لجنة مسابقة شاعر المليون مااجازت الشاعر عيد سمير المزيني وهوشاعر غني عن
التعريف قال له بدرصفوق هذاالبيت مكسور فرد عليه قائلا ان اثبت انه مكسور فلك
100الف ريال هذا الشاعر يتفوق على الشعراء المشاركين فاللجنة
قال عنه بن جدلان
وعيد المزيني في كلامه بعض الاحيان
لو اني مااعرفه قلت يحكي على فمه
من قصائده
راكب اللي تقل يعطيـك ابتسامـه
لانطحـك مـع البلـد والجندليـه
جيب شاصي حوض تايوتا العلامه
مثل حرف الهاء تلـوح بمقدميـه
مثل لون الذيب واليا اسهم اسهامه
ماتشوفه لين تسمع لـه وحيـه
السبيـر بغاربـه تقـول شامـه
وارد ألفين وثلاثـه مـاش زيـه
دفتـره مافيـه لبـاس العمامـه
فوقه النخلـة وسيفيـن محنيـه
وقبل يعتمـده وكيلـه لإستلامـه
وقعـه نايـف وزيـر الداخليـه
شغله ياسايقـه واربـط حزامـه
ووأزن مراتـه وفلـل تانكـيـه
ولاانتهض صدره وصكيت الاجامه
الرياض من القصيم تقـول ميـه
ولا دخلت بعاصمة نجـد اليمامـه
وشفت برج المملكـه والفيصليـه
انحر الربوة وعلمك فـي زمامـه
عانها شرقاٍ جنوب مـن العليـه
واقلـط بقصـرِاٍ لبيبانـه ردامـه
يشبـهـن دروازة ٍ بالناصـريـه
المعونه يابو ناصـر والسلامـه
يا جناب الشهـم والـراح النديـه
ياخو مانع ما علي فيهـا ملامـه
وأنت ياحثـلان راعـى الاولويـه
المصلـي مايسلـم قبـل امامـه
وانت معطيني وعد والشيء نيـه
يالسبيعي عيدنا شوفـك تمامـه
بين عيد الفطر واعيـاد الضحيـه
الفخر بالطيب والعيـب الرخامـه
دام لي روح ٍ مع الحييـن حيـه
كان ماجيـت لمحلـي للكرامـه
(شفة الفنجـال) حارمـة ٍ عليـه
وهذه قصيده من قصائده
غلاك بالقلب انطبـع وانتهـى امـره
وذكراك معي اسرع من رسالة الفكس
حبك من احلا نومـي اقـوم لامـره
ورؤياك اترجمها لغة شفـرة تلكـس
حبك تزود اضعاف سكـرات خمـره
بالقلب ماتمحـاه صابونـة اللكـس
واسباب ما زاده ومـا شـب جمـره
وعن حب غيرك راكس مهجتي ركس
يوم شجرتـك نخلـه وانـت تمـره
كل الغـذا ينسـم والتمـر بالعكـس
حبك غذا روحـي وعمـري يعمـره
ماتكشفه شاشـات طايـرة الاوكـس
صبري عليك احر من جمـر سمـره
واخشى تصير اعلامنا بالهوى نكـس
شف هورشيما راح واسبـاب دمـره
مثر علـى عاقـد وروده كلوركـس
الشهم كلمـه مـن لسانـك تغمـره
والا الذميم اليا لـزق فيـك باتكـس
تـرى دنـي الخلـق للشـر زمـره
لو يلبس البسـام والثـوب تتركـس
الخود عطهن مـن شفايـاك حمـره
مبنى غلاك احدث تصاميم دبلوكـس
ان كان خلي طال عمـري وعمـره
كل العذارى غيره اضرب عليها اكس
م
ن
ق
و
ل
* فـــــــــهــــــــد *
هذا الشاعر ظلمته لجنة تحكيم شاعرالمليون 
العرض العادي
