~®§§][][ الجزء العاشر][][§§®~
هنادي : بتكلم بس ارجوك لاتعصب ولاتفكرني بقولك هالكلام لقافه مني بس مااقدر اشوفكم
بهالحال واسكت
هادي : وش تقصدي ؟؟
هنادي : هادي انت فاهم قصدي ليش كلما تجي عيونها بعيونك تصد عنك
وانت تنكسر وكأنه ودك تقول لها كلام عجزت تقوله وليش يتجمع في عيونها دموع تقاومها
وتخفيها مع ان وجهها كتاب مفتوح مهماحاولت تخفيه يبان
زهره موزهره اللي تعرفهاوانت مو انت
هادي ساكت ويسمع كلام اخته ويفكر
اخيرا تكلم
هادي بـ حزن : ليش ياهنادي تفتحي علينا جروح مو كفايه الهم اللي
اعيشه .. احسها تغيرت وماتبيني والسبب انسانه ماعندها احساس ليتني ماكنت
موجود يومها
هنادي:مستعده اوقف معاك بس ابي الحقيقه وبـ امانه
هادي ماينفع زهره عنيده ومابتصدق
هنادي : ليش اليأس.. اسمح لي انت ماتعرف زهره على هالكلام
هادي : انا حاولت اكملها الف مره ولاعطتني فرصه كل اللي القاه
منها الصد وقلبي يتحطم اكثر
هنادي : طيب انت قول لي وخلي الباقي علي
هادي : بقولك بس مابي احد يعرف لا من اهلي ولا اهلها
هنادي : اوعدك بس زهره اللي تعرف
هادي : هي قالت لك متى صار هالشي .. هذاك اليوم
كنت جاي من بره لقيت ساره جالسه ونادتني رحت لها وانا قصدي اشوف وش تبي
وليتني مارحت وكان عندها كتاب وقالت لي اعلمها قلت لها ماقدر
قالت لي عندي سؤال صغير بس
وعطتني الكتاب وتقربت مني بدون مااحس فجأه ضمتني وانا انقهرت من حركتها
توني بعطيها كف انتبتهت لزهره توها طالعه رحت لكن كانت اسرع مني حسيت ان السالفه
بتتعقد وحطيت لنفسي امال اني اقدر اواجهها بالحقيقه وأوضح لها موقفي لكن للأسف زهره
تزيدني يأس مره بعد مره انا الحين مو فاقد الامل لكن انتظر فرصه وهذا اللي تبي تعرفيه ياهنادي قلته لك
اتمنى انتي بعد ماتصيري ضدي
هنادي : انا كنت متوقعه انها خطه من ساروووه
هادي : ماعلينا منها انا مافي قلبي غير زهره ومثل ماقلت لك ماابي احد يعرف
هنادي: ولا يهمك سرك في بير يااخوي
هادي : انا بروح الحين تامريني بشي
هنادي : سلامتك
نزلش هشادي وكانت في وجهه زهره ماانتبه لها وهي نفس الشي
وصدم فيها انحرجت زهره وقلبها يدق بقوه .. نفس الشعور عند هادي خدودها صارت ورديه من الخجل
ماقدر يقاوم احساسه وابتسم شافت غمازاته زاد خجلها ودقات قلبها
اثنينهم في نفس الوقت : سوووري
ضحك هادي في نفسه وابتعد عنها شوي ( فديتها تجننش ويلوموني لاتعذبت عشانك تستاهلي يااجمل صغيره )
زهراء في داخلها ( بمووووت من حبك ويلوموني بغيرتي عليك )
حسن واقف يناظرهم ..
هادي انتبه له وحمله : هلا حسووني وين رحت
زهراء : حسن
هادي : خليه عندي مابكله
زهره انحرجت : بس ايدك
هادي : مافيها شي ايدي
زهره: براحتك (لازم يعاندني يعني) وراحت لهنادي
هادي : حسون قول لي وش اسوي عشان تحس
حسن : مادلي ( مادري )
هادي : طيب انا احبك شمو مهم تحس
حسن مو فاهم كلام هادي واقف يناظره بـ استغراب
هادي شافه كذا وضحك عليه
ام هادي : وش فيك تضحك بسم الله عليك
هادي : آه يمه من زمان ماضحكت من قلب ( كان يضحك لأنه تذكر موقف لما كانت زهره صغيره ويقول في نفسه نفس النظره )
ام هادي : عساه دوم اشوفك تضحك ومرتاح
ابتسم هادي : ان شاء الله يايمه ... حسون شتطلع معاي
حسن : ايه
ام هادي : وين بتروح هالوقت
هادي : يمه تو الناس .. بروح اتمشى واغير جو
ام هادي : انتبه لنفسك
هادي : من عيوني يالله مع السلامه واخذ معاه حسن
ام هادي : الله يحفظكم ويسلمكم
هنادي : زهره ليش انتي قاسشيه مع اخوي
زهره : انا ؟
هنادي : ايه في غيرك ؟
زهره تدري ان هنادي تحب تسوي مقالب فيها
زهره : يالله باي بروح عنك احسن الظاهر متفقه مع اخوك علي اليوم
وطلعت زهره وراحت غرفتها تسوي نفسها زعلانه وقفلت عليها الباب
هنادي راحت لزهره لقت الباب مقفل : زهوووره امزح معاك لاتزعلي مني
زهره ساكته وتضحك على بنت عمها تعرف ان بنت عمها ماتحب تشوفها زعلانه
هنادي : زهره افتحي الباب بقولك شي ضروري
زهره : ماابي خليني
هنادي : الشره على اللي علمك على الدلع
زهره : ماحد علمني ولا بفتحه
هنادي : الا علمك وعلمك ع العموم بعدين بجي مابيأس لين تفتحي الباب
هنادي راحت لغرفتها : ياربي من هالدلع كله من هااااادي انا الحين بدق عليه بشوف وينه يمكن يساعدني
هنادي : الووو
هادي : هلا
هنادي : وين انت
هادي : مع الشباب وحسن وياي امري اختي ؟
هنادي : زهره قاهرتني
هادي : ليش ؟
هنادي : وتسألني ليش مو انت اللي علمتها الدل الحين وش يراضيها ش
هادي ضحك : وش زعلها
هنادي: كنت امزح وياها وزعلت راحت غرفتها وقفلت الباب مو راضيه تفتحه
هادي : وش قلتي لها انتي ؟
هنادي : بس قلت لها ليش انتي قاسيه مع اخوي ؟
هادي : ليه قلتي لها كذا ؟
هنادي : اقولك امزح وياها وهي دلووعه
هادي : طيب وش قالت لك
قالت باي بروح عنك الظاهر متفقه مع اخوك علي
هادي : هههههههههههه
هنادي : ليش تضحك
هادي : لابس عجبتني ردة فعلها وزين سويتي فيها
هنادي : حرام عليك انا اقول لها هي قاسيه صرت انت القاسي
هادي : ماعليك منها تتغلى وانا احب اعاندها شوي مثل ماتعاندني
المهم بعدين بجي يالله باي
هنادي : طيب باي
خطرت على بالها فكره .. دقت على صديقتهم عشان تعزمها على عشى في مطعم
وقالت لها تكلم زهره وتقنعها انها تروح معاهم
منال دقت على زهره
منال : هلا زهره يابعد عمري انتي
زهره : هلا فيك منوله كيفك وين مختفيه غريبه داقه
منال : الحمدلله بخير دامك بخير تعرفي اشغال الدنيا والخطيب
زهره : اها الله يهنيك ويسعدك يارب
منال : شرايك في وحده عازمتنا على عشى
زهره :من ؟
منال : وحده مابقول اسمها خليها مفاجأه
سكتت زهره شوي تفكر اكيد هنادي اعرف حركاتها : لا مااقدر مره ثانيه ان شاء الله
منال : ليش حبيبتي وش وراك اذا تبي اكلم زوجة عمك اكلمها بس تكفي وافقي
مشتاقه لك مره
زهره : اكيد هنادي اللي قالت لك
منال تفاجأت : طيب حتى لو هي وافقي خلنا نشوف بعض
زهره : خبله اصلا هنادي من شوي متعشين شكلها نشت هالشي وعارفه حركاتها
منال :هههههههههه الله يهديها ماتعرف تسوي خطط صح متى بنشوفك
زهره : تعالي بيت عمي واجلسي معانا شوي
منال : صار بكره عندكم وانا بعد متعشيه بس عشانكم قلت اساعد هنادي
زهره : لاتخافي .. انا موزعلانه بس اتدلع شوي واروح لها بس انتي دقي عليها وقولي لها
اللي صار لكن قولي لها اني مابكلمها لو تترجاني اوكي
منال : حرام مسكينه
زهره : خلها عادي هنادي ماتزعل
منال : ياحظكم الحين اخليك وبدق عليها
زهره : اوكي باي
منال : بايات
منال كلمت هنادي وقالت لها هنادي مسكينه حالتها حاله مو عارفه كيف تتصرف
نزلت تحت وشغلت التلفزيون رجع هادي مع ولد عمه شاف اخته
هادي : وش فيك ؟
هنادي : ماعرفت اراضيها العنيده
هادي ابتسم : رحتي لها مره ثانيه ؟
هنادي : لا
وقالت له عن الخطه واللي صار بنت عمك ذكيه ماحد يقدر عليها
هادي: عادي أنا اعرفها تزعل شوي وترضى
هنادي : كأنك واثق
هادي : على كيفك المهم انا بروح انا م تعبان وخلي صغيرتي تعذب فيك
هنادي : للحين تسميها صغيرتي
هادي : شوفي حركاتها واحكمي بعدين لو تكبر مليون سنه بتظل الصغيره الدلوعه بالنسبه لي
هنادي : دلعها بعد اكثر واحنا نتحمل
هادي : ماعليكم انا اتحمل بس انتي لاتشيلي هم زهره تحبك ولا لها احد تشكي له غيرك الحين
مستحيل تتخلى عنك
هنادي : زهره اذا عاندت ماتعرف احد
هادي ضحك : طيب تصحبحي على خير وراح غرفته وخله حسن يروح لأخته
حسن طق الباب
زهره : حسن ؟
حسن : اي
فتحته وقفلت الباب : هلا بعمري حسووني وين رحت حبيبي
حسن : هادي وداني لأدقائه ( اصدقائه) ولعبت معاهم
زهره : طيب حسوني هنادي تحت؟
حسن : ايه
زهره خلت اخوها ينام وراحت لبنت عمها
نزلت بهدوء
هنادي كانت مندمجه مع الفلم
زهره غمضت عيون بنت عمها بـ ايدينها
| التوقيع | | استغفر الله العظيم
لاحول ولاقوة الابالله
اللـه يرحمك يايمه |
التعديل الأخير تم بواسطة فاتنة القمر ; 12-16-2007 الساعة 11:17 PM. |
