واحد خايب ..حظه تعيس
سافر تقسيط لباريس
كذب على ام العيال
رايح ادور عمال
جمع الورث
حصاد الحرث
وقبل مايسافر ياساده
سجل في نادي كالعاده
يسوي برنامج تخسيس
.........
قام يدور شنطه تكفي
كل هدومه قبل يصفي
عشره فنااايل علاقي
وشورت وشراب ماقيس
قالت ام عياله تكفى
خذ لك لبس شوي يدفي
قال في باله يامسكينه
والله قدامي الي يدفي
قام يودعها وقالت
خذ بالك يانور عيوني
وتعوذ دوم من ابليس
قال في باله يامسيكينه
وانا من عازمني غيره
ناطرني ابليس في باااريس
سافر صاحبنا بطياره
واسبوع وانقطعت اخباره
محد يدري وين دياره
وام عياله باصعب حاله
تحب وتعد وتقيس
وفي ليله دق التلفون
جا صوته مبحوح ورخي
لاله طعم ولاله لون
يتكلم من غير حروف
عنده حرف الرا محذوف
قالت ام عياله وش بك
صوتك خافت كنه حسي
قال انتبهي ضنك يشطح
بس كنت احكي شوي فرنسي
قالت عفيه ياكحيلان
وش اخبارك يابو فلان
قال حصاان
شفت الي ماشافه انسان
شفت الربع
سبع وضبع
وفي العصر شيوخ تتشامخ
وفي الليل احلى طقة اصبع
...........
وفي الشانزليزيه نصف الليل
يافلانه شفت ام محمد
وش تسوووي؟؟
تتهجد!!
وش هو ذا الشانزليزيه ؟؟
هذا شارع رايح جاي
اول هالشارع قهوه
فيها كل شياب الربع
كل واحد يشرب من نيع
واحد راجع غصب للهوه
واحد يقرا القدس
معارض يشتم كل امه
ومتهوه
وشايب لاهذا ولاهذا
لاعقل ولا قلب ولا شهوه
ام عياله جابت راسه
غصب يوديها لباريس
يمكن تلقى للبنت عريس
.........
والبنات
اااااااااه يالبنات
ابو فلان وش فيك
يام عيالي صاير شي
صاير لبس الناس شووي
وعينك ماتقدر تمنها
ومن ضيق هدوم البنات
تحلف ان الملبوسات
للاخت الي اصغر منها
من كثر المكياج الخادع
شفت بعيني شي ماشفته
شفت فلان يغازل اخته
.......
وانت وش تسوي يايمناي
انا مع هالناس خطاي
يوم يتحقق لي مناي
ويوم ما القى حد حداي
لالكن من حبي لهشارع
دايم ودي اني اثنين
واحد رايح واحد جاي
.........
وعيال الديره اسم الله
ايييييييه
كل واحد جهز له حكايه
كذبه على البنت المسكينه
ضحكه وقصيده وسكينه
بجيب مشط وبجيب مرااياه
يمشي وراه الحمايه
مو حبيب امه مهم
وااحد يسوى امم
لازم نامن عليه
يمشي من خلفه العبيد
ويمشي قدامه علم
........
وشفت يام فلان ذاك الشاعر
اللي يشتري بالمال شعره للتسلي
ويشتري حتى المشاعر
من اهل بيع المشاعر
الي كل شعره جديد
والصحافه له عبيد
واللي احساسه نشييييد
تعرفينه الي حتى مايعرف يلقي القصيد
ايييييييييه عرفته تقصد طلال الرشيد
لاااااااااااا
ادري ادري
كنت احسبك ياحبيبي شخص ثاقب
انت مو بكره بتجي ؟؟
تبغى كم مره تتعاقب؟
انت ماتعرف ياغالي
انه تلفونك مراااااقب
منقول
المواضيع المتشابهه 
قصيده للاذكياء فقط اقروها من الاول الين الاخير قصيده طلال الرشيد (باريس) الاخيررره 
العرض العادي
