مرحبا اعزائي الاعضاء والزوار
مره كنا مخيمين مع وحده عجوز كبيره بالسن وكانت تقول قصص من اروع القصص اللي قالتها عالضو وليلة القمرا
رفعت راسها هالعجوز للقمر وقالت ياعزاااااااااااااااااه
احنا كلنا قلنا وش فيج ياخاله قالت بقولكم سلفه قديمه صاااااارت00000
طبعا انا بسردها على شكل حوار عشان تفهمون
00الجزاء الاول00
( فيه ثلاث شباب طالعين يم المقناص بنص الشهر ( القمرا) )
سعود : قام من عند الضو وبعد شوي بس كان صوته مسموع ووجه نضره للقمر وصار يسلم عليه ويسال عن احواله00
سعد يكلم خالد : الحمد لله ذا صاحي ولا وش فيه احد يكلم نفسه الله لا يبلانا00
( جا سعود )
خالد : انت صاحي وش فيك تكلم نفسك؟؟
سعد : لا ويعلمه عن اخباره الله لايبلانا ( ضحكات متعاليه)
سعود : بلاكم ماتدرون انا لي حبيبه وبيني وبينها عهد ان كل نص شهراطالع القمر واسلم عليه وانشد عن اخباره وبنفس الوقت هي تسلم عالقمر ونحس انا نسلم على بعض وهذا سلمنا بحبنا وللحب قانون00
خالد وسعد( بابتسامه وانبهار من هذا الاحساس )
عاد الشباب من المقناص بصيد مشرف وكانو من قبائل مختلفه بس كل واحد فارس قبيلته00
وينشد الضهر فيهم00
بعدها بشهرين او ثلاثه دخل الصبف وكان متعارف عليه عنده ان البنات يروحون يغسلون على وقت الغروب وصادف روحتهم نص الشهر (احنا تكلم عن قبيلة خالد) ولازم يروح معهم فارس لانهم يخافون من خطف العذارى وكانو حريصين جدا علىعرض القبيله واللي كان عليه الدور خالد اللي كان يحب خوية المقرونه اللي اسمها (وسميه)00
نعاود للمقرونه
( نوصفها لكم هي بنت شيخ القبيله اللي هو عم خالد وينضرب المثل فيها بالذكاء والجمال والعقل وكان يميزها ثلاث شامات بخدها بس كانت زايده جمالها بشكل رهيب لذالك سموها المقرونه)
رفعت راسها وصارت تسلم عالقمر وتسال عن احواله00
من اللي انتبه لها؟؟؟
ولد عمها خالد 00
وقال: وش قلتي يالمقرونه ؟؟
قالت : اكلم نفسي ( بارتباك وخوف شديد)
قال : اضن كنتي تكلمين القمر ؟؟
قالت : لا ياولد العم الا اني اهرج مع نفسي واحمد ربي على ان شيخ الرجال والفرسان معنا000
( بدأ الشك يتسرب عند خالد( سعود 00 القمر00
العهد 00 السلام لا مايصير وشلون يعرفها وهي من قبيله ثاني؟؟
قرر خالد يطلع مع سعود للقنص ويتأكد وعشان يسأل عن البنت من تكون؟؟
وطلب من خالد وصار خالد يصرفه مره بعذر ان فيه غنم غادين وبيدورهم
ومره بعذر الحر والعج00
هذا الجزاء الاول اذا عجبكم كملت ومراح اكمل لين اشوف عشرين رد

ممكن يا طيبى كسرنى تكملت القصه أبلييييييييييييييز

تسلميييين اختي
يلا كملي
ننتظر التكملة

والله القصة مبين انها حلوة يعطيك العافية بس نتمنى الكماله

يلا كملي ننتظرك

بدايتها حلووه
بس ناقصه ؟؟؟؟؟؟؟؟؟

يعطيكم العافيه ع الردود و انشالله عن قريب
بنزل الجزء الثاني من القصه ..