وين انت غايب يالغظي خاطري ضاق
قلبي على لاماك يبست عروقه
ماغير انا والشعر واقلام واوراق
اتعبت شعري واتعبتني طروقه
واليا كتبت الحرف لكل خاطري تاق
وهل المولع من محاجره موقه
عليك ياللي لاجلك القلب خفاق
مزن العيون يهل صافي صدوقه
تعال مادامه انا وانت عشاق
لاتحرم العاشق وصال امعشوقه
تعال يكفيني الم بعد وفراق
تعال يكفي عاشقك ما مايذوقه
تعال باضمك على صدر مشتاق
يمكن تحس بنار حبه وشوقه
ودي تعرف اللي لك بجوف الاعمااق
طوقت قلبي طوق واحكمت طوقه
لا طاب لي نومي ولاخاطري راق
ولاارويت قلبٍ ضاميات عذوقه
يافاتنه ياجامعه زين واخلاق
ياملهمة رحال ياكل ذوقه
انا اشهد انا البعد بالحيل حراق
هذا شهر وشوي كبدي محروقه



بقلم رحال