أثناء دراستي الجامعيه كنت مثل باقي الطلاب معتمد على المكافأه الشهريه البسيطه وكنت عزابي في شقه بالرياض

والمكافأه متأخره 4 شهور وكنت أمشي حالي بصامولي وجبن سايل والحاله مره زفت والأمور ماشيه بالبركه
في احد الأيام العصيبه ماديا علي

يطق باب شقتي بعد صلاة المغرب احد الأصدقاء جاي من الجوف عشان يقدم على وظيفه ومنها يسلم علي

لزمت عليه على العشاء فاوافق

بصراحه تمنيت أنه مايوافق لأني شيكت على محفظتي مافيها غير 13 ريال بس

قعدت احوس وأدوس اتصل على بعض اخوياي في الجامعه عشان اتسلف منهم شي وأعشي الرجال بس مافي فايده

كلهم مثلي أو أردى

وعقب تفكير طويل طرخت براسي فكره بس فيها بجاحه لكن وش اسوي وش يقولون عني العربان بعدين جاه ضيف

وعشاه صامولي وجبن لا والله يامشاري ماهي من عوايدك :020104_emm7_prv:

لبست ثوبي وكشخت وتعطرت وقلت لخويي اركب عازمك على عرس ولد عمي

قال صعبه واذا بتروح لحالك أنتظرك بالشقه

قلت علي الطلاق ان تجي معي

وبالأخير وافق انه يجي معي

وحنا بالسياره كان يسولف علي وأنا بالي مو معه

عيوني تحوس يمين ويسار ادور على اي قصر افراح فيه زواج:30:

وأنا اشوف ذاك القصر وأوقف السياره وننزل

دخلت القصر انا وياه بس الظاهر أن الحظ مدوبر معي غالبية اللي بالقصر من اصحاب البشره السمراء الغامقه

قلت يانايف الظاهر ضيعت القصر خلني بكلم عيال عمي يوصفون لي القصر

سويت نفسي اكلم وأنا بالسياره وكأنه احد يوصف لي

بالأخير وأشوف قصر افراح قلت خلاص دليت

وقفت ونزلنا وقلبي يدق بسرعه وكنت خايف يحس بشي

دخلنا القصر وعيونكم ماتشوف غير التبويس مسوي أني أعرفهم

وكل ماشفت احد قلت

هــــــــــــــــــلا هـــــــــــــــلا مسوي فيها اني اعرفه وابوووسه حتي وصلت عند المعرس وسلمت عليه سلام حار

ماأتوقع احد من اهله سلم عليه مثل سلامي له

حتى القهوجيه كان لهم نصيب من السلام

ونايف يمشي وراي وتعب من السلام

حتى جلسنا بزاويه في القصر

المهم قلطو العشاء وقلطنا معهم وتربعنا عند صحن مفطح

وأنا اقول بنفسي اخ يامشاري الله يلعن الطفره اللي خلتني كذا

بس يوم ذقت المفطح والدسم قلت يارجال لازم نشارك اخوانا في الاسلام فرحتهم ونغير شوي من هالجبن اللي جاب لي الامساك

خلصنا من العشاء ورجعنا للشقه نكمل السهره وأنا مبسوط أنه ماكتشف كذبتي

ولكن
طحت بورطه جديده

قبل مايسري من عندي طلب مني سلف 300 ريال

محتاجها على شان يبي يسافر بكره لأهله ومامعه شي .

اه قلت لكم أذا دوبر الحظ دوبر

حكيت راسي وقلت له يانايف نم عندي وبكره ادبر لك المبلغ من احد الشباب اللي متسلفين مني ( ايه هين متسلفين معي اخاف انه العكس)

قال يامشاري مابي احرجك بس وش اسوي مالي الا الله ثم انت

يالله حلوها معي؟


قمت الصبح بدري يوم الخميس واتجهت ألى ديرتي الأصليه عشان اقابل ابوي في مزرعته

ساعتين رايح وساعتين راجع مسافة الطريق

طلبت من ابوي فلوس وماقصر معي عطاني

ويوم رجعت للشقه ادور نايف عشان أعطيه المقسوم ماحصلته ولقيته حاط لي ورقه فوق التلفزيون ويعتذر لي أنه سافر

مع احد التكاسي وأنه يبي يحاسبه اذا وصل لديرته

جاني أحباط
طيب من الأول فكر كذا يانايف

وتروح الأيام والشهور وبالصدفه أقابل احد اخوياي اللي يعرفون نايف وسالفه تجر سالفه

ويقول لي أنه هو ونايف راحو للبحرين من فتره

قلت له متى؟
قال قبل كم شهر جاء للرياض عشان يقدم على وظيفه وكنا متفقين من الأول
هـــــــــــــــــــــــــــــــــــــــــــــــــ ــــــاه

لعنة الله على الظالم

اروح اذبحه

يعني جاء عندي وخلاني أنا ياولد الحمايل أقط وجهي على ناس ماعرفهم عشان اتجمل به وأخلي قلبي يكتوي

بالفشيله طول عمري

لكن لو يجيني 100 ضيف بعد ذاك اليوم مالهم غير الصامولي والجبن :050104_emm9_prv:

تقبلو تحياتي

حلوووووووووووووه السالفه يا مشاااااري
لاتحلرمنا من مواقفك الحلوووووووه

ههههههههههههههههههههههههههههههههههههههههههههه

وربي موقف محرج


بس خلاص الدنيا مافيها امان كل شي تغير



قطيت وجهك على الغير عشان واحد
وفي نهاية الفلم طلع كذاب

ولا يستاهل وربي


يسلمووووووو

ههههههههههههههههههههههههه
بصراحه موقف

ههههههههههههههههههههههههههههههههههههههههههاااااااا ااااااااااااااااااااي

مسكين يامشاري

ههههههههههههههههههههههههههههههههههههههههههههه هههه
شكرا

مشكوووووووووووووووووووووووووووووووور