بدعت في الامتحان وحست انهاا بتاخذ العلامه الكامله في الامتحان .. اما عهود فكان نص الامتحان كاتبته بالانجليزي ..
بعد ما ودعت بشاير رفيقاتها ردت البيت . . وشافت ابوهاا .
بشاير بتعب : السلام عليكم
جابر: وعليكم السلام .. وشلون الامتحان ؟
بشاير قعدت : زين
جابر: طيب الحين قومي جهزي شنطج واغراضج لان باجر بنسافر السعوديه
بشاير منصدمه : شنو ؟
جابر: ما تبين تشوفين امج ؟
بشاير بدون تفكير: امبلى ابي اشوفهااااااا
جابر استانس: الحين روحي ارتاحي وجهزي اغراضج عشان باجر موتقولين يباا نسيت كحلي خلنا نرد مثل ما سويتي العام
بشاير ضحكت على خبالها.. وراحت خذت لها شور ورتبت اغراضهاا بس شافت ان البناطيل عندهاا شويه .. وراحت عن مضاوي
بشاير: يماااا مضاوي
مضاوي : هلااااااا عمري
بشاير تقعد على الارض... بتحلطم ..
مضاوي: وشفيج ؟
بشاير: تكفين يماا خلينا نروح السوووق
مضاوي: وليه ؟
بشاير: ماعندي بناطيل جدد ابي شي جديد
مضاوي تمسك راسها: يا فظحي قدام الناس تبين تلبسين بنطلون قدام الحريم ؟
بشاير: طبعا لاا بس عند امي
مضاوي: لا لا ياويلج ان اخذتي بناطيل .. انا فصلت لج دراريع ناعمه وملافع وعبايات ونقابات
بشاير: بس يماا انا مو متنقبه
مضاوي: تتنقبين ما تشوفين عهود بنت عمج متنقبه
بشاير: انا ودي اجل خلاص بتنقب .. والله خايفه اني اطلع جنيه
مضاوي: لا حبيتي الزين ذا كله وتطلعين جنيه .. طيب وش سويتي في الامتحان ؟
بشاير بضيقه : زين
مضاوي غسلت يدها من بشاير .. تعرف بشاير زين .. دوم تنجح بالدز .. راحت مضاوي وطلعت دراريعها ودرايع بشوره وشرت لها ولتحرير وبشاير كم غررض وردت البيت وجابلت الماسكات والتونيكات على وجهها ..

شنو توقعون بيصير هناك ؟

هل راح تعرف بشاير ان امهاا مريضه بسرطان الرحم ؟؟

وهل راح تصير هناك مغامرات ؟

ترقبو ...

القصه شكلها روووووعه..

ما شاء الله عليك قصصك مررره تجنن..

ننتظر البارت الجديد..

تحياتي..

الصراحه ابدااااع
شوقتينا نعرف ايش صار بعدين
تكفين لاطولين علينا

مودتي
لاخلاولاعدم

الجزء الثاني .. .

من التعب نامت بشاير اليوم كله ..

اليوم الثاني. .

انصدمت بشاير انها نامت اليوم كله .. صلت الصبح وشافت شنطتها جاهزه ..
بشاير ( الله يخليج لي يا مضاوي صج ما قصرت ) ..
نزلت تحت وشافت ابوها وتحرير ومضاوي جاهزين . .
مضاوي: يالله لين الحين ما لبستي؟
جابر: يالله يا بشاير ورانا دررب
بشاير فتحت عيونها : ورانا درررب يباااااا لايكون بنروح بالسياره ؟
جابر: وش نسوي بعد مافي رحلات كلها زحمه .. ( ويقوم ) يالله انا بشغل السياره .. بشاير
بشاير: هلاا
جابر: روحي البسي بسرررعه والا ترى مافي روحه
ركضت بشاير وراحت تسبحت وتعطرت وحطت كحل خفيف ومسكراا وسنعت حواجبها مع انه ما يحتاج بس لزوم الكشخه .. ولبست العبايه ولبست نقابهااا اللي طلع جنااان عليهاا وبين عيونها كيف قتاله ... نزلت تحت ومعاها شنطتهاا .. شافت البيت مظلم
بشاير: والله اوريهم طلعو كلهم وخلوني
وطلعت برى وركبت السياره واهي معصبه ..
تحرير: بشاير عطيني ماي
بشاير: اقلبي وجهج
تحرير دمعت عيونها وسكتت..
مد جابر لتحرير مطاره الماي ..
جابر: ليه معصبه ؟
بشاير: لا والله الحين تخلوني وتروحون ؟
جابر: انا قايل لج
بشاير تأفففت وقعدت طلعت لها كتاب شعر حامد زيد وقعدت تقراه ... الدرب طويل وملت بشاير..
دخلو الجوازات ..
جابر شغل المسجل .. على اغنيه ( يسلامي عليكم يا السعوديه ) ...
مضاوي: هههههههههههههههه طووول بعد بعد عشااان يسمعوووووووون
جابر: ههههههه يسلااااامي عليكم يالسعووووووووووديه
مضاوي: شف شف ذاااك يبتسم لناااااااااا
جابر: يا حليلهم والله .. طوووووولي اكثررر
وتطوول مضاوي على الصووت ..
بشاير مالها خلق نقدت على ابوها وامها مضاوي على خبالهم ..
كانت بشاير منسدحه على المسكينه تحرير..
جابر : يالله الحين قومي يا موضي انتي وبشاير ورحو عند قسم الحريم
مضاوي : ان شا الله . .يالله بشاير
بشاير: وشوو ؟
مضاوي : قومي خلينا نروح نختم جوازاتنا عند قسم الحريم
بشاير: انزين
ونزلت بشاير وقبل لا تسكر الباب ..
جابر: بشاير
التفت بشاير لابوها ..
جابر: ارفعي نقابج عدل
بشاير: حرام عليك يباا والله مت
جابر بصوت جاد : بشاير
بشاير : ان شاالله
رفعت نقابها وراحت مع مضاوي .. جابر شاف بنته وخاف عليهااا . .
جابر ( صج عيونها تذبح ماشالله عليهاا الله يحفظج يا بنيتي ) ,,
دخلت بشاير ومضااوي ولا كان فيه احد ..
الهنديه اللي كانت توقع الجوازات وقعت جواز مضاوي .. وراحت بشاير وعطتها جوازها ..
الهنديه : هازا مو انتي ؟ ( هذي مو انتي )
بشاير حطت ايدينها على خصرها ..
بشاير: لا والله تعلميني بنفسي ؟
الهنديه عصبت وحذفت الجواز على بشاير .. بشاير طلعت لها الهنديه قرروووون ..
مضاوي عصبت : انتي وش فيج ؟
الهنديه : انا يقوول هزا جواز مو مال هي
بشاير حذفت جوازها على وجه الهنديه .. وطبعت طبعه حمرا على خد الهنديه السودا .. طبعا الطبعه ما بينت .. هههههه
الهنديه : انا يعلم انتي شلون يضرب انا ..
وطلعت الهنديه ..
مضاوي: ياويلنااا هذي وش بتسوووي
بشاير: شكلها بتفضحناا قدام الناس ..يويلي من ابوووي اكييد بيقوول كله منج ..
دخلت الهنديه وعلى وجهها علامات النصرر..
الهنديه : يالله امشي
بشاير : وين امشي شدعوه برد عليج
الهنديه تضحك : يلللاااا روهي عند هازا مديرر
مضاوي: الله ياخذج وشوو مدير؟
بشاير مشت ورفعة خشمها ومرت من عند الهنديه ودعمتها ودخلت داخل..
مضاوي: هذي وين راحت ياربي هذي عبالها ان الحين في الكويت
لحقت عليها لانها تدري ان بشاير تاخذ حقها بيدها ..
شافت بشاير ان الرياجييل يطالعونها باستغراب .. شافت لوحة المدير ودخلت .. .
بشاير: السلام عليكم
المدير خالد .. تعجب من دخول بنت في مكتبه .. شاف عيونهاا وش حلاتها ..
المدير خالد بجمود : وعليكم السلام نعم اختي ؟
بشاير تشجعت وتقدمت ..
بشاير: اخووي الهنديه اللي بقسم الحريم
خالد قطعها ..
خالد نقد على اسلوب هالبنت .. ( وشوو هنديته بعد )
خالد : وش هنديته ؟ قصدك الموظفه ؟
بشاير حست ان هالمدير بيوقف صف الهنديه . .
بشاير : أي الموظفه
خالد : وش فيها ؟
بشاير ( هذا اللي بيقهرني يسوي نفسه انه مايدري وتوه هالبقره جايتله وقايلته )
بشاير بجديه : تقول عن جوازي انه مو لي
خالد بنظره خلت بشاير ترتجف..
خالد : عطيني جوازك
ترددت بشاير وبعدها ( ليه ما اعطيه الجواز شدعوه عاد اني متنقبه )
وحطته على مكتبه واول ما شاف الجواز .. تنح في صورة بشاير .. وطالعها..
حست بشاير بالاحراج انه يشوف صورتها ..
خالد : افسخي نقابك !!
بشاير بصدمه ( هذا وش فيه ؟ من صجه ؟؟؟ )
بشاير: مراح افسخه
خالد بمكر : اجل تمي هناا
وقعد وشاف الاوراق اللي قدامه ولا عطاها وجه .. بشاير حست لاول مره انها خايفه .. شافت يدها ترتجف..
عضت شفايفها بحييره .. وقعدت وقت تفكر ..
خالد ( وش فيهااا لا عاد معطلتني ولا اهي راحت )
بشاير فسخت نقابهاا.. انصدم خالد منهاا . . شاف خدودها المليانه موردات من التعب والحر.. وشفايفها الورديه المليانه ..وشاف في عيونها الوهقه اللي اهي فيهاا..
خالد ( صدق ملكه جمال .. ااااااه يا قلب )
خالد بعصبيه : البسيه
وختم على جوازهاا ومداه لهاا . .
لبست النقاب وخذت جوازهاا ..
بشاير: يعني خلاص؟
خالد ما رد عليهااا .. حست بشاير انها غبيه .. وراحت ..
خالد متعجب من هالبنت اللي دخلت وراحت بهدوء.. وتعجب من معاملته القاسيه لهاا.. . شاف شنطه يد .. وتذكر انها للبنت بشاير اللي دخلت عليه وفرضت نفسهااا .. واخذ خالد الشنطه وبكل فضول حب يفتشهاا..
فتح الشنطه وشاف البوم صور صغير.. وشافه بسرعه .. وشاف صورتين مكررات وبدون تفكير اخذ صورة .. كانت فيهاا حاطه مكياج خفيف ومبتسمه .. وحطاها في جيبه ..

راحت بشاير وشافت مضاوي قدامها ..
مضاوي معصبه : بشاير وينج ؟
بشاير بكل حيويه : بعد وين رحت وسنعت مديرهم وقلت له يوقع ورجوله فوق راسه ..
خالد كان وراها وسمع كلامها عنه . .( ووشوووو تقول ذي )
خالد : اختي
التفت بشاير ولما شافته سكتت ( يا خبلج يا بشاير وش بيسوي الحين ؟؟ )
مضاوي: خير اخوي ؟
خالد عطى الحرمه اللي مع بشاير الشنطه .. ولما عطاها خز بشاير طيحت لها قلبها وراح .. .
وقفت بشاير متنحه فيه .. وشلوون خزهاا بنظرره ارتجفت منها ..
كملو دربهم وركبو السياره ...
جابر: وش السالفه ساعه ؟
مضاوي ما حبت تفتح الموضوع عند جابر..
مضاوي : يوووو ززززحمه والموظفه كانت تعبانه وطاحت عليناااا .. وش نسوي بعد
جابر: يالله نمشي
بشاير قعدت تشوف شنطتهاا وتتفقد اغراضهاا .. وشافت ان شنطتها كامله .. انسدحت على السياره .. وبعدها قطت بسابع نومه .. .
وصلو الرياض في الليل .. وحجزو فندق نامو فيه ..

اول ما دخلو شقتهم .. وكانت الشقة كبيره وفخمه وفيهااا 3 غرف وحمامين وصالتين ومطبخ تحضيري..
راحت بشاير ودخلت غرفة كان لونها فوشي وديكورهاا جذب بشايررر وكان الاثاااث فخم .. وطاحت على السرير ...
تحرير دخلت وعصبت ..
تحرير: بشاااااير قومي هذي غرفتي انا قلت لابووووووي
بشاير ماتبي ترد عليها
تحرير طبت على السرير وجرت شعرر بشاااااير
بشاير تصارخ : اااااااااااااااي وجع
تحرير تضحك : احسن تستاهلين يللا قوومي
بشاير بطرف اصبعهاا تحذف تحرير..
طاحت تحرير على الارض وبجت ..
تحرير تبجي : اااااااي والله لاقوووول لابوي
وراحت تبجي عند جابر ومضاوي وزادت بعد تعرفووون الجهال لازم يزيدووون ..
جابر: تستاهلين انا قايل لج مالج غرفة لحالج .. تنامين عندنا
تحرير: مااااابي انتم ما تنامووون دايم تسهرووون
موضي استحت : شنوو ؟
تحرير: انا ادري
جابر ضحك غصب عنه : ههههههههههههههههه وشنو تدرين ؟
تحرير: كل يوم بالليل ما تنامووون ودايم الليت مفتووح .. (اهني بجت تحرير ) الليت مفتوح علي وانتم قاعدين
مضاوي تضم تحرير وكتمت الضحكه داخلها ..
جابر: عبالي عندها سالفه والله موتتني ضحك
...


رجع خالد من دوامه .. وراح غرفته .. وانسدح وتذكرر الصورة البنت .. وطلعهاا من بدلته وبعدها شافهاا..
خالد ( يزينهااا .. ياربي سامحني على هالسواة بس وش اسوي فيهاا ذبحتني في عيونهاااا . . يحلوها قمرر .. يا حظ اللي بياخذها يا حظه من يناظر فيهاا ..ههههههههه رجولي فووق رراسي أي والله لجييك ورجولي فوق راسي يا الغرنووق والله لجييك كاني حلفت لك يا بشاير) ,, نام وحط الصورة في جيب بجامته .. وغط في سابع نومه ..

الصبح ...

خليفه : يهلاااااااا ويمسهلاااااا باللي لفانا
جابر: هلاااااا بومطلق
ويسلموون على بعضهم ..
خليفه : حياكم .. مطلق
يجي مطلق >> عمره 9 سنين ..
مطلق: لبيه
خليفه: لبيت حاج يا وليدي دخلهم ياوليدي
مطلق: ابشررر
ودخلوو معاه .. فسخت بشاير نقابهاا..
مضاوي: وجع بشوره البسي نقابج .. لا تنسين ان اخو خليفه عايش معاهم فهالبيت
بشاير: يوووو .. .انزين
ودخلوو شافت بشاير امهاا وراحت لوت عليهاا.. شافت بشاير امها شكلها تعبانه ..
بشاير: يمااااااااا
رفعه : هلااا يا عمر امج
بشاير: شفيج تعبانه
رفعه : ما فيني
شافت رفعه مضاوي واقفه .. قربت مضاوي وبغت تقوم رفعه .. بس مضاوي ما حبت انها تعب عمرهاا وسلمت عليها واهي قاعده ..
اول مره تشوف رفعه موضي.. اللي سمعت مدح بشاير لهاا...
مضاوي: وشلونج الحين يام مطلق؟
رفعه : بخيير الله يسلمك وانتي وشلونك ؟
مضاوي: بخييرر دامج بخير
وقعدو يسولفون .. ودخلت منى حرمة حموود اخو خليفه.. انبهررت منى من شافت بشاير ومضاوي..
منى: السلام عليكم
وراحت وسلمت عليهم ...
رفعه : منى هذي بنتي بشاير من رجلي الاولي .. وذيك حرمته
منى طوول الوقت تشوف بشاير اللي تلت قلبهاا..
منى: ياحييهم .. توني ادري ان بنتك ماشالله عليهاا كبيره
رفعه :توها مخلصه الثانويه بس الله يستر من نسبتها
تفشلت بشاير.. : يمااا
منى تضحك على وجه بشاير وشلون قلب لما تكلمت امها عن النسبه ..
منى: لا باين عليها شاطره

......