ونهاية المشوار ما غيـر الاكفـان .... ويبقى مع السارين ذكرك وطاريك


--------------------------------------------------------------------------------

ما مثل أخوك اللي يحبك ويغليك


إهداء: إلى كل من نزغ الشيطان بينه وبين أخيه ونسي أن العمر يمضي وكل شيء إلى زوال

وأن خيرهما الذي يبدأ بالسلام
قصيدة ثمينة ومؤثرة للشاعرة / ليلى سعد عباس الحربي تقول فيها:



الناس واجد مير ما مثل الاخوان .... ما مثل اخوك اللي يحبك ويغليك

ما مثل اخوك اللي صدوق ومعوان .... تفديه بالغالـي وبالـروح يفديـك

يشكي لك جروحه وهمه والاحزان .... ولا ضاقت الدنيا بهمك يواسيـك

لو كان لك ربعٍ ونـاسٍ وجيـران .... ما مثل اخوك اللي عن الناس يغنيك

أخوك هو عزك ولو كان ما كـان .... يبيع كل الناس لأجلك ويشريـك

أنا أشهد أنه لك على الصدر نيشان .... تاجٍ على راسك وستـر يغطيـك

وانا اشهد انه مـا يثاقـل بميـزان .... مثل الذهب والماس مافيه تشكيك

وانا اشهد إنه ما يقـدر بالاثمـان .... عن العدو حصـن ودرع يوقيـك

إياك لا تفتـح طريـق لشيطـان .... بينك وبينه جعـل ربـي ينجيـك

ولا تستمع لاجاك علان وفـلان .... يا كثر ما تسمع من اللي يعاديـك

ولا تجعل لغيرك على العقل سلطان .... ترى كثير اللي بشـوره يدهويـك

ترى الدهر دوار يا سرع الأزمـان .... يومٍ تواريـه الثـرى أو يواريـك

تقول يا ليت الذي كـان ماكـان .... يا ليتني بالقبر جنبـك واخاويـك

يا ليتك تعود واضمك بالاحضـان .... أضمك لصدري واقبـل أياديـك

يا ليتك تعود ترى القلـب ندمـان .... وده يسوق المعذرة ثـم يراضيـك

مير البلا يا ليت مـاردت إنسـان .... ويا ليت ما تمحي ظلام بما ضيـك

تماكن الدنيا وواصـل بالاحسـان .... قبل الندم يطويك والهـم يبريـك

ونهاية المشوار ما غيـر الاكفـان .... ويبقى مع السارين ذكرك وطاريك

وسلامتكم...


تحياتي وتقديري للجميع ,,,,,,,,,,,,,,,,,,,

أبو ممدوح

صدقت وصح لسانك اخوي ابوممدوح مابعد الأخ غالي

الله الله الله ...

أخوي ابو ممدوح ...

خير ما أخترت ...

رائعه بكل المقاييس ...



ف ــاالكلمات تحتار وتقف عند هذه الدرة ...

تسلم اخوي أختيار أكثر من رائع ...

في أنتــــظار مثل هذه الرائعة ...

دمت بخير .. أخي ...

سلمت اخي الفاضل
على هذا النقل الجيد
لا عدمناك
وكل الشكر لك
دمت بود

سلمت اخوي
ويعطيك العافيه على النقل يالغلا ....

اختيار موفق اخوي - ابو ممدوح -

وصدقت مؤثرة حيــل

تسلم على ذوقك ، وصح السان الشاعرة - ليـلـى -

مع صادق التحية

عزيزي / روح الربيع

أسعد الله جميع أوقاتك بكل خير

شاكر لك المرور متمنياً لكم الاستمتاع والإستفادة

تحياتي وتقديري ,,,,,,,,,,,,,,,,,,,,,,,,

أبو ممدوح