سلخييييييييييييييييير
قصتي مع الخرفان ايام عيد الاضحي
ت جالس انا وابوي وعمي في المجلس وانا قاعد اصب لهم قهوه لكن ياجماعة الخير عندي عم مدمن قهوه يعني لو يشرب 10 دلال قهوه عادي ماتعوووق معه .. اذكر مره سوا عمليه ماتخدر لهم الا عقب ما ارتفع ضغط فني التخدير اذكر يوم هو يخدره يقول
((( ولك هايدا بدوووه ابرة تووور من شان يتخدر شو بيشرب من الكحول هايدا )))
المهم... وانا قاعد اصب له مايمدين اعطيه الفنجال وارجع يدي محلها الا وهو رامي علي الفنجال يقول صب ....
التفت عمي لابوي قال انا رايح اليوم سوق الغنم .. بشتري ذبايح للضحيه ... قال ابوي هات معكم ذبيحتين لنا هات تيس صغير توه يرضع ((( يبيه للشوربه )) وهات هرفي كبير (( يبيه للعيش والمرق والمكرونها والكبسات ))) خبره ابوي راعي ذوق ... قال عمي ((( على ذا الخشم ))) وحط اصبعه على خشمه بغى يفغص خشمه من زود الحماس ..
قال ابوي ماودك تاخذ هالرخمه معك ويأشر علي انا بصراحه لو ماهو ابوي كان قمت وفجرت المجلس باللي فيه ... قال عمي الله يعيني عليه وش اسوي به قال ابوي خله يتعلم علوم الرجال ويتعرف على الغنم وشلون يختارها عشان مايضحكون عليه الرجاجيل ... قلت في خاطري وبيني وبين نفسي .. ((( يااااالمجنوووووووون.. وش لك انت والغنم والخرابيط هذي تعذر منهم بس ))) قلت معلش يبه مواعد لي رياجيل <<< يعني اني اثبت لهم ماني رخمه واقول رياااااجيل ... قال ابوي قممممممممم قامت رووحك مع عمك .... قلت الشكوا لله .. واركب مع عمي ... في الونيت ... لا ورومنسي بعد معلق في المرايه قلاده قلب ومكتوب عليها حرفه حركات نص كم ... المهم شغل المسجل طلع محاوره شعريه ... ونااكس عقاله ويحرك في شنبه ويسبح بسبحه صفرا ...
المهم وصلنا الى الغنم بلازا اقصد سوق الغنم ... قال عمي انزل وتعلم قلت له سم .. اول مانزلت الا وواحد في سوق الغنم .. ينادي بأعلى صوته
يالمجنووووووووووووووووووووون يالمجنووووووووووووون
وانا اللي اطق لطمه واقول من هو ذا النكبه قال عمي من هو ذا وش يبي بعدين منهو
المجنووون قلت وش دراااني انت الثاااني ...
اثاري اللي ينادي لنا الله <<< جاي يغازل بسوق الغنم... وقام يناادي
انا جحدته بصرااحه .. ولازلت طاقن اللطمه من ريحة الغنم ... المهم وقفنا عند شبك وبحركه فجائيه من عمي طب وسط الشبك وحشر له خرووووف وقام يرفع ذنبته ويسوي حركات نص كم عمي .. انا شكيت في الوضع قلت ياعم وش فيك وش جااك وش الحركات البايخه ذي قال ياتنكه لامنك بغيت تشوف الخروف سمين ولا لا ارفع ذنبته وتلمسها عشان تتاكد من سمنته وانه ماعليه خلاف هذا اول شي تسويه ... وانا اللي اشمر يديني وما صدقت على الله واحشر لي عنز في زاويه وارفع عصعصها .. التفت علي عمي وبطريقه غير مباشره لمخني(ضربني) بالسبحه في جبهتي .. قال هذي عنز .. نظامها غير لابغيت تتفحصها ياثووور
افاااااااا المجنوووووووووووون ينقال له ثوررر .. معلش يا الله عمي ويمون
قلت ياعم وش اللي عنز نظامها غير يعني كل شي من البهم له سستم تمشون عليه قال وش بستمه الله يرجك .. المهم رحنا شبك ثاني عقب هالمعركه .. الا وهناك خروف(ن) هريفي يتغزل في نعجه وحاشرها بزاويه بالشبك ويسوي معها حركات نص كم .. وانا عجبني هالمنظر الرومنسي واقعد اتفرج عليهم .. واراقب لاتجي الهيئه وتكفشهم ... يوم خلصوا دورت لعمي مالقيته ... وادور وادور مالقيته خنقتني العبره مثل البزارين لامنهم ضاعوا من اهاليهم ... شوي الا وعمي جاي ومعه سوداني يسحب بخروفين وتيس .. قال وين كان يا السمرمدي <<< كلمه دارجه يقولها عمي دايم ... قلت ابد شفت هالهرفي وعجبني .. قال عز الله انك منت بسيط هذا الهرفي اللي يبيه ابوك اثر لك نظره بالغنم وتفهم فيها .. وطلب عمي الهرفي ويسحبه السوداني والخروف يقول امببببببببببااااااااااااااااااااااااااااع والنعجه خويته تقول امبيييييييييييييييييييييييييع اثاريه يقول لها ((( توادعنا انا وياه لكن ماتوادعنا رفض قلبي رفض قلبي سوا هلت مدامعنا .. رجع يبكي وبكاني انا ماتحمل دموووعه .. ونادتنا ليالينا ..)))
ونحمله في الونيت ونروح نصلخه ... ورحنا البيت ... قال عمي لابوي ترا خروفكم ولدك اللي اختاره اثر له نظره بالغنم .. عمي راح باله يمين وانا كانت نظرتي يسار... المهم قلت لهم بشوي لكم قلب الخروف واشقه بالسكين نصين
تدرون وش لقيت مكتوب
كاتب جعلك ماتاكلني ياالمجنوووووووون با العافيه يامفرق العشاق
تشااااااااااااو
المجنون بسوق الغنم بلازاااااا هههههههههههه 
مشاركة: المجنون بسوق الغنم بلازاااااا هههههههههههه 
العرض العادي
