كل ماقلت وش بك قال مافي شـي=واثر صدره سطى فيه البلا والجـلا
هاجسي في خفوقي مابعد مات حي=وعقلي امبرمجه يكشف خيوط البلا
والله انه كبير الهـم طاويـك طـي=وان صدرك من الضيقه خلاص امتلا
دامني صاحبك وش فيك تكنى علي=اظهر اللي خفى ماني من اي المـلا
اخذ فرحة سنيني وارم همـك الـي=دامني جيت يمـك لا تلقـى الخـلا
لا توجع طلبتك عـاد لا تقـول أي=طلع اللي بصدرك واخذ صدق الغلا
الك في داخلي بالحب منزل وحـي=اعتبر نفسك معزب وهـات الحـلا
لاتخلي ورورد الحب تحتـاج مـي=اسقها بالوصال مع الوفـا والـولا
الصراحه دوى وعلاج ماهي بكـي=الصراحه هويتك غيـر هـذ ا فـلا
للمبدع / عبد الله المرشدي 
المواضيع المتشابهه 
العرض العادي
