الـدروب طـوال والنيـه مطـيـه
قول مـا عنـدك وفينـي لا تبالـي
لا توصينـي وانـا مبغـى وصيـه
إتــكــل بالله وبالله إتـكـالــي
وإعرف الذمـه مـن الذمـه بريـه
جيتني غالي وعنـي رحـت غالـي
والعذر خلـه علـى فـال الخطيـه
ينفعـك لا خانتـك سـود الليـالـي
دام مـالـك بالمحـبـه مـقـدريـه
وش تبي اطلب من كفوفك وصالي !؟
مـا غصبتـك باللـيـال الاولـيـه
كيف ابرجي الوصل منـك بالتوالـي
يـوم كلـك جيـت ذوق وشاعريـه
جيتنـي عاشـق وسكنتـك خيالـي
قلت لـي تكفـى إذا بقلبـك حميـه
لا تخلينـي بعـد تكـفـى لحـالـي
روحي.لاعمري.لا.لا.كل شـي فيـه
كل ما اسهى عنك جا طيفـك قبالـي
بالغـلا حـبـك تـعـدى والـديـه
لا.. وازيدك فوقهـم عمـي وخالـي
لـو تفارقنـي تـوردنـي المنـيـه
خلك اقرب مـن ظلالـي لا ظلالـي
وإلا انا جيتـك وقلبـي فـي يديـه
عقب هذا قلـت محبوبـي صفالـي
لو يبي عمـري حشـا سقتـه هديـه
كل شـي يهـون لعيـون الغوالـي
كنـت اهجيـه الوفـا كالابجـديـه
كنت راس المال واصبح راس مالـي
كنـت فـي بالـه وللعينيـن ضيـه
وصار مشغل كـل تفكيـري وبالـي
ليـه حسناتـي تجازيـهـا بسـيـه
مابي منك شي ..؟ بس جاوب سؤالي
صدمتك ماهي علـى قلبـي شويـه
ما هقيت اللي جـرى منـك جرالـي
واجد اللـي خـان بالعشـره خويـه
منت بأول واحـد ٍ ولا انـت تالـي
وإتعـذر .. والله إن عينـك قـويـه
انت شايف للغدر فيهـا مجالـي ..!
رح فـمـان الله والـذمـه بـريـه
مابقالك شـي .. وعنـدك مابقالـي
بس لامـن رحـت لا ترجـع عليـه
وإن رجعت اعرضك ظهـر الليالـي
إحمـد الله شامـت النفـس الشقيـه
من هو الترفات .. وإرتاحت جمالـي
والله ادرا كنـت نـاوي لـك بنيـه
لـو مبيتهـا علـى سمـر الجبالـي
هدت الضلعـان فـي نجـد العذيـه
ذا مثل .. وإضرب على غيظي مثالي
تشتحـن روحـي وتصلاهـا لظيـه
لا طرالـي شـي باسبابـك طرالـي
كل ما ثـار الخفـوق إردعـه كيـه
والصدر لا ضاق يا عـزي لحالـي
يرشـح الدخـان شـرب الشاذلـيـه
ليت لي صدرٍ على الظيقـه شمالـي
والبـلا مـن بنـت فكـرٍ غشمريـه
زينة قافٍ علـى المسحـوب جالـي
بالضمايـر شـب لـه نيـران حيـه
والمعنى هاض لوهـو كـان سالـي
حايـل بيوتـه كمـا بنـت اجوديـه
تقتنـع بشويـش وبنـيـة حـلالـي
يا شبيـه الريـم مـدري يـا سميـه
جيتنـي نـادم ومشيـك بالعـدالـي
والاسف ترجيه مـن قلبـي عطيـه
تحسبنـي ذاخـره يـا الهمـلالـي
دوك شرح اللـي جرالـي بالقضيـه
في بيوتٍ صرفها صـرف الريالـي
انت لو تدري وش اللي صـار ليـه
كـان تبكـي دم ياخشـف الغزالـي
ذقت كاس من القهـر لارحـم حيـه
وانت عارف وش ورا قهر الرجالـي
عن يدينك قلـت لـك تكـرم يديـه
وعن فناجيلـك بعـد تكـرم دلالـي
ناصحك لا رحـت لا ترجـع عليـه
وجابك الله لاجل اعـزر بـك ليالـي

غربة

لله در ذوووقك

سلمت اناملك وصح لسانك يالغلا

لكِ ودي

ابدااااااااااع
كلمات جنان
تسلم يمناك

يسلمووووووووووووو على المرور