يسلموو ياقمووره ع المرور مرورك الاروع غلاتوو
اهم شي انه عجبك ^_^

§§][][ الجزء الرابع عشر][][§§







زهراء: ياربي من هذا اللي يدق علي هالوقت الظاهر مابعرف انام خلني احطه ع الصامت احسن لي

وان شاءالله تعدي هالليلتين على خير

واستمر الحال لليله الثانيه طبعا ليلة الاربعاء اخر ليله يستعدوا فيها فما كانت فاضيه خلت

جوالها في الغرفه ونزلت

كانت ام هادي جالسه مع هنادي

زهراء ( الحمدلله مو موجود ) جسلت معاهم

هنادي: هلا بالقمر

زهراء : هلا فيك .. اليوم رايقه

هنادي : ع الآخر .. الا اقولك للحين مو مقتنعه بالفستان

زهراء: والله هنادي تعرفي اني استحي احس ماودي البسه

ام هادي : زهراء جيبيه بشوفه

زهراء : طيب دقايق بس ,,, وراحت جابته شافته ام هادي

ام هادي: مو قصير مره

زهراء : يعني عادي البسه ؟

ام هادي: غيرك يلبسو اقصر منه وماقالوا شي

زهراء : اقتنعت شوووي

وجلسو يسولفوا وانتهى اليوم علىخير بس لما رجعت زهراء للجوال لقت المكالمات اكثر من قبل

تضايق شافت رساله ماقرأتها .. نامت بدون ماتعطيه اهتمام ..

في الصباح الكل جالس .. وهي خلصت ونزلت

زهراء : السلام عليكم

الكل : وعليكم السلام

جلست واخلاقها واصله

ام هادي : زهرا قومي افطري

زهراء : لاعمتي مابي شي مالي نفس

ابو هادي: ليش مالك نفس ؟

زهراء : عمي لاني توي صاحيه

ابو هادي : على كيفك بس تتغدي بعدين

زهراء : ان شاءالله عمي .... هنادي متى صحيتي

هنادي: من قبل ساعتين

زهراء : احلفي ؟

هنادي: امزح قبل ماانتي تنزلي بربع ساعه بس

زهراء : آها

نزل حسن وتوه صاحي من النوم وجلس جنب اخته

زهراء : حسوني روح افطر

حسن راح جنب عمه وام هادي

هادي نزل من فوق سلم عليهم وطلع

ابو حسن : اجل اليوم بترقصوا ؟

هنادي : انا اكيد برقص

زهراء : انا مادري

ابو حسن : لاتستحي من احد ارقصي وانا عمك مو تصير هنادي احسن منك

هنادي: غصبن عنها بترقص

زهراء : ههههه انتي كل شي عندك غصبن عني

وبعد الغدا كانو مشغولين جات لهم الكوافيره تعدلهم .. في غرفة هنادي

حسن طلع مع عمه

زهراء خلصت اول وحده قبل هنادي وام هادي

هنادي : زهرا تجنني مره

ام هادي : ماشاءا لله عيلها زهرا بدون مكياج حلوه والمكياج يبين جمالها اكثر

هنادي: زهرا دام خلصتي روحي جيبي لي عصير عطشانه

زهرا: اطلع كذا؟

هنادي: مافي احد اكيد هادي طلع بيجلس مع من يعني ؟

زهرا : وش دراك انه طلع

هنادي :هو قال انه بيطلع واذا خلصنا ندق عليه يجينا

زهراء : لابلبس عباتي .. زهرا لبست العبايه لكن خلتها مفتوحه لأن على كلام هنادي اخوها موموجود

زهرا (مافي صوت يعني مافي احد مثل ماقالت هنادي الحمدلله ) وراحت تمشي بحريه في البيت بدون

ماتعمل حساب انه فيه احد ولاتدري وش ينتظرها .. دخلت المطبخ وفتحت الثلاجه فجأه سمت صوت احد جاي

لفت وراها .. وهي من منصدمه حست الدنيا تدرو فيها . . من متى هو موجود ماكان فيه احد

وهو وقف لحظات لحظه يتأمل وجهها ولحظه يراقب حركاتها لكن اي حركه وهي واقفه مكانها

بدون ماتحرك ساكن .. توها بتمشي مسكها من ايدها وبقوه خلاها تندم على انها طلعت من الغرفه

هادي وهو عاض على اسنانه : زهرا وش هاللبس

زهراء بخوف: مو انا ...

هادي قاطعها بعصبيه : وش بتقولي ,,, موانتي اللي لبستيه .. مايهمني وش بتقولي المهم عندي انك

تعرفي ان هذا اللي عليك الحين بيسبب لك مشاكل ترضي احد من اللي في العرس يتكلم عنك ولاتجي

وحده ماعندها ضمير وتصورك بعدها عضي اصابع الندم

امه كانت نازله وسمعت الصوت وجات

زهراء للحين واقفه مكانها ماتحركت وعيونها في الارض شافت ام هادي راحت وقفت وراها كأنها تبي تحتمي فيها

ام هادي : هادي وش صاير وش في زهرا

هادي : مافيها شي بس اللي لابسته مو عاجبني

ام هادي : مافيه شي كل البنات يلبسوا مثله واعظم منه ماحد قال لهم شي

هادي بنفاذ صبر : يمه انا مايهموني بنات الناس هم عندهم اهل والحين زهرا غصبن عنها

كانت راضيه ولا مو راضيه بتجي معاي

ام هادي: ياولدي اتعوذ من ابليس وكف الشيطان عنك

هادي : يمه انا قلت اللي عندي ومابغير كلامي

ام هادي: زهرا لاتخافي

هادي : يالله البسي عباتك زي الناس وتعالي بسرعه

زهراء راحت وهي ترتجف اخذت جوالها ولبست عباتها ورجعت وقفت مكانها

ام هادي ماتحركت من مكانها : والله مادري وش اقول لك ياهادي بس في ذمتك زهرا وانت تعرف انها

يتميه مايحتاج اذكرك

هادي: يمه انا اعرف اللي اسوي ومشى .. زهرا ماتحركت

هادي بصوت عالي : يالله تعالي

ام هادي وهي تهديها : روحي زهرا لاتخافي لايسوي لك مشاكل مع عمك وانتبهي لنفسك

زهرا راحت ودموعها تسبقها ركبت السياره

هادي : انا الحين بوديك تاخذي لك غيره لو وش يكون اهم شي تغيري اللي عليك

زهرا ساكته

هادي : وين جوالك

زهرا بصوت خافت : عندي

هادي : اعطيني اياه لحظه

زهرا مدت له الجوال وايدها ترتجف :اخذه (الله يستر ناقصه بعد مشاكل )

شاف المكالمات

هادي :ممكن تقولي لي وش هذي المكالمات اللي تجيك

زهرا: مااعرفه

هادي بعصبيه :دامك ماتعرفيه ليش ماتتكلمي ولاماعندك اهل .. الظاهر معتبرتني ولا شي

اعتبريني مثل اخوك ع الاقل

زهراء بصوت مخنوق: اخوي؟!

هادي : ايه اخوك

سكتت زهرا(وش بقى لي في الدنيا حتى انت ياهادي تعذبني ليتني اقدري اكذب على قلبي

واقول اني اكرهك ليتني ماحبيتك وليت الزمن يرجع واموت لحظة وفاة امي .... ماحست بشي

الدنيا في عيونها ظلام انتبهت ان السياره وقفت بس في وين ماتدري كانت تمسح المكياج

اللي في عيونها

هادي يناظرها انتبهت له وغطت عيونها

هادي شال عيونه عندها : لهدرجه كنت قاسي معاك

زهرا ساكته وفي داخلها( وانت خليت من القسوه شي ؟)

هادي بهدوء : آسف كنت معصب بس يحق لي .. يالله الحين قومي

زهراء : وين؟

هادي: نسيتي انا قايل لك بخذ لك غيره

زهراء تذكرت ونزلت بدون ماتتكلم ونزل بعدها ومشى معاها

جا بيسمك ايدها وهي سحبتها

هادي : زهرا مابعضك

زهرا ماتكلمت

هادي مسك ايدها واستسلمت: للحين خايفه مني

زهراء :لاانامااخاف

هادي فيه ضحكه بس كتمها : ايدك ترتجف كيف موخايفه ؟

زهراء : يمكن من البرد

هادي: علينا .. بعدين الحين صيف

زهرا ماعرفت ترد عليه ودخلو من محل لين محل

هادي : لهدرجه ذوقك صعب الحين ماشفتي شي عجبك ابد

زهراء تبي تقهره :مافي من ذوقي هنا

هادي:طيب انا بختار لك وراح يدور معاها وشاف فستان اسود طويل فيه كرستال ونعوم

هادي: شرايك بهذا

زهراء : حلو مره

هادي : جربيه و اذا صار زين عليك قولي وراحت تجربه طلع حلووو عليها واخذه لها ومشوا

طول الطريق وهم ساكتين

هادي مر عليه موقف صار مع بنت عمه لما كانت صغيره وهذا اللي خلاه يضحك في داخله "كان معاها

في الملاهي :زهرا تدخلي معاي بيت الاشباح

قالت له زهراء : لا .. هادي : صغيرتي تخاف .. زهراء : انا مااخاف ؟؟ هادي اجل تعالي معاي

وراحت معاه بس عشان توريه انها ماتخاف

ودخلت بس شافت الظلام تعلقت في ولد عمها وهي تصرخ ..

هادي : دلوعتي لاتخافي كلم العاب,,

زهراء :مااخاف .. هادي اجل ليش تصرخي ..

زهراء وهي تبكي : لاتروح بعيد عني .. هادي حملها ومشى فيها وهي طول اللعبه مغمضهعيونها ولما

طلع قال لها خلاص افتحي عيونك زهوره خلصت اللعبه

فتحت عيونها شافت قدمها عجوز صرخت ..هادي ضمها وهو يضحك : هذا جرانا فاتحي عيونك شوفيه

مايخوف زهراء فتحت عيونها وضحكت .وضحك معاها "

زهراء : هادي وش اللي خلاك تقول لي انك تبي تشوف جوالي .. اكيدتعرف عن الرقم اللي يجيني ؟

هادي انتبه لها وهومبتسم : بعدين اقولك وانتي ليش ماقلتي لي

زهراء : كنت بقول لهنادي تقول لك بس قلت خلها بعد العرس

هادي: طيب مره ثانيه تقولي لي اول بـ اول

في بيتهم ام هادي كانت خايفه وتنتظرهم على نار .. وقالت لهنادي لاتطلع الا بعبايتها وتلبس اي فستان

وتاخذ فستانها اللي تبي تلبسه وتلبسه هناك

وصل هادي مع زهراء

زهراء نزلت بسرعه وراحت غسلت وجهها لاتشوفها ام هادي بهالحاله بعدها دخلت وراحت تطمن

ام هادي

وقالت لها ان هادي كان يبيها تاخذ غيره صحيح انه كان معصب بعدين هدأت اعصابه

وسكت عنها

ام هادي : الحمدلله اهم شي انه هدأ.... وينه هو الحين ؟

زهراء :مادري نزلت قبله



اتمنى يعجبكم
انتظروا الأجزاء الجايه

بااااااااااااااااارت روعه يسلمو بس لا تطولين علينا بالبارت الجاي ^_^

والله قصة روووووووعه

يسلمووووو اختي فاتنة

مع تحيات
عندي امل فيك