قصيدتي زاد بعيوني جمالها واخذت انقي من المعاني جزالها ...
من الشوق والغلا لامي وانا اصغر شاعر من عيالها..
كتبتها في رحاتي يوم غربتي ..يوم طرالي من السفر ما طرالها ...
امي وانا بوصف لها زود حبها وان ماحكيتلها قصيدي حكالها ...
امي لها بالجوف والقلب منزلة ...مكانة ما كل محبوبو نالها ..
اقرب من ظلالي علي وانا وسط غربتي .. وانا تراي اقرب لها من ظلالها...
ماشافت عيوني من الناس غيرها ... ولا خلق رب الخلايق مثالها ..
اغلى بشر في جملة الناس كلهم ..واكرم من ايدين المزون وهمالها..
اتبع رضاها ورتجي زود حبها ولي طلبته من حياتي وصالها...
الصدق مرساها والاشواق بحرها .. والعطف واحساس الغلا راس مالها..
اهيم فيها وابتسم يوم قلبها..يسال وانا قلبي يجاوب سؤالها..
وان طلبتني شي فزيت مندفع ..اموت انا واحمل تعبها بدالها..
اصبر على الدنيا ولاحزان والتعب ..واحمل على متني فطاحل جبالها ..
واسهر واعذب راحة القلب بالشقا..واعيش اعاني بس يرتاح بالها..
تربية ابوي الي على الطيب بذكره ..الي وهبني للحياة ومجالها..
نوزرلي دروبي وانا طفل مبتدي ..حتى تركني واحد من رجالها ..
الواديناولا بالاحسان لجاهم ..واةلا بتكريم النفوس وعدالها ..
اقولها وانا على الله متكل.. والله عليم بقدرتي واحتمالها ..
ياكلمة اغلا من الناس كلهم ياشمس بقلبي بعيد زوالها ..
يافرحة تملي لي الكون باكمله..ياشجرة تكبر ويكبر ظلالها ..
تظحكلي الدنيا لا شفت زولها .. مثل السما تزهى بطلت هلالها..
والبعد عنها يا اهل العرف ما اقدر..لا شك ناري زايدة باشتعالها..
ما اعيش ببلاد والاهي بارضها .. ولا ابي عيوني كان ما هي قبالها ..
ارض تدوس امي بالاقدام رملها ... اموت فيها وندفن في رمالها ....


هاد اقل شي ممكن الواحد يعبر فيه عن الام والاب