| █◄[ في الامتحـان يـكرمـ المـرء أو يـهان << صرقعة على مستوى!!]►█ |

الدمعة الحائرة · 04-12-2006, 07:35 PM

بسـمـ الله الرحـمــن الرحيـــمـ

شباب حيــو

<< ماعندها وقت خاشة عرض البنت

شخباركم

شلونكم

شعلومكم

مافي احد تزوج :Taj10:

ولا تطلق

و لا جابوا له ولد

ولا نجح

و لا رسب

<< الله لا يهينكم ضيفوا عليهم تاء التأنيث كان تنطبق الجمل اعلاه على الانثى
لا تقوم عليّ جمعية المطالبة بحقوق المرأه

والله من زمان عنكم وحشتوني أوي أووي أوووي :hapy:

<< يالله عاد بلا مبالغات

تمــووون دموووعه تمـووون

أحياناً الانسان
<< (ركزوا على كلمة احياناً)

يمر بظروف عصيبة:asd:
<< (عصيبة ترى عن جد كلمة متعوب عليها)

فا يحاول يطلع من هذا الظرف العصيب

عن طريق انه يحط قبضة يده <<< هذي الجملة تحتاج إلى تركيز

بالقرب من رأسه مباشراً وفي رواية اخرى دايركت

يعني بمستوى اذنه ويجلس يلف يده بعكس اتجاه عقارب الساعة

<< من صدقكك و لا تمزحين :jj:

لين يمر جنبه شخص ويقوله عسى ماشر يالطيب!!

الهدف من هذي العملية
استرجاع الذكرة
<< واضحة مايحتـاج اشرح بالصور

فا انا من كم ثانية مريت بظروف شبه عصيبة
<<< أمحــق

فا استرجعت الذاكرة بالطريقة الآنفة ذكرها:wy:

و تذكرت موقف طريفة

و تغير لون السهم من اللون الاحمر إلى اللون الأخضر

<< ترى هذي كناية عن تحسن الحالة النفسية

وطبعاً تعرفوني احب الخير و الغير

قلت خلني اطرح الموقف قدامكم

عشان
الاسهم الحمراء تنقلب اسهم خضراء عندكم

<< كناية عن تحسن الحالة النفسية عندكم

(الله لا يهينكم ركزوا على حمراء – خضراء )

ترى الالف الممدوده علامة من علامات التأنيث

الموقف اللي مـر على بالي الله يحفظم و يعرسكم:Taj10: و يخليكم للي تحبوهم و يحبونكم
و ياعسى الحامل تولد و الوالد يعرس ولده و ولده يحب امه

و امه تحبه

وسلم ولدهم يالله و خليه لأمه يالله
قرقعان و قرقعان
قرقعان

ايووووه

ورااااااااا

عااشوااااا

تحت

فوق

يمين

يسار

واسبح اسبح اسبح

<<< اختصري الله يرضى عليك

كان في يوم من الايام<< انا اشهد انها جملة في زمن الماضي

عندنا اختبار تعرفون الي يدرسون في التخصصات الصحية يلبسون لاب كوت
و لغير الناطقين بها بالطو لونه ابيض فيه جيبوب 3 ويفضل يكون واسع و طويل
وساتر لكامل الجسد ولا يبرز مفاتن الجسم

<< دموووعه الله يرحـم والديكِ لا عاد تشرحين

المهــمـ
كنا في قاعدة الاختبار تعرفون كلنا بنات جالسين فله لا لاب كوت و لا وجع راس

عاد ذيك المادة من صعابتها مانسميها إلا مادة إبليس

و اللي يدرسنا شنب و في رواية اخرى رجال دختور

للإمــــانـــــة

ترى هذي الماده و ما على شاكلتها ماننجح فيها الا بالدف و اذا دخل الدختور في القاعدة وقت الاختبار نسأله و يحل كل الاسئلة

<<< تعرفون البنات مخلوق لطيف يكسر الخاطر بسرعة

المهمـ
دقت الساعة اعلانـاً لابتداء الاختبار

زادت ربكت البنات و احنا كنا نقف خارج القاعدة

كل فتاة ممسكة باوارق المحاضرات لا تعلم إلى ماذا تنظر و ماذا هي تفعل

تبحث فيها عن ادنى معلومة لتنتشلها و من ثم تطلق صراحها على ورقة الاختبار

في ذيك الزاوية بنت وجهها ماهوب مغسول من ربكتها

و الزاوية الثانية وحدة وجها مخوضر من الخوف

و مناك وحدة حاطة يدها على بطنها من الخوف جاها اسهال

ووحده في النص شعرها منكوش ما امداها تضبطه الصباح

ووحدة هناك واقفة تحط جوالها سايلنت

ووحدة نست اقلامها راحت تتسلف

<<< للمعلومية البنت الحلوة تنعرف ايام الاختبارات :hapy:

المهمـ

دخلنا القاعة كل فتاة ممسكة بلاب كوتها و شيلتها ونقابها
<< في العادة يجي دختور المادة و يغششنا الاسئلة

المهـمـ

دخلنا القاعدة

وتوزعت الاوراق و المراقبات كانوا حريم

المهـمـ

قالوا لنا ان الدختور راح يدخل بليز يابنات تستروا كل وحدة لاب كوتها

<< للمعلومية العباية غير مسموحة في الاختبار يخافوا يكون فيها براشيم

و تلبس شيلتها و نقابها

المـهمـ

بالصراحة إذا مستعجلين راح اكمل الموضوع بعدين!!

أكيد اكمــل

جواب نهــائي

أوكيه

خــلاص لا تدفون راح اكمـــل

عن حساب كلنا لبسنا
<< ( ركزوا على كلمة عن حساب)

الا بنت معانا حساوية
كانت جالسة قدااااااااااام
في وجه الجدار ما انتبهنا لها

الحجية الله يذكرها بالخير

يوم قالوا لنا لبسوا
نست انها جالسة بس ببلوزة
بس راحت لبست الشيلة و لبست النقاب بس
و نست مالبست اللاب كوت

تخيلوا الشكل
وحدة متنقبلة و لابسة لها بلوزة حمــراء بدون أكمــام
<< هي كانت تحسب ذاك اليوم عيد الحب عشان كذا لبست لون احـمـر

تنــويه:
ترى هذي البنت ماتنجح الا بالدف!!
حطوا تحتها خطين!!
يعني على ورقة الاختبار تمسك الدكتور او الدكتور لين يقولها الجواب الصح و بعدين تطلق صراحهـم!!

المـهــمـ

دخل الدكتـور و البنت مرتبكة من مادة ابليس ماهي عارفة اش تسوي على الورقة هي تفحط و لأ تفحط و لأ تفحط!!
بس كانت تنتظر الدكتور على احر من الجمـر ..
<< امحق

المـهمـ
دخل الدكتور رفعت يدهـا وعيناها مغرقتان بالدموع وهي تنا دي بصوت مبحوح

<<< عشان تكسر خاطره و يغششها

دكــــــــــتـــــــــــوور

دكـــــتـــــوور

دكــتـــورر

والدكتور معطيها اذنه الصمخة
بالـعربي
لا
حـــــيــاة
لمـــــــــــــــن
تنـــــــــــــــــــادي

ويروح لباقي البنات يساعدهــم
وهي لا
قالت اش السالفة لا يكون في شي غلط
<< انتقل ابليس من المادة الى مخها وقعد يوسوس في راسها

خافت البنت تحمل المادة

رفعت يدها عالي و قالت

دكـــــــــــــــــــــــــتــــــــــــــــــــــ ــــــــــــــــور

في هذي اللحظة لمع لها بياض جسدها المخملي و نعومة يدها الحريرية

و اكتشفت انها نست مالبست اللاب كوت و الدكتور مستحي
<< قوية مستحــــي

عاد في ذيك اللحظة قفزت من على الكرسي و كلنا رفعنا روسنا و عرفنا

ان في الاختبار يكرم المرء او يهان :sad: & :jj:

و تداركت الوضع و لبست اللاب كوت

و طاح و جها و لاعاد نادت على الدكتــــور

ياهو موقف فطسنا ضحك عليه في القاعـة

و صارت عيارة البنت من ذيك اللحظة يالفــلّــه
حتى هذه اللحظة

تــمــت بحــمد الله نهــاية القصـــة

تنبيــــــه:
من قرادة حظ البنت كلنا نجحنا إلا هـــي!!
مادري هو الدكتور مستقصدنها

و لأ اش السالفة !!

مايستفاد من المــوضوع:
1-
اذا ضاق خلقك ترى هو الوقت المناسب لكاتبة المواضيع المصرقعة

2-
إذا جيت تكتب موضوع حاول تكتب بالفصحى ترى صدقني اقرب لمسامع القارئ

3-
اذا تضايقت لا تتضايق بقوة لان تأكد انك ماهو اول مرة و لا اخر مرة تتضايق و من بعدها راح تنبسط:f63:

4-
اذا قفلت معك الدنيا تذكر المواقف اللي صارت لك او كنت شاهد عليها صدقني تنفتح الدنيا في وجهك دايركت
:Taj52:
5-
يابنات ركزوا على شكلكـمـ و لبســكـمـ قبل الاختبار فشلتونا

6-
اللي يدخل موضوعي ويرد فيه له هدية عندي ..

سلــمــلـمـ

دمووووعه

الاولاني · 04-12-2006, 08:03 PM

اقتباس:


	الهدف من هذي العملية استرجاع الذكرة << واضحة مايحتـاج اشرح بالصور

هههههههههههههههههههه

يؤ على كذا بيطيح شعر راسي الي بالجنب اليمين <--- يا كثر ما يهنق

اقتباس:


	و نست مالبست اللاب كوت تخيلوا الشكل وحدة متنقبلة و لابسة لها بلوزة حمــراء بدون أكمــام << هي كانت تحسب ذاك اليوم عيد الحب عشان كذا لبست لون احـمـر

خخخخخخخخخخخخخخخخخخخخخخخخخخ

يا عليها شكل بعد
ذكرتني بالاوروبيات الي يجربن النقابات بمطار دبي هع هع

اقتباس:


	بس كانت تنتظر الدكتور على احر من الجمـر .. << امحق المـهمـ دخل الدكتور رفعت يدهـا وعيناها مغرقتان بالدموع وهي تنا دي بصوت مبحوح <<< عشان تكسر خاطره و يغششها دكــــــــــتـــــــــــوور دكـــــتـــــوور دكــتـــورر

ههاااااااااااااااااااااااااي

حركات سحالي ما يبطلونها بدمهم تجري

اتمسكن لحد ما تنجح خخخخخخخخخخخخخخ

لا ولا حظ خلاص شغلت السلاح الاخير ... الدموع <--- سلاح فتاك قدام اي رجل هع

اقتباس:


	تنبيــــــه: من قرادة حظ البنت كلنا نجحنا إلا هـــي!! مادري هو الدكتور مستقصدنها و لأ اش السالفة !!

ههههههههههههههههههههههههههه

لا والله الا هذا اكبر دليل عل انكم انتم الي تابعين طريقه غلط وما اعتمدتو على انفسكم

ما سوت مثلكمالا حطت حيلها ونجحت بدون

اعتمدت على نفسها واكتشفت قدراتها الكامنه<-- لا يا شيخ ... هو فيه اصلا قدرات كامنه

الدمعه

يسلموووو على هيك موضوع (فله) هع هع

يستاهل احلى نجوم

ولك احلى تمييز بالعنوان

وتستاهلي

شـغـب · 04-12-2006, 08:43 PM

الدمعة الحائرة

هـل توصـدقـين بـأننـي .. تـعـشـيت .. ولـسى مـآخلص موضوعـك .. وبـعـد الـعـشى أكـملت موضوعـك ..

خخخخخخخخخخخخخ << يتكلم عربي فصيح ...

المهم ..

يعطيك العـآفيه على موضوعك الجميل ...

تقبلي تحيـآتي ..

شــغـــب .. ( يـد بـيـد ) لأبــآدة السـحـآلي .. ههههههه

نعووومي · 04-13-2006, 02:08 PM

دموووووووعه الله يصلحك وش ذا انا مو تعشيت ورجعت

لا تعشيت ونمت وقمت وكملت الله شوفوا بس الاربعه الكلمات ذي

رااااااااااائعه يانعووووووووومي........

مشكوووره دمووووعه قلبي على الموضوع

النايس ياااااااانايس

وبعدين ياأخ شغب ياعزيزي شغيييب وش ذا الصوره

اللي رازها من امس حسبي الله على ابليسك انقرضنا مابقى

ولا بنت ذبحتهم كلهم ........

لكن هيهات ننقرض مازلنا نتكاثر وبقوه وبكثافه

المهم العلم الوكاد

لعاد اشوف ذا الصوره القيف اللي تغثني غثتن

مابعدها غثه ... فاهم ولا

غصبن عنك تفهم........تراني قويه لايغركم

كبرياء انثى · 04-14-2006, 07:53 PM

هههههههههههههههه
داااار راسي وانا اقرا الموضوع
بس اتخيل شكلهااااا هذي اللي نست تستر نفسها
هههههههههاااااي ..
مشكورة حبيبت قلبي عالمووضوووع ..

mindi+*+*+* · 04-16-2006, 03:40 PM

خخخخخخ منك ..بس مصرقعــ..ـ..
.
.
يسلمو ياعسلز

كلي غرور · 04-16-2006, 03:53 PM

ههههههههههههههههههههههههههه

الله يرررجك يااشيخه على المووضووع الفله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
█◄ ويلك من الله والسمكه ►█ ( رد على ويلك من الله لان سحب الاشراف خخخخخخخ)	soso2006	منتدى الصرقعه والوناسه	18	12-18-2006 03:26 PM
\| █◄ تســـريحــات نــاعمـــه وروووعـــه ! ►█ \|	بنـ النورـت	o.O (جمال وأناقة المرأه) O.o	30	08-26-2006 01:42 PM
\| █◄ وش تسوي قبل ما تنام ؟؟؟ ►█ \|	بنـ النورـت	المنتدى العام	71	06-17-2006 12:04 AM
ტდ░░▒▓██ صاحت عيوني تطلب القلب رؤياكـ ██▓▒░░ტდ	نـــديم الحــزن	منتدى الجوال	20	04-22-2006 08:16 PM
\| █◄[ مهم لكل الاعضاء قبل كتابة اي موضوع اقرا هنا]►█ \|	الاولاني	منتدى الصرقعه والوناسه	1	04-07-2006 09:45 PM