السلام عليكم ورحمه الله وو بركاته :

بعد كم موضوع عن الشباب و على اساس حنا الي نروح للبنات و موضوع شلون نضحك على البنات وو نقول اشياء بس عشان تعطينا ابنت وجـه !! بس الواقع بالعكس البنت تميلح عندنا مو الكل طبــــعا يعني اكثر من النـــــــــــــص !! اتركم مع المحادثه ,,,





يوم من الايام واحد اسمه خـالد ضاف بنت عنده على ماسنجر طبعا هو ما يعرفها ولا هي تعرفه بس جاب ايميلها يبي يتعرف المهم هي بعد اضافته تبي تفتح تحقيق معه يمكن تعرفه المهم اسبوع والشب ما يدخل على النت طبعا بعد كم يوم دخل هي فرحت تبي تساله وتهزئه على اساس .



خـالد :
هاي


سوسو :
من انت

سوسو ::
ومن وين عرفت ايميلي وليه اضفتني ومين اعطاك الايميل...الخ << على اساس معصبـه

خالد ::
بسم الله شوي علي

سوسو :
سلامتك ماني صارعتك يالله بسرعه جاوب

خالد :
ليش انتي بنت ؟

سوسو :
أي عندك مانع !


خـالد :
لا بس انا غلطان اختي لاني كنت بضيف صديقي وطلع الايميل غلط


سوسو :
وليش تغلط عمي ماتشوف !

خـالد :
اختي قلنا آسف عن الغلط من البدايه ماسكتها تحقيق معي ,,

سوسو :
اجل تضيف بنات الناس وماتبغا حد يحقق معك والله شباب فاضي ماعندة سالفه

خــالد :
اقول اختي فرصه سعيدة وآآسف مرة ثانيه وممكن انك تحذفيني او تحضريني اذا مش عاجبك الوضع

سوسو :
يعني ايش تقصد << طبعا البنات يكرهون هل كلمه جدا جدا جدا على اساس بس البنات الي يتغلن مو حنا !

خـــــالد :
اقصد مع الف سلامه .

سوسو :
ليش ما اعتقد كلامي يزعل << قاعده تميلح

خالد :
لا بس انا مشغول شوي باي << مسوي ثقيل زياده

سوسو :
لحظه لحظه << ولعت خخخخ

خـالد :
هلا تآمرين بشي ؟!

سوسو :

لا سلامتك بس ماقلتلي ايش اسمك ؟ < < < شف شلون صارت الحين

خــالد :
هههه ليش مهم

سوسو :
وليش الضحكه ما اعتقد كلامي يضحك

خــالد :
لا ابدا لاكن كلامك بالبدايه غير وهذا غير

سوسو :
طيب آسفه على السؤال باي << تبي تقلده تقول باي عشان يقوله لا استنى

خالد :
باي << كذا لازم وحـش

************
وضلت سارا حاقدة عليه لانه استفزها وما اعطاها وجه


ومر يومين وماشافته بالنت طبعا مدة طويله لوحدة 24 ساعه قاعده على النت


المهم لما دخل على الماسنجر هو ساكت وو هي بدات !

سوسو :
مرحبا

خالد :
مراحب

سوسو :
كيف الحال

خالد :
بخير


وبعد صمت طويل !!

سوسو :
آسفه الظاهر انك مشغول وانا عطلتك

خالد :
لا ابدا حبي لا كن انا اشتغل على البحث حقي وما ادخل الماسنجر كثير ,

سوسو :
وشو حبك حبتك القرادة قول انشاء الله

خـالد :
وش فيك انقلبتي

سوسو :
بس بأي صفه تقول حبي

سوسو :
الشرهه على الي يكلمك مش عليك

خالد :
سوري آنا آسف وحقك علي ,,,

سوسو :
سوري ولا لبناني مايهم وهذي آخر مرة تقول ذا الكلام << عصـبت

الامبراطور :
طيب ياصاحبه السمو اوعدك ما اعيدها

سوسو :
الـــله عجبتني كلمه صاحبه السمو كذا الكلام والا بلا

خالد :
خلاص من اليوم ورايح راح اناديك صاحبه السمو وش تبغين اكثر من كذا

سوسو :
طيب انا ايش اناديك

خالد :
هههههه
حلو ذكائك انا ناديني باسمي خالد

سوسو :
واااو اسمك حلو بس هذا اسمك الحقيقي

خالد :
ايه طبعا

سوسو:
حلو مررة حلو مش مثلي طاح حظي

خالد :
كل واحد اسمه حلو ولايق عليه

سوسو :
ليش مش حاب تعرف ايش اسمي !!

خالد :
على راحتك اذا حابه تقولي قولي واذا مش حابه اكتفي بصاحبه السمو

سوسو :
طيب كم عمرك شكلك مش كبير

خالد :
عمري 25 سنه

سوسو :
العمر كله بس صغير

سوسو :
على فكرة انا اسمي سارا وعمري 18

سوسو :
اقول وش رايك انا معي شله بنات نضيفهم بالمحادثه وندردش

خـالد :
لالا انا مثل ماقلتلك عندي بحث ولازم اخلصه
باي

سوسو :
براحتك باي

*******************
وضلت سارا دوم تفكر فيه وبعدها ضل لمدة طويله مايدخل النت

البنت جنت وقالت اكيد شافله شوفه ثانيه


وضلت تفكر فيه لاكنها كانت تقول دوم هو غير الشباب الي بالنت هو غيرهم كلهم واحد ثقيل

مايهمه البنات كثير

بعد مده من الزمن

خالد :
يامساء الخير والاحساس والطيبه

سوسو :
اهلين وينك يالقاطع

خالد:
سلامتك بس الاختبارات ماترحم وهذي آخر سنه لي

سوسو :
الله يوفقك

خالد :
وحشتيني مووت .

سوسو :
انت اكثر

خالد :
صدق تتكلمين ؟ ما اعتقد

سوسو :
والله ما اقدر على فرقاك جد اتكلم شوفلك صرفه ,,

خالد :
خلاص انا عند حل يرضي كلا الطرفين

سوسو :
ايش هو ؟

خالد :
ايش رايك اعطيك رقم جوالي واذا حبيتي تشوفيني بالنت او وحشتك مثل ماتقولين ارسلي بس رساله لي

سوسو :
نعم نعم نعم لا منت صاحي ولا تفكر بيوم اني مثل البنات الي انت تكلمهم انا بنت ناس ومتربيه ووالخ .....<< شف وش تقول هنا وش بعدين شلون !

خالد :
والنعم لاكن انا ماقلت بكلمك قلت ارسلي رساله و يصير خير
سوسو :
خلاص غير الموضوع بسرعه .

خالد :
اوكي لا كن هذا رقمي اذا حبيتي تشوفيني مرة ثانيه بالنت ارسلي بس رساله ××××××××

سوسو :
طيب باي

خالد :
باي
××××××
طبعا سارا اخذت موقف من خالد لاكنها ولشدة فضولها سجلت الرقم

المهم بعد كم يوم اشتاقت تكلمه او بالاخص عندها موضوع حبت تقوله عنه


فكرت وفكرت ايش تسوي او كيف تشوفه بالنت

فقالت لنفسها : ليش ما ارسله رساله مثل ماقال هو مابيكلمني ولا انا راح اكلمه

المهم كتبت برسالتها (( خالد معليش لو سمحت تدخل النت ضروري ))



المشكله انه مارد عليها


مرت نص ساعه على ذا الوضع

انقهرت البنت وارسلت رساله (( معليش آسفه على الازعاج ))

وكرهت نفسها بعد هذا الموقف انها تصورت انه مطنشها

وبعد ايام (( شافته بالنت ولا كلمته وضلت على هذا الوضع ربع ساعه ))

ملت وتنازلت انها هي الي تبدأ بالكلام

**********************

سوسو :
السلام عليكم

خالد :
هلا والله

سوسو :
لو سمحت احذفني من عندك وما عاد اشوف رقعت وجهك بالماسنجر

خالد :
اللهم سكنهم ايش الي صار ؟

سوسو :
بعد الحركه الي سويتها معي ماودي اكلمك

خالد :
أي يوم

سوسو :
اقصد الرسايل الي ارسلتها لك لاتستهبل خويلد

خالد :
آآآة تقصدين حقت النت

سوسو :
أي هي ليش مادخلت النت او حتى قلت انك مشغول

خالد :
لا عمري انتي فهمتي غلط انا افتكرته واحد من الربع مطلع رقم جديد

سوسو :
لا بس انا آسفه وهذي آخر مرة كانت لحظه طيش .

خالد :
عمري لاتقولي هذا الكلام وثاني شي انتي قلتي انك ماتبغين الرقم آخر مرة شفتك فيها

سوسو :
طيب قلتلك انسا الموضوع

خالد :
ليش لاسمح الله انا ايش سويت

سوسو :
لا انت برئ ماتسوي شي

سوسو :
بس طنشتني وانا كنت محتاجه لك ذاك اليوم

خالد :

طيب ايش هو الموضوع المهم الي كنتي تبغين تقولينه

سوسو :
خلاص ماله داعي

خالد :
بتقولين ولا كيف ؟؟؟؟ تراني عصبت

سوسو :
كل مافي الموضوع ان انا خطبني محمد ولد عمي طيب وانا ما احبه ولا اطيق اشوف رقعت وجهه

واهلي موافقين كلهم واخاف ارفض وعمي يزعل من بابا

خالد :
والمطلوب ؟؟؟؟؟؟؟؟؟

سوسو :
انصحني

خالد :
شوفي انا ماني سريع بالكتابه

يعني راح اتصل عليكي واقولك رايي لان الموضوع باين عليه طويل .

سوسو :
لااااااااا مجنون انت

خالد :
يابنت الناس ماني مآكلك وثاني شي انتي لاتتكلمين انا بس الي راح اتكلم اوكي ؟


سوسو : وبعد تفكير
طيب لاكن انا مابقول ولا كلمه !

خالد :
اوكي

بعد ثواني
تررررن ( نغمه راشد )


خالد : الوو مرحبا

سارا :......<<<<<<< (صامته البنت تستحي)

خالد : طيب قولي مرحبا انا كذا ما اعرف اكلمك وانتي ساكته يعني كأني مجنون اكلم نفسي


سارا : (( بلا شعور )) لا سلامتك

خالد : الله يسلملي هالصوت الحلو

سارا : (( لاتعليق ))

خالد : اوكي ماراح اطول عليكي انتي قلتي انك ماتحبينه ممكن اعرف السبب

سارا : ضروري تعرف

خالد : اكيد عشان اقولك رايي

سارا :
(( سارا طبعا بلا شعور )) >>>> لانه واحد معقد وتافهه وماعندة سالفه

خالد : يمه منك كذا على طول خليتيه معقد ؟ اكيد في سبب ؟

سارا : لا بس من طريقه كلامه واسلوبه وثاني شي شايف عمرة مدري على ايش كأنه مافي حد درس جامعه غيرة

خالد : يعني المثقف عندك معقد او مغرور

خالد : انا طيب مهتم بدراستي فوق ماتتصورين .

سارا : لاااااا عاد انت غير


خالد : من أي ناحيه

سارا : كلك على بعضك حلو

خالد : يتميلح

خالد : كله من ذوقك يا عسل

خالد : المهم اذا كنتي لهذي الدرجه ماتحبينه خلاص ارفضي والي يصير يصير

سارا : طيب ممكن طلب ؟؟

خالد : آمري

سارا : ممكن ترسلي صورتك ؟

خالد :هههههه لا طبعا

سارا : طيب آسفه

خالد : لا عمري لاتزعلين لاكن انا من جد مش وسيم واخاف تنصدمين

سارا : طيب اوصفلي نفسك

خالد : احم احم طبعا اناقصير اسمر شعري كشه على قولكم انتوا البنات

سارا :ههههههههه أيش دعوة

خالد :طيب هذا ابن عمك حلو ؟؟؟؟؟؟؟

سارا : ياي يجنن تخيل طويل وابيض عيونه عسليه وشعرة ناعم مثل جواد العلي

خالد : هههههه هذا الي قاطع قالبكم يالبنات جواد وطقته

سارا : لا بس ماشاء الله عليه كثير وسيم يمكن احلى مني بعد .

خالد :ليش انتي مو حلوة ؟؟

سارا : لا قمر واحلى من القمر بعد لا كن انا متواضعه .

خالد : هههههه > > واضح متواضعه

سارا : اووو خالد الساعه 2 الوقت سرقنا وانا عندي بكرة مدرسه

خالد : اوكي عمري ما اطول عليك لاكن بكرة بس اجلس الصباح راح ادق عليكي اوكي

سارا : اوكي مع السلامه

خالد : تصبحين على خير

جلست سارا الصبا ح وهي متأخرة على الدوام
وطبعا اعطوها حرمان من الحصه الاولى


جلست بالساحه تفكر بخالد وفجأة رن الجوال ( نغمه راشد )

خالد : الو

سارا : الوووو

خالد : يسعد لي هالصباح

سارا : هلا والله الطيب عند ذكرة

خالد : مشاء الله كنتي تفكرين فيني ولا كلام بس

سارا : انت ايش شايف

خالد : ماقلتيلي ماعندك كلاس الحين

سارا : لا عندي بس حرموني منها لاني رحت متأخر

خالد : اوووف ماعاش من يزعل عمري

وضلت سارا وخالد على هذا الحال كل يوم تكلمه ولاتفوت أي شي الا وتقوله له


---- طبعا فيه العكس والشباب هي الي تبي البنت والبنت ثقيله و الخ ,,,,,, يعني لا تقولن يا بنات مو كل البنات سوى ادري عشان كذا قلت


تحيــاتي وو دمتم بكـل خيـــر