نسمع القصه من بطل هذه القصه..........
المهم وانا في عز النوم والسعابيل والا فجاة رن التلفون
والا وذاك الصوت اللي يرد الروح صوت بنت
واخوكم اذا سمع صوت بنت اوجعه بطنه وانواع الاسهال
قالت:الوووو
انا ماعرفت وش اقول انشلت براطمي وطلعت كني ياسر عرفات
قالت :مين معي
قلت :معك انا
بصراحه جواب يدل علي ذكائي
وهي اللي تضحك
وانا قلبي احسه مو طبيعي (قالبها سامري)
قالت:سوسو موجودة
قلت لها ماينفع طوطو
قالت :من طوطو
قلت هذا اسم الدلع حق الطاووس(اللي هو انا)
وضحكت للمرة الثانيه على التوالي
قالت : شكلي غلطانه ....طيب اسفه
قلت لها لا عادي لا شكر على واجب
قفلت السماعه مادري وش صار فيني حسيت بشعقريرة في جسمي
وإفرازات الخشم عندي زادت وودي اروح انبطح في الحوش واكتب قصيدة هجائيه
لايكون هذا الحب اللي يقولون
عاد انا ماني متعود على البنات لان بيتنا فيه خمسة عشر رجل انا واخواني وابوي وامي
المهم اني قررت اتعرف على بنت.
بس فيه مشكله وحدة اللي هي انه ماعندي اسلوب ابد.
مالقيت قدامي الا واحد من العيال اسمه (عبدوش) معروف ان البنات مايعوقون معه
القط مفتاح سيارتي واروح له
وعلمته بوضعي وان امنيتي في الحياة اتعرف على بنت قبل مااموت
فقال لي :السالفه بسيطه
اذا بغيت البنت تحبك حسسها انها احسن وحدة في العالم
قلت له :كيف يعني
انتي احسن من مردونا
وهو اللي يرفسني برجله في بطني
وقال لي:انت ثور
وش دخل مردونا يالغبي
قصدي انك تحسسها بانوثتها وانه مافي بنت غيرها في العالم
قلت له : مافهمت
يعني تبيني اذبح كل البنات وخليها لوحدها
وهو اللي يموه علي برجله ويمحطني بيده على جبهتي
وقال :شوف انت ياحمار ماراح تفهم الا بدروس العمليه.
ويطلع جواله ويدق على بنت
وقال لي:اللحي بكلم وحدة وتعلم
قلت له :طيب
وكلم وقال : هلا حياتي هلا عمري هلا روحي انا لوي حبيبك ومجنونك
(الحمد لله على العقل نعن ابوك وين لوي معك والله لو تشوف وجهه في احسن الاحوال تعطيه جعفر)
يقول لها: احبك واموت فيك
انا بدونك مثل البيت بدون حاره وتلفون بدون حراره وسواق بدون سياره انا البنزين وانتي الشراره
وانا الشارع وانتي الاناره انا الرومانسيه وانتي الاثاره
حسيت بشعور غريب لوكان يكلم جدار كان ذاب
المهم انه خلص المكالمه والتفت لي
قال لي:يالله دورك
باعطيك رقم بنت وتكلمها وقول لها نفس كلامي
قلت له بكل خجل طيب
دق على البنت واعطاني الجوال
قلت :الووو
ويوم سمعت صوتها ضاعت علومي ونسيت كل الكلام
قال لي قول نفس الكلام اللي قلته ياثور
قلت لها: هلا ياحياتي هلا ياروحي هلا تعالي
قالت :طيب
بعدين قلت لها انا بدونك مثل الكيبورد بدون فاره والتقاطع بدون اشاره والحمار بدون حماره والسلطه بدون خياره
انا المحترف وانتي نظم الاعاره انا الولعه وانت السجاره انا الددسن وانت الغماره انا الصرصور وانت البياره
اناااااااا طوطوطوطوطوطو قفلت الخط في وجهي
قال عبدوش : وش فيك
قلت ابد الخط مشغول
مادريت والا عبدوش مطلع لوح فيه مسامير وضربني به لين قلت للعنز ياخاله
المهم اني رجعت البيت ودماني تصب وملي وجهي من كثر الطق
اطلع غرفتي واسكر الباب وانام وفي عز النوم دق جرس التلفون
ارفع السماعة والا هي نفس البنت اللي كلمتني اول مره
قلت :نعم
قالت :سوسو موجودة
قلت لها :شوفي بيتنا كله شباب
سالتني البنت وش تسوي اللحين
قلت لها : كنت نائم
قالت :تنام في الليل
قلت:اجل متى انام
قالت: انا انام في النهار واسهر في الليل
قلت :لها ليش الاخت بومه
قالت :لا بس الليل وقت الرومانسيه
سالتني انت وش اسمك
قلت لها:مصيول
قالت وش معناه
قلت لها: هذا اسم كلب كان عند جدي وسماني ابوي عليه لاني اشبهه
سالتها انتي وش اسمك
قالت :داليدا
سويت فيها اسلوب وقلت لها اني حبيت وحدة
بس انتهى الحب لانها خانتني
قلت لي: من حبيت
قلت لها حبيت عنز جيراننا بس انها خانتني مع تيس سوري عشان مسوي قذله
قالت لي :اوكي اكلمك بكره لان امي تناديني
قلت :مو مشكله
وتطورت العلاقه وسرنا نكلم بعضنا كل يوم
وانا انقلب حالي ولاحظوا اهلي اني تغيرت
دائما مسرح واتنغف واحيان انسى اصبعي في خشمي
المهم انه في ليله من اليالي
قلت لي :مصيول اوصف لي شكلك
لاوالله البلشه وش اقول لها هذي الحين
اقول لها اني قرد اعترف بالحقيقه المره
واقول لها اني جدار مالي ملامح
اعترف لها اني شبيه عبدالله السليمان
قلت خليني اسوي مثل باقي الشباب وانصب عليها
المهم اني قلت لها : عيوني مثل عيون جواد
وطولي مثل طلال الرشيد وخشمي مثل خشم خالد عبدالرحمن
وملامحي مثل ملامح راشد الماجد ومهضوم كثير مثل رامي عياش
المهم قامت تشاهق من الفرحه.
سالتها اوصفيلي شكلك
قالت :مااقدر لما تشوفني بتعر ف لانه مالي شبيه
قلت يعني بشوفك
قالت :انا بكره بروح شاليهات اليمامه ونتقابل هناك
قلت لها :بس هذيك للعوائل
قالت : عاد تبر نفسك
قلت : اوكي مو مشكله بس كيف اعرفك
قالت :بيننا الجوال اذا وصلت كلمني
قلت خلاص الوعد هناك
المهم اني انا توهقت وش لون ادخل الشاليهات وهي للعوائل
قلت مالي الا عبدوش اتصل عليه واتفاهم معاه ودقيت عليه
ورد قال وش تبي يالغبي
وعلمته بالسالفه
وقال لي :صعب وش بتسوي
قلت له: وش رايك تلبس عباه وتسوي نفسك حرمه وتروح معي
قال لي :خلاص بس لاحد يدري
قلت :ابشر بس جهز نفسك بكره بمرك ونروح المهم وصلنا الشاليهات
ونزلنا من السياره وامسك يد زوجتي اللي هي عبدوش سابقا
ودفعنا التذاكر ويوم جينا بندخل وقفنا الحارس اللي على الباب
وقال:لازم زوجتك تدخل محل تفتيش النساء لاننا شاكين فيها
قلت :ليه حنا في المطار ترها شاليهات بعدين وش فيها زوجتي
قال الحارس :وش الحرمه اللي لابسه زبيريات(شبشب رجالي)
نظرت في رجول عبدوش الا هو لابس زبيريات
قلت للحارس :ممكن تتركني مع زوجتي ابيه في كلمة راس
قال : ادخل هذه الغرفه الفاضيه واتفاهم معها
سحبت عبدوش للغرفه ترفست في بطنه نعن ابوك يالغبي زبيريات مره وحدة
قال عبدوش : وش اسوي مالقيت جزمة كعب على مقاسي
قلت له :اسمع نزل العباة على رجولك عشان ماحد ينتبه يالغبي
المهم اننا رجعنا للحارس واعتذرنا منه على سوء التفاهم
ودفيناه بمائة ريال عشان يسكت
اول مادخلنا استاجرت شاليه صغير
قلت لعبدوش يجلس فيه وانا بروح ادور خويتي
طلعت ودقيت جوال على خويتي
وصفتلي مكانها تقول انها عند الشجر اللي جنب المطعم
رحت هناك جلست ساعتين ادورها مالقيتها
دقيت عليها جوال
قلت لها:وينك لي ساعتين ادور لك
قالت :انت وينك بالضبط
قلت لها : انا واقف جنب كيس زباله وانتي وينك
قالت :انا واقفه جنب واحد شكله مجنون
التفت وري ولا هذي هي
افا طلعت انا المجنون اللي تقصده
وطلعت هي كيس الزباله اللي اقصده
وهي اللي تنصدم
قلت:هذا انت ..وين الوصف اللي تقول ...جسم طلال الرشيد
امحق طلال اللي تشبه له انت
المهم انها صادتني (انه عيوني مثل عيون خالد الملا وجسمي مثل نبيل شعيل
وخشمي مثل عبدالمجيد عبدالله )
قلت لها :انا فعلا مثل ماقلت بس صار لي حادث واثر على وجهي والا انا كنت حلو
قالت : مو مشكله اهم شي اسلوبك اعجبني
قلت لها: تمام انه اعجبك شي فيني
طلبت منها توريني وجهها
قالت :طيب بس لا يشوفنا احد
غطيت عليها وقلت لها يالله بسرعه
رفعت الغطوه
وانا اللي اضحك
قالت : وش فيك تضحك
قلت :يالله عاد بدون استهبال
قالت : وش فيك
قلت لها: شيلي القناع اللي على وجهك لا تستهبلين
قالت : هذا وجهي الصدقي يالقرد
وانا انصدمت وحسيت الارض تدور فيني
وش ذا الوجه الشين
اول مره اشوف وجه يطلع منه ريحه مخيسه
وانا قعت احفظ كلام رومنسي عشان اذا شفتها اقول لها
بس يوم شفت وجهها اللي كنه وجه واحد معه اسهال
ضيعت كل الكلام اللي حفظته وقمت اخبط في الكلام
سالتها مادامك شينه وش هو له تغازلين
قالت: انا كنت حلوة بس وجهي انحرق !!
سالتني وش رايك فيني ماشبه باسكال
قلت : والله شبه عتاب مو باسكال...!
المهم ماقدرت اتحمل وجهها وقلت لها انتي جدك الاكبر كان غوريلا..؟
قالت : تطنز انت وجهك ...انا اول كنت مصدقه ان الديناصورات انقرضت
بس من يوم شفت وجهك عرفت ان هذا الكلام شائعات
قلت لها : شوفي ياآنسه جراده انا ودي اجاملك وقول لك كلام حلو
بس وجهك يقول مالك امل
قالت :والله حتي انا ودي اقولك كلام حلو بس وجهك مايساعد كانه دعاية لاللمخدرات
المهم انه كل واحد منا تفل في وجه الثاني ورحنا
اخذت عبدوش من الشاليه ورجعنا
وانا من الصدمه توقف تفكيري
كل امالي واحلامي راحت
ركبت السياره ورجعت للبيت
(خــــــــــــــــــــــــــــــلاص ماعاد ابي اتعرف على بنات )؟
انتهـــــــــــــــــــــــــــــــــــــت القصــــــــــــــــــــــــــــــــــــــــــــــ ـــــــــه

هذاااااااااااااااااااا الموضوع قديم نزله قبلك ساجن في المنتدى صرقعه

يسلموووو ع الموضوع