دروس سريعة في: "كيف تكونين مثل بنات الهاي"!

ودك تصيرين مثل بنات (البطرة).. مثل (باريس هيلتون) وشبيهاتها في المجتمع السعودي ؟






إذا كانت المشكلة هي كونك بنت من الطبقة المتوسطة أو أقل، فلا تشيلين هم..

ما عليكي إلا انك تتبعين النصائح التالية عشان تصيرين (هاي كلاس) وتثيرين غيرة البنات منك!



1- احرصي على متابعة المجلات اللي تهتم بالتجميل وآخر موضة في الميك أب والأزياء ..





ونفس الشي مع القنوات الفضائية مثل Fashion أو M T.V وغيرها من القنوات اللي تشوفين من خلالها آخر الحركات والتطورات في عالم المودا.



2- روحي المولات بين فترة وأخرى عشان تشوفين ايش الجديد.






اشتري إكسسوارات بأسعار قليلة ومجوهرات مزيفة ولكن بأشكال تبدو كأنها غالية ومن النوعية الكلاسيكية اللي تمشي مع كل شي. أنصحك بالشراء من:

Forever21 وH&M.. على سبيل المثال، وفيه محلات مشابهة أكثر، تجيب شغلات كوول وبأسعار معقولة. واذا تبين تتميزين وتشترين من ماركات مو موجودة بأسواقنا تسوقي عبر الإنترنت واختاري شغلات غريبة وفانكي.



3- في الشتا اشتري كوت أو جاكيت من نوعية الـPea coat






بس بلون زاهي ومحايد. وأقترح عليك لون الكراميل لأنه يمشي مع كل الألوان ويفتحها. وفي الشتا لازم يكون معاك أيضاً بوتين طوال، واحد مخمل بلون بني غامق أو فاتح، وبوت ثاني جلد بلون أسود يمشي مع كل شي.



4- اشتري شنطة متوسطة أو كبيرة الحجم من ماركة معروفة.






واذا ما تقدرين تشترين شنطة بـ3 أو 5 آلاف ريال! لا تشيلين هم، الشنط المقلدة بكل مكان الحين وسوق التقليد منتعش هالفترة!... بس اختاري نوعية مقلدة بإتقان من الشكل الخارجي والداخلي، يعني مو من النوعية المقلدة الرخيصة.



5- في الربيع والصيف، احرصي على لبس الصنادل بألوان وأشكال كيوت.






6- إذا كنتي طالبة في المدرسة أو الجامعة اشتري لك شنطة ماركة من نوع:

Tote-Bag






واذا ما قدرتي تشترين من أي ماركة، اختاري شنطة بنفس النوعية الـTote

بس بشكل راقي ولون يناسب أي لبس. وتأكدي قبل لا تشترينها انها كبيرة وتتحمل كل الكتب وهم باقي مكان للميك أب والعطر وغيره من الشغلات اللي لازم تحملينها معاك لأي مكان.



7- اشتري مجموعة من الجينزات بمختلف الألوان والقصات.





تأكدي قبل لا تشترينها انها تناسب جسمك.. يعني اذا كان جسمك مليان أو دبة وفيه شحوم زايدة انتبهي تشترين جينز ضيق أو من النوع اللي يبرز المؤخرة والفخذين عشان ما تخربينها ويطلع شكلك LOW!... واذا كنتي عصلا أو جسمك رشيق ابتعدي عن الجينزات اللي تتميز بوسعها عند الساقين.



8- إنسي العبايات المخصرة حتى لو كان جسمك روعة.. خلاااااص! راحت موضتها من زمان، بالإضافة لكونها تعطي لوك رخيص لأي بنت خاصة المتايح والمعصقلات. ألبسي العباية الواسعة اللي تعطي مظهر فخم وأنيق، ويفضل انها تكون من الحرير.



9- اشتري دايماً تيشيرتات وتانك توب ملونة وفيها حركات.






ابتعدي عن القطع السادة والأسود والألوان الكئيبة. وتقدرين تكررين لبس تيشيرتاتك باستمرار إذا غيرتي في طريقة اللبس، مثلاً: تحطينها تحت قميص مفتوح أو تلبسينها مع شي ثاني بلون وستايل مناسب.



10- بالنسبة للعطور، استخدمي البادي اسبراي أو العطور الخفيفة بريحة الزهور في النهار، والثقيلة للمساء والسهرة.



[IMG]http://rds.yahoo.com/_ylt=A9gnMiTIw4NG6EcAhQSjzbkF/SIG=1330mfngg/EXP=1183126856/**http://www.austinsstore.com/images/departments/healthbeauty/beauty_perfumes.jpg[/IMG]



اشتري عطر باريسي وابتعدي عن العطور المقلدة لأنها تعطي ريحة قوية و

Cheap!



11- اهتمي بصحة وجمال بشرتك وشعرك بالغذاء الغني بالفيتامينات وكثرة شرب الماء والعصيرات الطازجة.


[IMG]http://rds.yahoo.com/_ylt=A9gnMiD8w4NG9fIA7SijzbkF/SIG=129t47384/EXP=1183126908/**http://www.mccormick.com/assets/RainbowFruitSalad.jpg[/IMG]


واستعمال شامبو ومستحضرات عناية للبشرة من ماركة معروفة وموثوق فيها ويفضل انها تكون طبية.



12- مارسي الرياضة عشان تحافظين على لياقتك إذا كنتي رشيقة أو للتخفيف من الوزن وشد الجسم اذا كنتي دبدوبة. اشتركي في صالة رياضية أو اشتري شريط فيديو واتبعي التعليمات.


[IMG]http://rds.yahoo.com/_ylt=A9gnMiVpxoNGTi0ASFejzbkF/SIG=11uva4pu2/EXP=1183127529/**http://www.jane-fonda.net/History/test.jpg[/IMG]

ودايماً اتبعي دايت صحي مو بس لرشاقتك وإنما لنضارة بشرتك وجمال عيونك وشعرك.



13- إذا كانت بشرتك غير متساوية وفيها عيوب، أنصحك باستعمال مرطب ملون.









14- إذا بغيتي تحطين ميك أب حاولي قدر الإمكان انك تكوني طبيعية. كل ما كنتي سيمبل كل ما كنتي راقية في شكلك. استعملي كريم أساس خفيف بنفس لون بشرتك، وماسكارا، وغلوس بلون فاتح للشفايف.. مثلاً وردي أو بيج.





ابتعدي قدر الإمكان عن الألوان الصارخة والفاقعة، على سبيل المثال: روج أحمر أو بنفسجي غامق وآي شادو أزرق لماع!... تذكري دايماً إن كثرة الميك أب أو الميك أب بألوان حادة يعطي شكل مصطنع وقروي ويخليك في النهاية أشبه بمهرج أو كأنك لابسة قناع!





15- اهتمي بشعرك دائماً.




روحي للكوافير بصفة دورية كل شهر مرة لتشذيب أطرافه عشان تتفادين مشكلة التقصف. واذا كنتي صابغة شعرك لازم تصبغين الجذور كل ما طلع اللون الأصلي لشعرك... انتبهي تهملينها لفترة ولأي سبب كان فتبين الجذور بلونها الأسود ولون الصبغة اللي نازلة لتحت أشقر أو بني فاتح!....بيطلع شكلك يفشل!



16- بما أنك تبين تصيرين بنت هاي كلاس، فلازم تتصرفين مثل بنات الطبقة الراقية في طريقة الكلام والمشي وكل شي. اشتري كتب الاتيكيت وتعلمي منها.






كوني مرحة وكوول بس بشوية ثقل واتزان، ودلوعة بس مو بشكل مصطنع وأهبل مثل حليمة بولند وطختها!... ابتسمي كثير و كوني واثقة من نفسك. وتذكري دايم انك تحاولين تظهرين بستايل الفتاة الـV.I.P بفرض احترامك على الآخرين بس بدون تكبر وبدون طريقة تملل الناس منك.





17- استخدمي مصطلحات البنات الراقية وحبذا لو تدخلين كم كلمة إنجلش مع سوالفك، وابتعدي عن العبارات السوقية والكلام الرخيص والبذيء. وانتبهي من الصراخ أو الكلام أو الضحك بصوت مرتفع وحاولي تكون نبرة صوتك أنثوية وطريقة كلامك هادية وفيها شيء من النعومة والغنج.



18- لا تتعلكين أبداً!.. واذا كنتي تحبين العلك فحاولي قدر المستطاع انك ما تفتحين فمك وانتي تعلكين ولا تطلعين صوت أو فقاعة!








19- حاولي تثقفين نفسك وتزيدين من رصيد معلوماتك وبالتالي تعرفين تنتقين كلماتك وتكونين جذابة في أحاديثك أكثر.





20- مرني نفسك على عدم إظهار رد فعلك الحقيقي تجاه الأسعار الغالية على بطاقات السعر.







لا تطالعين بالأسعار إذا كنتي تتسوقين في محل، إلا إذا كنتي لحالك في غرفة القياس. واذا فيه شي غالي مرة وما تقدرين تشترينه وتبين ترجعينه حاولي يكون هالشي بطريقة ذربة وتحفظ ماء وجهك! مثال: تعطينه للمسئول في المحل مع اعتذار بطريقة لبقة وانك لقيتي فيه عيب!.. طلعي أي خطأ في القطعة.



21- بخششي وعن البخل!






الأغنياء دايماً يبخششون بنسبة 15 أو 25% من المال اللي دفعوه في أي شي. خليك مثلهم خاصة اذا كنتي طالعة مع صديقاتك أو شخص مهم وتبين تتركين انطباع حلو سواء عند الكوافير أو في كافيه أو مطعم أو سيارة أجرة.



22- دايماً بيني لرفيقاتك ومعارفك انك مبسوطة وعايشة حياتك.





مثال: إذا جا الويك اند ورحتي بيت جدتك كالعادة وأنواع الطفش وضيقة الخلق هناك، وأحد سألك وين رحتي بالويك اند قولي على سبيل المثال: "أوه ماي غاد! رحت شاليهات الـSun set واستمتعت بوقتي هناك.. الواحد يحتاج للـريلاكسينغ وانه يرفه عن نفسه بعد أسبوع من التعب والروتين!"... بكذا تكونين محل غبطة وإعجاب الناس دايم.



23- أخيراً، تذكري ان الثقة بالنفس واحترام الذات هو أهم شي عشان تبرزين كفتاة من المجتمع الهاي.. دايماً قولي لنفسك انك حلوة وكيوت وعندك ذوق رفيع، ولا تسمحين لأي موقف أو أي شي انه يهز ثقتك بنفسك.

خخخخخخ

تسلمين قلبوووو

وانشالله بسوي الي قلتيه

تقبلي مروري

تسلمين أختي ع النصائح
تقبلي مروري
تحياتي : كوكا

موضوع رائع فلونا
من جد مفيد لكل البنات وانا استفد كثير
عوااافي قلبي ,,

يسلموووووووووو يالغلالالا والله يعطيك الف عااااااااااااااافية

نصائح مفيدة
انشالله يستفيدو البنات منها
يسلمووو