لبطيت عن صوتك لصوتك تشوقت=وان غاب صوتي عنك ماقلت وينك
اخطيت يومني بحبك تولعت=ياليت ربي حال بيني ونبيك
مدري علشان اندفاعي تكبرت=ولاتبيني خاتمن في يدينك
ان كان من عقب الجفا ماتعذرت=لنته ظنين لي ولاني ظنينك
ورت لك عاشق والحين صدرت=الله ولا عشقت حبيبٍ يهنك
ياما علشانك صبرت وتحملت=وانته تشوف اللي حصلي بعينك

تخيل هذي الدنيا.. وانا فيها شبيه انسان
تخيل كيف تحرقني وترجع غي تطفيني

تخيلني برغم الجرح قلب(ن) للوفا عنوان
وضيق الوقت بعيوني يضحِّكني يبكِّيـني

شبيه الريح مو وصفي ولا تغريني الألوان
وحيدن في مدى شوفي لوان الشوف يعميني

انا مااعتب على الدنيا لوان الوقت ذا خوان
اصب اللوم ياعداتي على أخلاقي وتكويني

غريبة يازمن لعبك.. يشملني كثير أحيـان
يدوس الخير في قلبي ويضحك في شراييني

على وجه الزمن صاحب عبوس(ن)يشبه النسيان
كتبني في العمر رحلة وسافر بي عن سنيني

واظن الصاحب المذكور..ماكر في الهوى فنان
عزف لحنٍ على اوتـاري تمنى لو يخـاويني

رسم ذا الكون بعيوني جنَّـة هو لها بستان
وصور بسمته وردة.. بكت منها شياطيني

زماني يوم أمَّـنته غدر فيني ولاقد صان
جزاني بالوفا طعنة ولا فكَّـر يداوينـي