إلي يستنى رجه وما صارت له..
إلى يحلم بالرجه ..و ما تحققت له ....
..إليكم يا اعضاء المنتدى الاستفتاء التالي ؟...


هل أنت مرجوج ؟

وإذا كنت كذالك .. ماهو مستوى رجتك ؟


للإجابة على هذه الأسئلة ماعليك سوى اجراء هذا الاختبار النفسي


السؤال الأول

انت توك قايم من النوم وطفشاااان ووااااصلة معك .. قمت تغسل خشتك وتفاجأت بنملة
تبي تدخل خشمك .. ما هي ردة فعلك

الاختيارت :-

1- تمسك النملة وتفعصها بيدك وأنت تكركر ومستانس و تقول : والله يا أنتي نملة
منسمة تبين تخترقيني .. هع هع هااااااي .. بس على مين ..

2- توخر النملة عن خشتك و تنتفها وتشمها

3 - تخلي النملة تدخل خشمك وعادي شباب في رحله


السؤال الثاني

رااااجع من المدرسة أو الكلية او العمل او من الاستراحه كل العاده .. المهم وتلقى الواااالدة سرحانة في الصالة
وهي جالسه تفكر وش تصلح بكرة إذا بغت تسيير الضحى على أم صويلح ..

الاختيارات :-

1- تسوي نفسك تعباااان وتصرخ وتمسك قلبك كأن ذبحة صدريه جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع في الرياض .. حب ورثته من الجدوووود
هع هااااااااااااااااااي والله تسحيبة اليمه

2- تجي بشويش من ورى أمك وهي سرحااانة وتصرخ في أذنها وتقول : مساااااتس الله
بالخير .. وطبعاً هي بتنفجع وبتقول وجع الله يمسيك بعصا إن شاء الله

3- تطلع غرفتك وماتسوي شيء


السؤال الثالث

انت توك مقيل وماخذ لك قيلولة على كيف كيفك ونااازل الصالة إلا
وتشوف اخوانك الصغااار عند سبيس تووون طااايرة شوشتهم .. ماذا تفعل

الاختيارت :-

1- تجي تهايط عليهم بالصاله

2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف

3-تقعد تتفرج معهم


السؤال الرابع والأخير


بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة

الاختيارات :-

1- تنسم كفراته الأربعة

2- تسلم عليه وتلزم عليه يعزمك على تويكس

3- تشتري له تويكس معك








النتيجة


أعط نفسك لكل اجابة رقم واحد 3 درجات
ولك اجابة رقم 2 درجتين
ولكل اجابة رقم 3 درجة وحدة





9 - 12

أنت مرجوووج جداً ..

حالتك خطيرة .. وقد تتحول رجتك إلى هبااال رسمي .

الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .









5 -8

أنت مرجوج بس على نذااالة شوي ..

مستوى رجتك معقول لكن لا تستخف دمك كثير لأنك بتكب العشاء .

الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..

اكل حلتيت قبل الغداء مرة في الشهر .







4 - 5

يا أخي انت منت في الدنيا .. ميت والناس حيين ..

انتبه على نفسك لأن أهلك بيصفقونك باكبر ما عندهم عشان تصحصح .

الحل : كورس رجة مكثف عند فطحالة الرجة في المنتدى