فاتنه يعطيش العافيه على القصه وسلمت يدش
وننتظر الاجزاء الباقيه

مشكووووررررة أختي على التأليف الحلو

يعطيكي ربي ألف عافية يالغالية

تقبلي مروري

عنــود
&
قلبي يحبك

يسلموو ع المرور الرائع

انتظروا باقي الاجزاء

دمتم بنقاء

~®§§][][ الجزء الخامس ][][§§®~




نواف وحوراء تجهزوا وراحوا بيت ابو حسن

نواف : هلا بـ احلى واغلى عم في الدنيا

ابو حسن : هلا ولدي كيف حالكم

نواف : بخير عمي انت اخبارك

ابو حسن : انا بخير دامكم بخير

حوراء : يبه اشتقت لكم

ابو حسن : اشتاقت لك العافيه يابنتي واحنا بعد اشتقنا لك .. البيت بدونك مايسوى

زهره : افااااا واحنا وين رحنا

ضحك ابو حسن : انتي نور البيت وجماله يابعد طوايفي

هنادي : غيوووره زهره لازم تخرب على اختها

زهره : ملقوفه هنادي لازم تتدخل

ضحكوا عليهم


حوراء : كيف حالكم اختي وبنت عمي

هنادي وزهره : الحمدلله انتي كيفك

حوراء ضحكت : ماشاء الله القلوب عند بعض

هنادي : طبعا ياقلبي مو اول مره

زهره : يالله تفضلوا

حوراء : وين حسوني

زهره : مع ابوي ماشفتيه ؟

هنادي : وين تشوفه وهي عقلها وقلبها وعيونها عند الحبيب

زهره : هههه اي والله

حوراء : مالت عليكم الشره على اللي يعطيكم وجه

ودخلوا

زهره : حوراء انتي عادي تروحي المجلس روحي خلي حسون يجي

يتغدا معانا

حوراء : لاخليه يتغدا وياهم لاتدلعيه واجد

هنادي : الله يعين اللي بتاخذيه بعدين مابتخليه يتغدا ويا الرجال ولا يجلس معاهم

زهره : جب ولا كلمه يالملسونه

هنادي شهقت : انا ملسونه

حوراء : ايه ملسونه صدقت اختي

هنادي : تسوي نفسها تبكي خلاص انا زعلانه مابي شي

حوراء : بلا دلع وتغدي

هنادي: ولا تدافع عني هذا وانتي صديقتي الروح بالروح .. خلاص مااحبك زهروه

زهره : ههههههههه توك تتكلمي عني الحين صرت صديقتك وتبيني ادافع عنك

هنادي : ماابي اكل ولاتكلميني

حوراء : ان مااكلتي بقول لعمك وابوك انك حشيتي فيهم

هنادي :انا حشيت فيهم ؟

حوراء : انتي عاد مشهوره بهذا الشي .. اذا ماتبي اقول لهم اكلي

هنادي : بنات عمي اذكياء .. امري لله بعد اتفاقكم مااقدر اتكلم



.+*:.: في بيت ابو هادي :.:*+.



طلع هادي من غرفته عشان يتغدا وهو ماله نفس بس عشان امه

جلس ولااكل شي

ام هادي شافته وعورها قلبها اشرت لابو هادي عشان يتكلم

ابو هادي وهو يطالع ولده : هادي يبه ليش ماتاكل كأنك متضايق

هادي :لايبه مافيني شي عادي

ابو هادي ابتسم : هادي امزح معاك بالموضوع اللي قلته من شوي

هادي انحرج من ابوه وسكت بس انقهر من نفسه حس نفسه صغير

ابو هادي غمز: الحين لك نفس تاكل ؟

هادي : يبه مو هذا اللي ابيه

ابو هادي حس بإحراج هادي : عمك بيسافر بكره

هادي : الله يعين ... والله بنشتاق له

تنهد ابو هادي : اي والله ان شاء الله يروح ويرجع لنا بالسلامه لو يرضى

اسافر معاه ماخليته بس هو الله يهديه عنيد

هادي : تعودت كل يوم اروح ازوره واجلس معاه والله مايقصر معانا

ليت الناس بطيبة قلبه

ام هادي : روح له اليوم اجلس معاه قبل ماتجيب اختك يايمه

ابو هادي : متى بتجيب هنادي ؟

هادي : قالت لي المغرب اروح لها

ابو هادي : بتجيب معاها زهره .. لأن ابوها بكره بيسافر ؟

ام هادي : لاخلوها الليله تنام مع ابوها والصباح يروحوا يجيبوها

ابو هادي : عدل كلامك

هادي : انا شوي واروح اجلس مع عمي

ابو هادي : خذنا وياك

هادي : على امرك يبه



.+*:.: في بيت ابو علي :.:*+.


حنين :قالت لهم ان زهره واخوها حسن بيروحوا بيت عمهم

ساره انقهرت وطول الوقت تخطط

ام علي : خلنا نروح اليوم بيت ابو حسن

علي : ان شاء الله يمه

ساره : انا مابروح

ام علي : ليش ماتروحي بيت خالك وبعدين صار لك مده طويله ماشفتيهم

ساره : تعبانه يمه وصلي سلامي له

حنين : انا بروح اسبح واتجهز

ام علي مو عارفه وش تقول لساره لأنها ماتدري وش يدور في راسها

ام علي : ساره لازم تروحي تشوفي خالك مايصيرتجلسي لوحدك

ساره : طيب بس مانطول

ام علي : اكيد مابنطول عشان خالك يرتاح له شوي

علي : يالله قومي جهزي نفسك من الحين لانتأخر

قامت ام علي وساره يتجهزوا

ساره ماعملت حساب ان بيت خالها ابو هادي بيكونوا موجودين

عشان كذا مااهتمت بشكلها لأنها اذا راحت بيت خالها ابو هادي ماتخلي شي

الا تحطه

رن جوال علي : هلا عبدالله شخبارك

عبدالله : هلا حبيب قلبي وينك ماتنشاف

علي : الدنيا وماتسوي المهم انا اليوم بروح بيت خالي ابو حسن شرايك تجي معانا

عبدالله : صار .. متى بتمر علي

علي : اذا خلصوا اهلي ادق عليك ..

عبدالله .. اوكي انتظرك



.+*:.: في بيت ابو حسن :.:*+.


زهره: هنادي وين حوراء ؟

هنادي : ترتب البيت ..

زهره : في شي مومرتب؟!

هنادي : مادري عنها

زهره : المهم بيت عمتي بيجوا دقوا علي الحين

هنادي : ساروه وياهم ؟

زهره : اتوقع ....

هنادي : لها عين بعد تجي لكن ان شفت منها حركه والله لاسويها حرب

زهره : ماعلينا منها

حوراء : وش صاير لاتقولوا انكم تحشوا فيني

زهره: لا عندنا غيرك نحش فيه الحمدلله .. المهم بيت عمتي بيجوا توهم داقين

حوراء .. صحيح ؟؟ حتى بيت عمي ابو نواف

هنادي : وابوي وامي واخوي اكيد بيجوا

حوراء : خلنا نرتب

زهره : كل شي مرتب حوراء وش فيك ؟

هنادي : عندها شي اسمه خرف هههههههههه

حوراء : اف منكم .. بقول لنواف انكم تضحكوا علي

هنادي وزهره : ماعاش من يضحك عليك حبيبتي

ضحكت عليهم حوراء : حفتوا الحين

زهره : الموت ولانواف

هنادي : الحين يقتلنا ويشوينا بعد لو يسمع انا سبب زعل الحلوه

حوراء فرحت الكل يعرف ان نواف مايرضى عليها : اجل خلونا

نسوي كيك واشياء خفيفه

زهره وهنادي : يالله

جهزوا كل شي وجلسوا يمزحوا مع بعض

اول من وصل ابو هادي مع ام هادي وهادي

دخل ابو هادي مع هادي المجلس

سلم على اخوه وهادي سلم على عمه

سلموا على نواف

ابو هادي : شخباركم

ابو حسن : بخير دامكم بخير ياخوي

ابو هادي: كيف حالك نواف وكيف حوراء وياك ان شاءالله مو متعبتك

نواف : الحمدلله كل شي تمام وحوراء مافي منها

هادي : الله يديم المحبه

نواف : عقبالك ياهادي

هادي : ان شاء الله

ابو هادي : ياخوي لازم هالسفر .. ترانا مانقدر على فراقك

هادي : اي والله ياعمي كيف نقضي الاجازه بدونك

ابو حسن :انتوا تدروا اني تعبان ولازم اتعالج بالخارج ماابي اولادي يحسوا

بتعبي عشان اذا صار لي شي مايأثر عليهم وعلى حياتهم ولاابي اموت في البيت

ابو هادي : الله يطول بعمرك ياخوي وترج لن ولـ اولادك بالسلامه ولاتقول

هالكلام والله قطعت قلبي كلنا محتاجين وجودك ياخوي انت الغالي ومالنا غنى عنك


هادي : عمي تبيني ازعل منك يعني جعل يومي قبل يومك يالغالي

ماحب اسمع منك هالكلام

نواف : ياعمي والله كلامك يزعل ..

ابو حسن حس انه بالفعل وسط عائلته وارتاح اكثر وابتسم لهم : اخوي مااوصيك

على اولادي

ابو هادي : لاتخاف اولادك اولادي بحطهم في عيوني ..طول ماانا حي

لاتحاتي شي بس انت ارجع لنا بالسلامه ومانبيك تطول غيابك

~®§§][][ الجزء السادس ][][§§®~







نواف : حسن وزهره بيضلوا لحالهم ؟

ابو حسن : بيكونوا ان شاء الله في بيت عمهم عمهم اولى من الغريب

نواف : الحمدلله كنا شاشلين هالهم

ابو هادي : مابيضيعوا وانا عمهم

هادي : لاتشيل هم يانواف عندك الحبيبه تشيل همومك وغمز له

نواف : الله لايحرمني منها



.+*:.: عند الحريم :.:*+.


حسن : هنادي لاتعديني (لاتعضيني )وهو يصرخ


ام هادي: وبعدين وياك يابنت خلي ولد عمك مسكين اذيتيه .. تعال حبيبي

وراح لها وضمته وهو يبكي


هنادي : مااقدر اشوف خدوده واخليه .. لازم اعضه

حسن : مااحب هنادي

هنادي : ياقلبي فديتك .. انا اموت فيك حتى لو ماتحبني

ام هادي : ولابتعقل هالبنت

حوراء: وش يعقلها .. يبي لها نوديها في غابه ونخليها كم يوم عشان تتأدب

وترجع وحده ثانيه

زهره :هههههه مسكينه بنت عمي ماارضى عليها كل شي ولا هالخبله

هنادي: حوراء الغابه لك ولزوجك بعد عمري زهوره الله لايحرمني منك

وجلست جمبها .. هذي الناس اللي تحبني وهي تبوسها

زهره : خلاص ذبحتيني

ام هادي : الله يعينك عليها

هنادي : انا ؟

ام هادي : لا مو انتي اقصد زهره الله يعينها عليك

هنادي : افاااا يعني انا مضايقتكم

حوراء : اللبيب بالاشارة يفهم

هنادي : بروح اقول لابوي وعمي انكم ماتحبوني

زهره : تعالي يمزحوا معاك الكل يحبك

حوراء: بسرعه تصدق هنادي

هنادي : اللي مايكذب بسرعه يصدق

ام هادي : متى بتجي عمتكم وام نواف

حوراء : الحين هم في الطريق

هنادي محترق قلبها وزهره ودها تروح مكان مافيه احد عشان ترتاح من الهم

هنادي تهمس لزهره : شرايك نطلع برا شوي

زهره : بعدين الحين بيجوا .. عشان لاحد يتكلم

هنادي : اللي تشوفيه

نص ساعه ووصلوا عائلة ابو نواف

ام نواف وغدير دخلوا وسلموا عليهم

ام نواف : كيف حالك ياام هادي

ام هادي : بخير نسأل عنكم

ام نواف : الحمدلله على كل حال .. كيف حالك زهره

زهره : الحمدلله بخير كيف حالك انتي

ام نواف : مشتاقين لكم

وجلست تسولف ويا ام هادي

زهره : غدير كم عمرك الحين

غدير : 17 باقي علي شهر ويصير 18 وانتو ؟

هنادي : ثنتنيا عمرنا 19 سنه

غدير : انتوا اكبر مني

هنادي : اكبر منك بسنتين بس

زهره : وش فيك هنادي شوي وتضربيها

هنادي :تقول اكبر منها

ضحكت عليها غدير : لاتزعلي مني بس وش تبيني اقول

رفعت راسها هنادي وغمضت عيونها بغرور: قولي بعدكم صغار

الكل ضحك على حركتها

زهره : صدق من قال عنك خبله

هنادي : حرام عليك انتي وهادي ماعلى لسانكم الا هالكلمه

شوي وتدخل ام علي مع بناتها

ام علي : السلام عليكم

الكل : وعليكم السلام

زهره : تو مانور البيت

ام علي : هلا ببنت اخوي وضمتها ,, كيف حالك حبيبتي

زهره : الحمدلله بخير كيف حالك عمتي

ام علي:بخير دامك بخير وراحت تسلم عليهم كلهم من كبيرهم لصغيرهم

وبعدها حنين .. وبعدها ساره .. ولما وصلت لزهره عطتها نظره ولاسلمت

عليها وجلست

هنادي حبت تحرجها بس زهره تدخلت

زهره بهمس : هنادي ادري انك تبي تطلعي حرتك بس خليها انا

مااتنزل اليها

هنادي حست ان زهره على اعصابها وعيونها بتدمع سحبتها معاها

هنادي :زهره تعالي شوي

زهره من اللي فيها مو قادره تسوي تسوي شي غير انها تتبع بنت عمها لأنها

لأنها محتاجه لها في هالوقت

هنادي طلعت معاها بره وراحت ورا البيت لاحد يشوفها

اول ماوقفت ضمت زهره وزهره بكت على طول

هنادي : خلاص حبيبتي ماحد يستاهل دموعك صدقيني كل شي بيهون

بس لاتشيلي هم

زهره : مااقدر من اشوفها احس قسوه الدنيا كلها على قلبي وحزن وهموم

العالم كله فيني

هنادي رفعت زهره عن حضنها ومسحت دموعها : زهره ماابي

احد يشوف فيك هذاالانكسار انتي اقوى من كل شي لو ماكنتي قويه ماقدرتي

تتحملي كل هالسنين هذا العذاب

زهره :ان شاءالله يظل الصبر بس خلك معاي

هنادي : انا معاك بس لاتضعفي روحي غسلي وجهك وتعالي انا بروح

المطبخ

زهره: اوكي ..

هنادي وهي رايحه كان علي ولد عمتها طالع من المجلس يكلم جوال

وانتبه لها وماعرف وش يسوي

امها كانت تنادي : هنادي

توها بتدخل انتهبت له وارتبكت وراحت تركض داخل وايدها على قلبها

هنادي : يمه منه مايستحي .. ان شاء الله يحبني بس وهي تضحك على نفسها

صحيح مجنونه

ام هادي : وينك وين رحتي ووين بنت عمك

هنادي : زهره الحين بتجي ليش كل هالاسئله يمه هلكتيني ماعرف اجاوب عليهم كلهم

ام هادي : بنتعشى لاتتأخروا أ عشان نروح من وقت عمكم وراه سفر بكره

وتعب عليه اذا بنجلس اكثر

هنادي : ان شاء الله يمه

جات زهره : عمتي سويتي العشا لوحدك

ام هادي : ايه يايمه بس وين رحتوا يالله بسرعه غسلوا وتعالوا صار لنا ساعه

ننتظركم

وراحت ام هادي


هنادي : بل ماصارت كم دقيقه قالت ساعه

زهره : حتى امك ماتمسكي لسانك عنها

هنادي : وش اسوي لساني متبري مني ودخلوا

ع العشاء

زهره : حسوني تعال هنا جنبي

حسن : تيب

حوراء : خليه على راحته لمتى بتضلي تدلعيه

زهره : هذا قلبي لازم ادلعه اذا مادلعته من اللي ادلعه

هنادي : دلعي نفسك

زهره : الحمدلله شبعانه دلع

ساره : الدلع للصغار ولأهله

~®§§][][ الجزء السابع ][][§§®~






هنادي :والله بنت عمي زهوره تستاهل الدلع ويناسبها فديتها القمر وعمزت لزهره

زهره ابتسمت لها

ساره ودها تعطي بنت خالها كف من الغيره والحسد

حنين : شرايكم بكره تجوا عندنا

زهرة : حوراء بكره بتسافر مع زوجها وأنا بروح المطار عشان ابوي

حنين : صح نسيت ,,, طيب شوفوا لكم يوم وتعالوا في بيتنا

ام علي : صحيح تعالوا لنا يوم زورونا

ام هادي : على خير ان شاء الله

بعد العشاء جلسوا شوووي

ساره تدور لها حجه عشان تشوف هادي

ساره : يمه بروح اسلم على خالي

هنادي : هناك رجال

ساره : بس انا ابي اشوف خالي واسلم عليه مابسلم عليهم ولا بجلس معاهم

هنادي : صحيح بتسلمي على خالك بس هناك اخوي ونواف وماتدري بعد من معاهم

عيب تدخلي وسط رجال

ساره : اللي هناك اخوي وخالي ابو هادي وابو حسن واخوك مو غريب ولد خالي يعني عادي

ونواف ولد عمي ومتزوج مااظن انه بيطلع فيني

هنادي : طيب اخوك يرضى تدخلي ؟؟ وبعدين انتي قلتيها متزوج يعني استحي على وجهك

واظن حوراء لها مشاعر اكيد بتغار على زوجها لو تكوني اقبح خلق الله

حنين : ساره وبعدين قالوا لك هناك رجال الكلام واضح

المهم خلنا يابنات نطلع في الحديقه شووي نغير جو

ساره : انا بروح ماعلي من احد

هنادي في داخلها خلها ترووح وبتشووف

هنادي وحنين وزهرة وغدير طلعوا بره

حنين : صحيح ماتستحي انا عارفه قصدها

هنادي : بدق على اخوي عشان يطلع بأي طريقه بدور لي شي اقوله له

زهرة: خلها اكيد بتتفشل ماعليك منها

هنادي : مستحيل اخليها تسوي اللي تبيه وتلعب على كيفها لازم احرق قلبها مثل ماتحرق اعصابي

زهره : هنادي

حنين : زهره الكل يدري عن حركاتها ليش انتي طيبه حتى ع اللي مايحبوك هي اختي وانا مو متحملتها

كيف انتي متحملتها مادري

غدير: ساره ماتحب زهره ؟

حنين : غدير ماتدري ان ساره تغار من زهره وتخطط بس عشان تخرب عليها

غدير : ماكنت ادري ... بعدين ليش هي كذا

حنين : خلاص سكروا الموضوع الحين بعدين اقولك نفكر الحين وش تقول هنادي لأخوها

غدير : تسأله متى بيروحوا .. او كذا

هنادي : حلووو مع انه مايبي له تفكير بس عقلي واقف


زهره : هههههه وش اللي وقفه بالعاده على طول يشتغل

هنادي : بعدين اقول .. المهم بدق الحين اسكتو

دقت على اخوها : الووو هادي

هادي : هلا

هنادي : تعال بره ابيك بموضوع

هادي : شوي وجاي

هنادي : بسرعه لاتتأخر

هادي : طيب يالله باي

علي : من داق عليك

هادي : اختي تبيني بره مادري وش عندها

علي : طيب روح لها

طلع هادي : هنادي راحت له

هنادي : تعال بقولك

هادي : قولي ليش انا جاي اجل

هنادي : متى قال عمي بسافر يعني اي وقت والساعه كم

هادي : الصباح الساعه 8 ليش تسألين؟

هنادي : عشان لانتأخر بعدين عمي يحتاج للراحه مانبي نثقل عليه ونتعبه

هادي : يعني تبوا تروحوا الحين ؟

هنادي : لا خلينا شوي

هادي : بس عشان كذا داقه علي وتبيني اجي

هنادي : اجلس معا ي شوي الجوو حلوو هنا

هادي : مامعاك احد .. خلي بنات عمك وعمتك يجلسوا معك

هنادي : بصراحه انا ودي افتح وياك موضوع بس افضل انه يكون في بيتنا

هادي : تبي تحرقي اعصابي يعني

هنادي ؟ماعاش من يحرق اعصابك بس الوقت والمكان مو مناسب

هادي : طيب اذا بتروحوا قولي لي انا بدخل الحين

هنادي : ليش تدخل اذا بنروح ادخل

هادي : مو عدله اجلس معاك والرجال داخل

هنادي : اكيد يعرفوا انك معاي

هادي : خلاص ولا يهمك بجلس معاك بس مابطول

هنادي : جلست تسولف مع اخوها عشان تضيع الوقت على ساره

اما البنات جالسين ينتظروها

بعدين قالت لأخوها انها بتروح اليهم لأنها خلتهم وهو توه بيدخل طلع علي مع عبدالله ونواف

جلسوا معاه بره

عبدالله : وش عندك جالس لوحدك اعترف

هادي : ابد .. بس اختي قالت تبيني بموضوع

علي : ساعه جالس معاها

نواف : اكيد بتخطب له وحده وجايه تاخذ رايه

هادي : ماعندكم سالفه .. جالسين نتناقش بموضوع عائلي

علي : علينااااا

هادي : قالت بتقوله لي بعدين في البيت كنت بدخل بس قالت لي تبيني اجلس معاها

عبدالله : طيب وش في وجهك كأنك ضعفان مره ومتغير وعيونك ذابله

هادي : من السهر يمكن والتعب

نواف : كل هذا من السهر بس .. بديت اشك

عبدالله : يمكن الحب ... كل شي واضح واللي تخفيه عيونك تفضحه

هادي :صح عبدالله متى رجعت من الرياض

عبدالله : اللي ماخذ عقلك .. انا رجعت قبل امس

هادي : ماحد قال لي

علي : وش فيكم على ولد خالي

نواف : صحيح وش فيكم على هادي

عبدالله :نواف يعني مو كأنه انت اللي بديت

نوواف :هههههههه اسكت لاتفضحنا المهم انا بكره مسافر ماتبوني اجيب لكم شي

هادي : مانبي الاسلامتك مع اني المفروض اتشرط عليك وبعدين انا توني بدخل ليش طلعتوا

نواف : بنت عمي تبي تسلم على خالها طلعنا قبل ماتدخل

هادي انقهر .. صحيح ماتستحي الحين فهمت ليش هنادي جالسه معاي بس زين سوت

لما نادتني الحمدلله : الحين طلعت ولا بعد

نواف : علي روح شوف اختك اذا طلعت قول لنا

علي حاس بالاحراج من حركة اخته واكيد مابيعديها لها : اوكي انت تامر ياولد العم

نواف :تسلم حبيبي

وراح علي



حنين : ها وش سويتي بشري

هنادي : وانا جايه شفتهم كلهم طلعوا وجلسوا معاي

زهره : حتى ابوي وعمي ؟

هنادي : لابس الشباب .. الشياب داخل

زهره وحنين وغدير ههههههههههههههههههههههههههههههههههه

غدير : الحين عمك وابوك شياب يامجنونه

هنادي: من صغرهم كل واحد عمره فوق الخمسين

غدير : حرام عليك مو لهدرجه .. من شوي بس قلت لك اكبر مني سويتي لي فضيحه

هنادي : لايختلف انا بعدني صغيرونه

زهره : صحيح ماقلتي لي وش اللي خلى عقلك يوقف

هنادي : بقول بس ماتقولوا لأحد

حنين : قولي

هنادي : اوعدوني اول

زهره وحنين وغدير : وعد مانقول لأحد

هنادي : وانا داخله من شوي امي تناديني كنت امشي عيوني في الارض لما رفعت راسي

لقيت علي ولد عمتي واقف يناظرني ومو عارف وش يسوي وانا دخلت بسرعه وارتبكت شكله طاح في حبي

زهره : هههههههه حكمت على الولد طاح في حبها

هنادي : هههههههه

حنين : ليش ماقلتي لي يادبه ؟

هنادي : ليش اقول لك

حنين : يمكن اخوي معجب فيك ويمكن لا يبي ينتقم اعرف اخوي مايحب البنات خخخخ

هنادي : حنينوه ان قلتي شي لأخوك بذبحك

زهره : اول مره اشوفك خايفه شكلك عشقتيه

هنادي : مو مهم انا المهم هو يعشقني

غدير : تقولي كان واقف مو عارف وش يسوي يعني عشقك و اراهن الحين يفكر فيك

حينين : الله يعين اخوي عليك اجل اذا صحيح

هنادي : يحمد ربه شاف قمر مثلي بعد

حنين : قرعه وتتشيرط

غدير : لاحرام هنادي حلووه

حنين ماقلت شي بس لسانها طويل خخخخ

زهره ياحظ اللي بياخذ هنادي

هنادي : احم احم شكرا ياحبيباتي

حنين: تعرفوا عبدالله صديق اخوي

هنادي : اي هذا اللي يدرس بالرياض ؟

حنين: ايه ماغيره

زهره : وش فيه

حينين :ايمووووووت من اشوفه قلبي يطلع من مكانه مااقدر اشيل عيوني عنه

غدير : اووه كلكم تحبوا .. وانتي زهره معجبه في مين

فانته وش اخبارك؟؟؟


قصه رائعه

كملي حياتو تحمست