السلام عليكم ورحمة الله وبركاته
هذي القصيدة كتبتها وأنا في إحدى المحاضرات
بعد ماسمعت سالفة وحده من الزميلات
أخليكم مع القصيدة
متى ماجت لك على الكيف اتصلت
ومتى ماودك كذا ماتتصل
ومتــى ماطقّت براسك علينا زعلت
حتى ولو مابه داعي للزعل
وان بغيت تصــرّف الوضـع انشغلت
وقلت انا آسف عندي شغل
وان سألتك عن بطــاك اسبوع قلت
انت تدري والله ظروف العمل
واذا عـــارضتك على حـــق انفعلت
وقمت احسك من مزوحي تمل
واثر يوم انك تعمـــد ماســـــــألت
اثر لك احبـــاب عن حبك بدل
شفتني في حســن نيـــاتي غفلت
وقمت تلعبي على حبل وحبل
انت صـــاحي والا يـــازين انهبلت
تحسبني يوم امشّي لك خبل
بس ابي اعرف حــدك وش وصلت
والا رجعه لك بعد مافيه امل
وادري انك على اطمــاعك حصلت
بس انا ماني بجازي بالمثل
بالـــهدوء اطلــع مثل منت دخــلت
انا مثلك عندي ظروف وشغل...!!
تقبلوا حبي...
غـــ أنثى ـــرور
المواضيع المتشابهه 
"+( خيانـــة شعـــر )+" 
العرض العادي
