كذا يعني .. كذا فجأه .. تغير كل ( شيً ) فات
كذا زالت مواثيق الغلا و( الحب ) من ذاتك !!
كذا كنت .. كذا صرت .. كذا خيبت ( الهقوات )
كذا .. ( والا ) كذا .. ضيعت دروبي وخطواتي !!
انا مل الامل فيني .. ( يدور ) للشفاه اصوات..
عجز صوتي ينادي لك .. قضى قلبي من سواتك !!
نصيتك ( والوفا ) زادي .. رحلتي والقلوب اشتات
مصايب والرجا خايب .. تقود ( خطاك ) رغباتك !!
( كبيره ) طعنتك هذي .. تعودتي على الطعنات
غريبه حيل ذا المره .. ولاهي مثل ( طعناتك !! )
سألتك بالذي خلى ( عيونك ) تذرف الدمعات
تكف ( الدمع ) لاتجني على خديك دمعاتك !!
انا ما قد خبرت اني تعمدت اجرحك ( بالذات )
وانا ماهمني ( غيرك ) اعيش من اجل مرضاتك !!
سرقتك بالزمن ( لحظه ) وعشتك بالفراق ( اوقات )
ولا ادري وش بقى لي بالعمر من ( دون ) لحظاتك !!
أحبك .. رحت ادور في ( قواميس ) البشر كلمات
( عجزت ) القى حروفٍ تستريح بصدر كلماتك !!
أحبك .. يا ندى فجر الجروح ( وصحوة ) العبرات
أحبك .. كلمـةٍ ( تبكـي ) معـانيها على شفـاتك !!
تظن الوفا كلمه عجب واصل ( الوفا ) وقفات
صغير ( الشي ) في ظنك يصير اكبر معاناتك !!
ترد الخطا يمي .. تزيد ( الالم ) شرهات
وانا صمت ( الشقا ) فيني حكى من كثر شرهاتك !!
توالت كلها فجأه .. تعاظم بالحشا ( صدمات )
يجي يوم وتواري ( شمسنا ) من ليل صدماتك !!
( ذكرتك ) .. والدروب اللي تعانق خطوتك بالسكات
وانا ما زلت ( اسافر ) بين نظراتك وضحكاتك !!
ذكرتك .. وانطفى جمر الكلام وذابت ( الشمعات )
سهرتك واستفزيت ( النجوم ) بليل خصلاتك !!
تعال .. واذرف دمعك على ( قلبٍ ) كثيره مات
تعال .. و خذ ( الباقي ) يفيد لوقت عزواتك !!
تعال .. لاتخلي السنين المقبله ( تقتات )
من افراحي و( لحظاتي ) وطرباتي .. وسبحاتك !!
تعال ..وواعدني .. لاشقا .. ( لاكذب ) .. لاغلطات
ترى ما ( للصبر ) باقي على كذبك .. وغلطاتك !!
تغيرت !! ولا ادري وش جرى .. وش ( غير ) النيات
سألتك واعتكف ( برد ) الجواب فـ معطف آهاتك !!
تقولي انت في راحه .. واقول من ( القهر ) هيهات
أنا لا ( جـيت ) للراحـه .. تطـاردني مسـافـاتك !!



راقتـ ليـ ,, أتمنى أن تُرضي ذائقتكم
لكم ودي ..

الله يا أميـره

قصيده غاية بالروعه

رغم الحزن اللي فيها

لكن معبرة

ولامست شيء داخلي

حركت احساسي

صح لسان كاتبها وتسلم ايد نقلتها

لاهنتِ وننتظر منك المزيد

لـكـ تقــــديري

اميره
تسلمي ويسلم نقلك المتميز
كلمات ولا اروع جميله رغم
معاناتها وشكواها انتقاء
جميل جداً وهذا يدل على
ذوق واحساس بالكلمه
يعطيك العافيه
واتمنى لكي التوفيق
تقبلي تحياتي

يعطيك العافيه
كلماات روعه من انساانه روعه


تحيااتي لك يووووووووووه ويسعدلي صبااحك <<الحين الصبح >>

تعال ..وواعدني .. لاشقا .. ( لاكذب ) .. لاغلطات
ترى ما ( للصبر ) باقي على كذبك .. وغلطاتك !!
تغيرت !! ولا ادري وش جرى .. وش ( غير ) النيات
سألتك واعتكف ( برد ) الجواب فـ معطف آهاتك !!
تقولي انت في راحه .. واقول من ( القهر ) هيهات
أنا لا ( جـيت ) للراحـه .. تطـاردني مسـافـاتك !!

ذائقه شعريه راقيه جدا .. كلمات سطرت وللحال تحدثت ..

رائع .. ما اختارته انامكـ .. وما سطرته هنــا .. من رقي

اسجل اعجابي بما رائيته هنا من جمال ..
واسجل تقديري لما رائيته من ذوق في الانتقاء

فاقبلي ودي قبل ورودي ... ^_^

يعطييج العافيه يا حبي اميره بكلمتي ......

وربي انك نور وضياء همس القوافي
انتي اميرة الكل بشاعريتك وبرقتك
الله لايحرمنا من ذائقتك الحلوه
ويسعدني والله اني اكتب عندك
والله يسعدك خيتو اميره