معاداقدر احبك قلتهاوارجوك تمنحني
بعدفرصه ابرهن لك بعض مايوجع شفاتي
معاداقدر علىمشوار حب فيك يجمعني
ولاأظني بعدبعطيك فرصه في إهاناتي
خلاص اسمع ولاتطول اقول ارجوك تسمعني
ترىماانت اول احزاني ولا اخرمعاناتي
انابعيش من دونك ولوذكراك توجعني
ولو مرت بك الذكرىبجر الصوت بسكاتي
إذن ياجارحي روح ترىجرحك مشبعني
معاداقدر علىجوع الجروح وكثرعبراتي
معاد اقدراحبك راح حبك صاروش يعني
وش يساوي قليل الحب وجروحك كثيراتي؟!
حبيبي ياكثرماقلتلك محتاجك خذني
تجاهلت إحتياجي لك وبدلته بحسراتي
تذكريومي اجيلك وانادموعي تسابقني
تذكريومك تناظردموعي فلامبالاتي؟!
تذكريوم انادي حبيبي ولاتعبرني
تذكرشكلي في ذاك المكان الملم شتاتي
تذكروش كثرضمدت من جروحي وتطعني
قليل اف"خاتمة"حبك كثيرفي إصاباتي..

=====================================

احسن لي ابعدعنك واصدوانساك
حتىلوإنك ياأريش العين غالي
من يوم صارت عشرتك مثل فرقاك
خلك علىدربك ودربي لحالي
وردتني حوض المنايابيمناك
واسقيتني مرالهوى اول وتالي
أناإللي أغراني النظرفي محياك
وانااللي اشقتني ظروف الليالي
احرص علىقربك واشفق للقياك
تصبح علىبالي وتمسي ببالي
اعيش عمري بين ذكرك وذكراك
والصوره إللي ماتفارق خيالي
واليوم جيت تقول لي وين دنياك
ماكنك تدري يالغضىوش جرالي
حتىلوإن قلبي يحبك ويهواك
فرقىولافيهاسؤال وجوابي
هذاكلام ياصلك ويتعداك
الكون واسع وانت مالك ومالي
مهماسعيت وجيت يفداك من جاك
راسي رفيع ومنزل العزعالي
والصدق والله لوقدرت اتنساك
إنك علىقلبي عزيزوغالي...

=======================================

ابسألك وش غيرك ليه وش جاك؟؟
وش فيك وين عهدك لحبك وغاليك
وش فيك تالي الوقت شانت نواياك
يانورعيني ليه خاب الأمل فيك؟؟
بعت الغلابرخيص واعلنت جفواك
بان الغدرمنك وبانت تجافيك
قتلت حب عاش في عطف رجواك
حب الحنان اللي من الروح معطيك
ياالله عسىماخلاف من جاك واغواك
تبيعني واناإللي دايم الدوم شاريك
احسبك غافلي وبانت خطاياك
سودالليالي بينت لي هقاويك
وانامن اول دوم عيني تمناك
وافرح لجابوا لي الناس طاريك
واليوم صارمواجهك مثل فرقاك
عندي تساوت حاضرلك وماضيك
إنت السبب سديت عينك بيمناك
وقطعت حبل الودكله بياديك
شمتبي ناس من إعداي واعداك
وكشفت به الحب للي معاديك
الفعل فعلك والخطاياخطاياك
غلطةعمر فيهاالندم مايكفيك...

=========================================

تخيل لوتفارقناوعشنافي هوانا اغراب
تخيل لوتناسيتك وقلبك صارناسيني
تخيل لوتباعدناوكل شوق جمعناذاب
تخيل لوتجي صدفه عيونك يوم في عيني
تخيل لوخلاهالكون ولايسكن ثراه احباب
تخيل وش يصيرالحال مابينك ومابيني
حبيبي للوصل سبه...والفرقا
كثيراسباب
واناصابرعلىظلمك وجرحك حيل مشبعني
تخيل لوجرحتك يوم وجرحك بالهوىماطاب
تخيل بس لومره تبيني ماتلاقيني
تبي تشكي تبي تبكي تبيني والأمل بغياب
صرخت بصوتك العالي من الضيقه تناديني...

=============================================

احيان احس الأمل قدام
وأحيان احس إني اتوهم
واحيان احس الملام هيام
واحيان اقول السكوت ارحم
اتعب سهر..ماتعبت تنام
إلىمتىوإنت ماتهتم
ماقلت لك تشبه الأيام
تجرح وتنسىولاترحم
تعبت اسافرمع الأحلام
ولااكتشفت إني كنت أحلم
إلين صحتني الأوهام
علىجروحي وانامغرم
الحب احلىقدرلو دام
الحب اغلىامل يرسم
بحب لين اعذر اللوام
بحب لين الندم يندم...

======================================

..حلمي الأبدي..
ايتهاالذاهبه للأحزان..
ماذاتركتي لي..ماذا فعلتي بي..؟!
تركتيني اصارع امواج الحياه..اقف لساعات طويله..
أنتظر لقاءك الحلم الذي رسمته بمخيلتي..
هكذا..ترحلين..
وتتركين الما"ينبض به جسدي..
وعندها يخالجني شعورغريب
بأنك سترفضين..
نعم..سترفض طي المسافه والبعد..
وتبقى كما عهدتك..
حلمي..الأبدي..

========================================

..اجمل أحلامي..
اتمنىواجمل احلامي تمني
والقدريكتب علىالعين وتشوفه
كل هم راحل من غيري سكني
وترجمت نفسي مع ألوانه حروفه
ان لزمت الصبرباح الشوق مني
في عنادالوقت وسهاده وخوفه
يالطيف الروح لايشغلك عني
حزن عينك بالأمل صافح كفوفه
لاتعذب وانت لك روحي تكني
من يروف الحال كانك ماتروفه
كل ماخيبت في مخلوق ظني
انت تبقىلي بهاالدنيااحسوفه
لومقادير الزمن عنك ابعدتني
كل واحد صارماتسمح ظروفه
كل خفقه في ضلوعي لك تحني
وانت منك الشوق يجرحني سيوفه..

============================================

خلاص حبك داخل القلب منهار
خلاص يكفي ماحصل منك كافي
مهمارجعت وجيت مانقبل اعذار
روح في طريقك ياحسين الأوصافي
حبك سراب وصرت خاين وغدار
واثرك علىدرب الوفا ماأنت وافي
جازيتني عقب المحبه باالانكار
الله حسيبك يالليالي الأجافي
لأجلك سهرت وهلت العين مدرار
ولأجلك وهبت القلب والحب صافي
هذي نهايه مامضىصارتذكار
يكفي كفايه ماحصل منك كافي...

============================================

الله يرضىعليك أرجوك تنساني
اللي حصلي من اسبابك يكفيني
ماأحب اكرر خطاي اليوم إنساني
غلطه بخطوات عمري بأول سنيني
انانسيتك ورب البيت نساني
ماعادبه شئ مابينك وبيني
ادري زمانك غدربك جيتني عاني
ليتك تذكرجرحي يومك تجيني
ليتك تذكرت ماضي من احزاني
اقدم لك الوردوالشوق بيديني
كنت ارسمك حلم عمري وإنت بلساني
كنت بخيالي وقلبي وبكل مافيني
كنت اتصورمعاك يضيع حرماني
أعطيك اناكل هالدنيا وتعطيني
كنت اتنفس احس إنك بوجداني
صدق إحساسي إنك كنت تكويني
وش ذكرك عقب هذا اليوم عنواني
ابسألك وش هو اللي ذكرك فيني
ارجوك ابعد من شانك ومن شاني
ترىالذي صار لايمكن ينسيني..

============================================

لاعادترجين مني اليوم جيه
كثرةاعذارك غيرت لي مزاجك
ماعادافكر فيك والروح حيه
يومك تجاهلت الهنا وإحتجاجي
ياماعذرتك قلت من حسن نيه
لكن كشفتك ماشي بعوجاجي
واناعلىالنسيان نفسي قويه
انساك وألقىللمعنىخراجي
لقيت غيرك من يرد التحيه
زين حنون دوم طلق الحجاجي
اعيش معه لين يوم المنيه
واسقيه صافي الحب ماهو هماجي
هذي من الله جتني اغلىهديه
حبيب صادق مايعيش إعوجاجي..

=======================================

افترقنا والسبب وجهةنظر
وكل مناراح مجروح الضمير
يحترق في صمت ماصدق خبر
يلتفت يقول معقول يصير
وين حب بالوفا فينا ذكر
بين كل الناس مذكور بخير
ياجريح الحب حبك مااندثر
في ثواني صارمجهول المصير
والأمل يبكي علىكل البشر
رغبته يثني الخطاوي مانثير
كيف ضاعت بينناعشرة عمر
والمحبه باقي فيها الكثير
والسبب مابينناوجهة نظر
ياخساره إنتهىالحب الكبير

============================================

معاد احبك ابتعد لاتجيني
مادام حبك صار كله مذله
اول غرامك شايله في كنيني
واليوم هاك الحب ماابيه كله
لاوحسافه مامضىمن سنيني
درب الهوى ماعاد عيني تدله
اول عرفتك ياالغضىترتجيني
واخذت قلبي يوم كان بمحله
ياماسهرت الليل واسهرت عيني
علىأمل قلبي يسميك خله
وخاب الرجا ماعاد ينفع حنيني
لاعاده الله حب جاب المذله

=================================

ياصاحبي هونك علي ان جيت ابين لك خطاي
خطاي انا ياصاحبي اكبرمن اني جارحك
اناادري انك لو تكدر خاطري تطلب رضاي
واناادري اني لوزعلت بوقتها بسامحك!
بقولك ياصاحبي وارجوك لوتاقف معاي
واناادري ان اللي بقوله شئ مومن صالحك
تصدق اني لوخسرتك ماأرمي العالم وراي
وش عاد لواني خسرتك دام غيري رابحك!
ياماتعلمت الشقاوه يوم اناكنت بصباي
حتىليامني عجزت الوي يديك اصافحك
أن جيت تخفي الحب يظهرمن ورىعينك غلاي
واضح واشوف ان الهوى يطغىعلىملامحك
بقولك ياصاحبي وارجوك لوتدمح خطاي
اني من اول ماابيك !ومستحي لا اصارحك

======================================

يفز قلبي كل ماأجيب طاريك
فزة يتيم شاف من تشبه امه
تذكر أمه يوم كانت تناديه
وحس بجفاهايوم عيت تضمه
مرت سنه من موتهامن يراعيه
وادمع ماقدرت كفوفه تلمه

===============================

انامعك صافي وعندي لك الود
لكنك انت إللي معي منت صافي
حب ربطني فيك ماأبيه يمتد
وش لي بحب صار فيه انحرافي
اول إلىمن شفتني منت بتصد
واليوم صدك صارماهوب خافي
خلاص انامليت والصبر له حد
ونفسي عزيزه ماتبي من يجافي
ولاني علىطرد المقفين منحد
ابنسحب مادامها جت عوافي

===================================

عانيت في الدنيا كثير وتعذبت
صارت حياتي هم وفراق واحزان
شي عملته في حياتي وش اذنبت
يوم إن حظي ماابتسم لي ولازان
اربع سنين الحزن فيني ولاطبت
صبرت صبرماصبر مثلي انسان
شلت الفرح ياحظ مني ولاتبت
واهديت لي بالحزن والقلب وجعان
تعبت من صبرصبرته ولاصبت
شكيت من حظ رماني ولاهان
حاولت اوقف شكوتي حيل جربت
لكن غلبني الدمع بالحيل ولهان
كتبت والدمعه بعيني تعجبت
اثارها دمعةحزين وتعبان
اربع سنين ياحظ تقسىولا ذبت
تراني دخيلك ردني يوم فرحان...

==========================================

حرام المسلم انه يهجر المسلم ثلاث ايام
واناخلي ثلاث شهور لايسأل ولاجاني
يمر اليوم من عمري واشوفه في غيابه عام
انا مدري غلا وإلانوىالمحبوب ينساني
عسىإللي يمنعه عني ظروفه والظروف احكام
ولاهو صدمن خلي ولاهو منه هجراني
انامدري متىيرتاح قلبي والعيون تنام
كفاني يازماني ماجرالي وش بقىثاني
مصيبه كان وقتي ماسمح لي والبخت ماقام
اقاسي لوعةايامي واعيش العمر واحداني
انابين الرجاوالياس عايش في عنا الأوهام
ولكن مانويت انسىغلامدعوج الأعياني
عسىالغالي يساعدني يجي ونحقق الأحلام
ونعيش ايامنا الحلوة بدون هموم وأحزاني
عساها ايام وتعدي واشوفه والوعد قدام
وانا بصبر مدام انه مثل مااهواه يهواني...

=================================

خيانه وانتهت آخرسوالف عشقي المجنون
سوالف عشق ياماالناس قالتهاوعادتها
حكوا عني وحكوا عنها وعن حب ملاهالكون
وصاروايحلفون بحبنا وصدقي وطيبتها
وكم واحد تمنىلوخذا من لون حبي لون
وكم وحده تمنت لوتشابهنا حكايتها
اناوياها كنا حلم بالمعنى وبالمضمون
لكن اثنين قصةحبهم تعلن بدايتها
وفي ليلة صرخ فيها الوفا من ظهره المطعون
بدايتهاجروحي والوفا مات بنهايتها
في ذيك الليله كان اهون علي احيابدون عيون
ولااشوف اللي شفته من حبيبةقلبي ساعتها
بعيني شفتهاوياه تضحك له وهو مفتون
سعادتهافي قربه تشبه فقربي سعادتها
وهوطاير من الفرحه ولايدري بأنهاتخون
ويمكن يدري وساكت ولاتهمه حقيقتها
بعيني شفتها ماهوحكي واشي وخيال ظنون
بعيني ليت عيني عمرها مايوم حبتها
وقفت لسان حالي يقول ليه؟ومن متى؟وشلون؟
عساي القىسبب واحد يبرر لي خيانتها
وادور للجريمه ثغره بكل مذهب وقانون
ولكني عجزت القىعذر يغفر جريمتها
قبل هالليله كنت اسمع كثير من البشر يشكون
من سيوف الغدر واضحك واناأتباهى فبراءتها
انا ماكان عندي شك ولو واحد من المليون
في صدق اللي تقوله عن غلاي وعن محبتها..

==================================

خيانتها عطت حجه لكل اللي يبي يخونون
ومن هالليله كل خاين بيعتذر بقصتها
مادام اوفىالبشر خانت حرام الباقي ينلامون
وكلمات الوفا لاعاد احد يطري لي سيرتها
خيانه وانتهت آخرقصايد عشقي المجنون
وضاع الحلم في ليله الوفا مات بنهايتها...

==================================

لاتزعل!!
إن جاك عني خبرشين!
قالوا:توفىبس هذي وصاته
الأولى/حرام خدك تجرحه دمعةالعين مادام ماذاق الدمع في حياته
والثانيه/لاتنسىمنهو يعزك من سنين ومحدن لاجلك يسوي سواته...

======================================

أدري إنك بشرمثلي وخلق فيك روح
بس روحك عنيدوقاسي ولايود
وأدري ان الوفي لاحب دايم نصوح
مايبيع الخليل ولايخون العهد
لو يشك بعشيره يحتفظ مايبوح
مايفتح ابواب للعذال واهل الحسد
حسبك الله كيف هدمت الطموح
ضيعت من يديك الهنا وايام السعد
كم تحملت من شانك عذاب وجروح
وانت مرتاح ماتدري إن حياتي نكد
كم تحاول تزعلني وانا لك سموح
همي رضاك ماابي اخسرك للأبد
وإن كان بعتني روح وانااصبر اروح
كلن بدربه روح عني واناابتعد
وإنت ياقلبي انسه لاتون ولاتنوح
لاتذكر غرامه يكفي إنه جحد...

==========================================

سامحيني لوقسى قلبي وغيرني زماني
وسامحيني لو قسيت ولوتعمدت الخطيه
واعذريني لواصير بنظراتك انسان ثاني
وافهميني قبل دمعك يقلب الدنيا عليه
علميها يادقايق علميها ياثواني
قولي لي اني مالقيت إلاالجفا منها هديه
علميها كان صرت بقلبها واحد اناني
قولي اني عايش علىالأمل وبحسن نيه
وعلميهاكيف اناحرفي قدر يخذل لساني
وعلميهاكان لي في قلبها باقي بقيه
ذكريها كم طلبت الليل والصبح يعصاني
وذكريهاكم بكيت الشمس والدمعات فيه
السفن مهمابعدت مردها يم المواني
والزمن ياماخذلني والعمرماهوب ليه
كم سهرت اقطف ورودي مايباني..لايباني
وكم سهرت اجمع شتات الناس والديره خليه
صارلك كم يوم وانتي ماسألتي وش بلاني
والغلاطير عصافيره وقاعي جرهديه
من نسيتيني واناأحس هالعالم نساني
من تركتيني وانافاقد حروف الأبجديه
ماينكد عيشتي وإلاعن النوم يحداني
غيرلاشفت الخوي اللي تنكرله خويه
وسامحيني لوقسيت ولوغلط مره لساني
وافهميني قبل دمعك يقلب الدنيا عليه...

حبوبتي

المسجات بالحيل طويله

انا ماقد حاني مسج بهالطول بس واحد ام ام اس

مادري كل الاجهزه تستقبل هالطول

لا عدمناك

الله يعطيك العافيه على الرسائل الجميله

تشكروعلى التواجد العاطر ...يعطيكم العافيه

بنتظاركم دوماً بكل شووق ...

لكم ارق السلام

الف شكر اختي الرياض
يسلم ذوقج يالغلا ...

هلا ومليون غلا عزيزتي شجون العفو تسلمين الأروع هو وجودك

تسلمي على الحضور العطر الله يعافيك ..لاحرمنا منك ومن تواصلك الكريم

تقبلي فقائق محبتي ومودتي

الريااااااااض

سلمت على هذه الرسااااااااااااااااائل الاكثر من راااااااائعه...

دمتِ متميزة ....