أعزائي القراء
هذه قصيدة من قصائد التفعيلة كتبتها منذ وقت طويل
وأحببت أن أعرضها على أذواقكم
وقد رأيت من المناسب أن تكون في هذا المنتدى
آمل أن تنال استحسانكم
(1)
وش هو الوفا...ووش هو العنا؟
ووش هي الخيانة والغدر؟!
أنا الوفا..
ودربي العنا ...
وانتي حياتك مسرحيه
وأغرب مسرحيه........
فيها كذب
فيها عذاب
وفيها الخيانة والغدر....
قطعت من عمري ؛ في لحظة تهور
تذكره......
كله عشان أدخل حياة المسرحيه
أستمتع بلحظة وفا
أعيش فصل من الهنا
وأبكي بمقطع من عذاب
بس للأسف
حضرت في آخر فصل
كان الهنا خلَّص
وفصل الوفا قد قفل ستاره .....
وماكان باقي من مشاهدها
إلا العذاب
إلا الخيانة والغدر.....
(2)
المشكلة إن اللي يبيعون التذاكر
ماعلموني.....
قالوا لي إدخل ماعليك
المسرحيه أبتدت
بس الإثارة باقيه
ونضمن لك المتعة أكيد.....
وأنا غبي
صدقتهم
هم سحروني بالكلام
وخلوني أدخلها بعمى.....
اللي يبيعون التذاكر
أعرف إنهم مايحبوني
سووا لي مقعد بالأمام
وقالوا لي اجلس
إنت أغلى من حضر
إنت المهم
إنت البطل
إنت اللي بتجسد حياة المسرحيه
وبتدور حولك كل أحداث البطوله
وأنا غبي
صدقتهم...
هم سحروني بالكلام
وخلوني أدخلها عمى
وخلوني أدفع كل قيمتها (دبل)
دفعتها من دم قلبي
دفعتها من كل أيامي ووقتي
وبالواسطات اللي معي
وجاهتي بالمجتمع قدمتها
ووقت الدراسة والعمل.....
وخلوني أدفع بعض قيمتها من أعصابي
وحتى بعد من راحتي........
(3)
وفجأه
لقيت قدامي بطل...
المسرحية ما تدور إلا عليه
ركزت بعيوني عليه
وسألت مذهول بعجب:
(أجل أنا وش موقعي)؟
قالوا لي إنته موقعك
هامش حياة المسرحيه.......
وقالوا إن المسرحيه كلها
من حض ذاك الشخص ......
وقفت مذهول بعجب
وسألتهم
وش هو اللي قدَّم ؛ حتى يتميز بالصداره؟
قالوا لي إنه مايقدم شي
لكنه وسيم.....
رمى علينا قبل كم يوم الرقم
وتمت معه مكالمه....حتى عشر مكالمات؛
أكثر ..أقل
بس المهم صرنا نحبه ......
واللي نحب ؛ أكيد نعطيه الصداره.......
طيب أنا وش موقعي؟!
قالوا لي إنته موقعك هامش حياة المسرحية
والمسرحية كلها من حض هذاك البطل.........
وقفت لحظة وخنقتني عبرتي
حسيت في ذل الهوان.....
وسألتهم
مادام للقصة بطل ...... ليه أدخل القصة أنا؟
قالوا لي إنت بطيبتك .... وبنخوتك.. وبمركزك
تقدر تساعدنا أكيد.....
المسرحية بحاجتك
إنت اللي منك نستفيد
تدفع لنا من دون ما تطلب مقابل
إلا الدعا
إلا الوفا
بس الوفا عنك بعيد
ماراح يوصل لك أكيد
وسألتهم
طيب أنا وش أستفيد؟
قالوا إنك مستفيد إنك حضرت المسرحيه....
وقالوا لي
يرضيك هذا لوضع؟
أو اطلع خلاص
(4)
أطلقت ضحكات الغبن......
وقررت بالآخر يكون الإنسحاب.....
.......أول فشل لي في الحياه.......
وقفت لحظة أتذكر وش حصل ....
كيف استغلوا طيبتي؟!
وكرامتي داسوا عليها بغدرهم......
وبكذبهم....
بكيت
لكن وش يفيدني البكا؟
ندمت
لاااااااا.......
حتى الندم لا ما يفيد
تركتهم لله رب العالمين
هو الحكم .......
ودعيت ربي بالدجا في ركعتين
إن ينتقم لي منهم
وحسبي عليهم كلهم
( ( ( المسرحية الساخرة ) ) ) 
العرض العادي
