------------------------------- آحـــــــم آحـــــم ------------------------


هذي مواصفاتكن يابنات ... وانتم ياشباب اذا انا نسيت اي وصف تكفون اضيفوا من عندكم

هذه أوصاف ( معظم بنات ) وان فاتني اوصاف ما قلتها ذكروني

1 - نوعية من البنات تشوفها في البيت غير وعند الناس غير ..
على سبيل المثال:

في البيت لو يجي أحد ويناديها .. تقول : هااااااااااااه
لكن خارج البيت (السوق ، الجامعة ، لما ترد على التليفون .. الخ )
تقول: سم او سمي طال عمرك هلا حياتي عفواً ماسمعتك اهلين.... الخ
ليه كذا ليه !! خلك عادي قولي هااااااااه جوا البيت وبرى

2 - الملابس:
أنواااااع الخلقنة في البيت .. يعني تلبس بنطلون بيجامة وبلوزة بيجامة !!
لكن اذا طلعت .. لو تدخل مسابقة كان فازت .. بملكة الأناقة..!!
طيب سؤال يطرح نفسه ؟؟؟ ليه ماتخلقنين في البيت وخارجه ؟؟
أنا أقولكم ......افلقوني لووووووووووووووووووووول

3-خفة النفس:
ونسبتها قليلة جداً
يعني أغلب بناتنا عجازات مثل شبابنا ..
بعض البنات من العجز .. حتى العباية ماتلبسها .. تخلي الشغالة تساعدها .. (ياااااااااي بس)

4-اذا تبون تعرفون البنت فوضوية وإلا مرتبة .. شوفوا شنطتها اليدوية اللي تاخذها معها باستمرار ..
مثلاً شنطت السوق .. بعض البنت الداخل شنطتها مفقود .. والخارج منه مرحوم !! يعني كل شي تلقونة فيذا الشنطة (مناديل ،قراطيس،علوك ، فواتير،غطا روج بدون روج ....الخ)
والبعض الآخر من البنات لااا .. شنطتها أنتكة مثلها
أنتكة = راعية ذوق

5-راعية الحق والواجب:
بعض النساء .. ماشالله عليها راعية حق وواجب مثلاً: زيارات عائلية .. مناسبات .. مساعدات للغير ...الخ ..كلها تقوم فيها
لكن البعض اللآخر .. تقوم بالحق والواجب على حساب زوجها وبيتها وعيالها .. على سبيل المثال:
تضغط على زوجها انه يوديها .. لبنت عم خال جد امها عشان توها ساكنة في بيت جديد ويبي لها زيارة ونزالة بعد .. بزعمها ان اللي تسوية حق وواجب
طيب ورى ماتسوين حق وواجب في رجلك .. وتعفينه من الزيارت اللي مالها سنع
أنا ماأقول انها لاتروح للزيارة .. لكن اذا تهيأت الفرصة لها من الأفضل انها تروح .. لكن مو على حساب شي آخر تقوم بالحق والواجب

6-بعض البنات الله يهديهم مايفرقون بين الطلعة العادية .. والطلعة للجامعة .. والطلعة للسهرة !!!
يعني الميك اب لكل هالطلعات واحد واللبس والشعر كذالك ... يعني وووووووووووين رايحة بالله .. وشوله هالكلافة !! لازم تفرقين بين كل طلعة والآخرى .
يعني انا ودي أسال بعض البنات خصوصاً اللي بالجامعة.. متى يمديك تقومين من النوم وتحطين ميك أب وخصوصاً انك بتروحين للجامعة؟؟ نفسي أسأل ذا السؤال بس أخاف اتهزأ !! عاد انا حساس (ياهوووووووووه ياحساس يا أنالووووووول) ومااحب احد يهزئني بعدين ماعاد اروح للعمل من شدة التاثر
يعني المفروض عزيزتي انك لما تقومين من النوم تكونين مطنقرة ولا تحاكين أحد مو تتمكيجين والله من الفضاوة
لأن الزين زين لو قام من النوم .. والشين شين لو دعج عيونه (قاعدة ضروريه جداًًًًًًًًًًًً)

7- الدلع :
هذي غريزة في البنت .. يعني البنت اذا محد دلعها .. تدلع نفسها
لكن فيه دلع عن دلع
الدلع اللي يجي على سجيته ..يااااااااااااااااااااحلوة
لكن الدلع المصطنع ..وووووووووواااااااااااااااااع ع ع ع يحوم الكبد ..أصلاً ماودك تحكي مع وحدة تصطنع الدلع.. وياكثرهم اللي من ذا النوعية .

8- البنات النصابات :
يمكن تستغربون لو قلتلكم ان فيه بنات نصابات ..لكن الصدق ينقال .. فيه وياشينهم .. عليهم نصبن موب صاحي ..!!
يعني بعطيكم أمثلة ..

** شريت هذي التيور من هارفي نكلز كان عامل دسكاونت .. وهي شاريته من المعيقلية
** سارة ليه ماجيتي امس للحفلة ..
أمس بصراحة كان زوراج بنت خالتي .. كان في نياره ..وهي نصابة جاينها خوالها من حريملا .. ولا قدرت تروح للحفلة
(أنواااااع النصب)

9- مصلحجيات :
وياااااكثرهم عندنا .. يتلزقون بصورة ميب طبيعية موب لله عشان .. حل واجب وإلا عشان فلان الفلاني يقربلك أو غيرة من المصالح .
يعني ماتمشي معك لسواد عيونك .. عشان مصلحة بس .. وإن قضت المصلحة أتحدى ان طالعتك موب سلمت عليك ..

10-تحمق :
فيه نوعية من البنات تحمق بسرررررعة .. مثلاً ..لو تقولها .. وش ذا اللون موب زين عليك (من باب المزح ) ..عصبت وحمقت
وقالت وش فهمك بالذوق يا قروي .. انت حدك جلابية من حلة القصمان

11-ابقولكم شي في صف بعض الشباب موب كلهم انا ماني منهم .. يعني يجيك شاب فـــــــــــــــــي حاااااااااالة موب يم أحد .. وتجي البنت تقول : شوفي هذا قليل الأدب من الصبح يلاحقنا .. مالت عليه .. ذا البايخ .. ودك من يسنعه .. والولد مووووووو حولها تلاقوونه مسيكين يفكر في شي ثاني
تكفين شوفي شكلة بس انتي واغسلي يدك .. اصبري علي وبهزئه .. وهوووووو موب يمها الضعيف ... لكن تصير مع البنات كذا .. يظنون ظن سيء فيهم

12-دلخة :
عمركم شفتوا بنت دلخة هههههههه
انا قد شفت بس لا يفوووووووتكم

13-راعية سوالف:
يووووووووووه هذي النوعية متعبة مررررررة
يعني تجيك الوحدة تسولف تسولف تسولف ماتعطي أحد فرصة انه يحكي وكن مافيه إلا هي .. ناهيكم عن التلفووووون
ماأقول إلا الله يعين رجلن بياخذها

14- الضعيفة :
فيه بنات ضعيفات لكن موكثير .. هذولي البنات يرضون بأي شيء ..
مالهم رأي ..
كل شي عندها ايه ..
ماتعرف كلمة لا ...
و اذا أحد سألها تكون اجابتها بكلمة (مادري)
ماتناقش .. ولا شي
شفت بنات زي كذا بس موكثير .

15-فرفووووووووشة و فرووووووحة :
يعني تحب الضحك والفرفشة والتعليق .. النكد والطفش ماتعرفة .. وتتعب نفسياً اذا قعدت مع ناس ثقيلين دم
وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك هههههههههههههههههههههههههههههههههههه

16-شايفة نفسها:

يااااكثر البنات اللي شايفات انفسهم .. البعض من البنات يحق لها تشوف نفسها..
لكن بلاااااك اللي مايحق لها .. على ايش شايفة نفسها ... مادري؟؟؟
ماتكلم الناس إلا من طرف خشمها
واذا حكت مع أحد مستحيل تناظرة
واذا ردت ترد عقب الشين
غالباً هذي النوعية من البنات ماعندهم سالفة كل هذا والله من القهر.

لآتــــزعلن يـآبنــــــاااات ....[/color]

ياكثر الانواع اقول ياشغوووووووبي ياحبيبي


وش اللي مسويه اكثر الانواع مو زينين



شغييييب انت قدها؟؟؟؟؟؟؟؟؟؟؟؟؟


ياويلك ناويلك على نيه(بس انت اصبر شويه..............)






شغوووووووووووووبي خذ رااااااااااحتك





نع





نع





نعوووووووووووووومي

حـــــــــــــــرام عليك شغب مو كل البنات لكن شكلك متعقد من البنات

أكيد أنت الوحيد في العيلة والبنات قد شعر رأسك

هههههههههههههههههههههههه

مشكور يالغالي على الموضوع

هذا هو الكلام الصحيح


وصدق المثل من قال


الرجل السليم في المكان السليم

هههههههههههه
يسلمووو ع الموضوع
بس أنا ولا نوع من ها الأنواع>>> ياشين الثقه