القصة حدثت بعمارة بمنطقة سلوى بالكويت

كانت خلود جالسه قدام دريشتها وفي أيدها صورة حبيبها محمد و قاعدة تغني في اسم محمد .. وهي سرحانة تسمع صوت من دريشه لي شقه الي قدامها ..

جاسم : الله صوتج وايد حلو .. ويفتح الدريشه ولا يطالعها .
خلود : ويعه وأنت شكو .. تسمع على بنات خلق الله ..
جاسم : انا أسف انا كنت يم الدريشه أبي افتحها وسمعت صوتج
خلود : مو انا كنت متوقعه انا شقه الي قدمنا مافيها احد فاضيه
جاسم : أي لأنه تونا ساكنين اليوم ..
خلود : زين خلاص لا تطولها .. يالله سكر دريشتك ..
جاسم : و ليش تسكرين علي حياتي ..
خلود : شكو دريشه في حياتك ؟؟
جاسم : لأنه منها القى ما بقى من حياتي ..
خلود : اوووووه شكلك مينون .. انا آبي اسكر دريشتي وارتاح منك .. ( وتسكر الدريشه)
ويبقى جاسم عند دريشته يطالع لي سماء وهو سرحان .. وهم خلود تتابع جاسم من وراه ستار دريشتها وهو ما يدري عنها وتستغرب سرحان جاسم طويل لي سماء وهو جالس يكتب في دفتر كان ما يفارق أيده .. وبعد اربع ايام فتحت خلود الدريشه قصدت منه تهوية الغرفة وفي أيدها الثانية تليفونها النقال تكلم فيه محمد ..

خلود : محمد شفيك صار لك مده ما تكلمني شنو الي مغيرك علي
محمد : ( بدون نفس ) ما في شي ..
خلود : شنو ما فيه شي انا مزعلتك يا محمد ..
محمد : اوووه تراج اذيتيني وياج ما عندي غيرج يعني !!!
خلود : محمد أنت شنو قاعد تقول ؟؟
محمد : اقول خلود انا مشغول مع السلامة ..
خلود : بس محمد .. ( ويسكر التليفون ) ( ويفتح جاسم الدريشه وهو حاط على ظهره بطانية صوف وبايده المرتعشة ماسك دفتره ويطالع لي سماء ويكتب في دفتر وملامح ويها تبين عليه التعب ) و خلود ( ماسكه في أيدها التليفون وفي أيد ثاني حطتها على رأسها وتفكر (
جاسم : ( يطالع لي خلود وبصوت ضعيف ) صباح الخير ..
خلود : ( تطالعه ) نعم ..
جاسم : أسف على الإزعاج بس حسيت من المفروض علي أصبح على جارتنا ..
خلود : هذا انتم يا الشباب ما تشوفون بنت الا .. ويقاطعها صوت مسج من محمد وتفتحه بسرعه ( خلود خلاص انسيني انا لقيت غيرج مع السلامة ) وتنصدم خلود من محمد وتحاول تدق عليه ويقاطعها صوت مسج ثاني .. ( خلود تراني عطيت خطي حق ولد خالتي لا تحاولين تدقين علي ) ومن هول ما شافت يطيح التليفون من أيدها الى ارض العمارة ويتكسر .. وتنزل الدمعة من عين خلود وهي ساكتة ما تعرف شنو تسوي ؟؟؟
جاسم : عسى ما شر شنو السالفة ؟؟
خلود : ( بنظرات حقد ) انتم كلكم نفس بعض الله يأخذكم ويحرقكم مثل ما حرقتوا قلبي
جاسم : بس انا .. ( وتسكر دريشة غرفتها بقوه لي درجة انه تكسر زجاج الدريشه (

زاد تعب جاسم شوفت خلود جي .. وحس انه يضايقها وعزم انه ما يفتح دريشته لما يشوفها .. علشان ما يضايقها .. وتم على هذا مده مو قصيرة .. ومن ناحية ثانيه كانت خلود حزينة على إلي سواه محمد فيها وكانت تفكر وتراجع كلامه خافت انه في كلمه قالتها له وضايقته فيها .. بس ما لقت شي ما عمره طلب منها شي غير انه عطته بدون حدود ولا كانت تنطر منه كلمة شكر وكان هو بعد بخيل فيه لها ..

وبعد فتره حست بعدم خروج جاسم لي دريشته الي كان متعود عليها وكانت تنطره فتره على اقل تتأسف له على سوته علشانه .. بس ما شافته وصارت تنطره عن دريشه فترات طويله من النهار بس ما طلع ولا اقترب من دريشة ..

وفي يوم كانت مستعجله تبي تلحق على باص المدرسة فتحت دريشتها ولقته توه فاتح دريشته ولما شافها كان يبي يسكرها ..

خلود : لحظه لحظه ..
جاسم : يفتح الدريشه .. هلا ؟
خلود : شوف في كلام ودي أقوله لك بس انا مستعيله الحين أكلمك العصر اوكي الساعه 5 .. يالله مع السلامة لأنه باص المدرسة ينطرني تحت
جاسم : ان شاء الله اذا قدرت مع السلامة ..
خلود : لا تكفى حاول ..
جاسم : ان شاء الله ..

وتروح خلود لي مدرسه وتعد الساعات علشان تطلع ولما طلعت تمت في غرفتها تطالع الساعه لين الساعه 5 ولما يت ركضت لي دريشتها وفتحتها بس ما شافت جاسم عند الدريشه .. جلست قدام الدريشه تنطر وتمر الدقيقة وراى الدقيقة وتجري الساعه وراى الساعه وينزل ظلام الليل على سماء الكويت وتزيد ظلمة غرفة جاسم ظلمه لين يت الساعه 10 بليل وقالت خلود حق نفسها أكيد هو زعلان ولا منحرج مني ولا راح يجي أبي اسكر الدريشه وانطره بكره وتسكر دريشتها وتحس بنور من غرفة جاسم وترد وتوخر الستارة عن الدريشه وتشوف أم جاسم تفتح الدريشه ويدخل جاسم لي غرفته على كرسيه المتحرك ويقترب من الدريشه وتحط بطانيه صوف على كتف جاسم وترسم على جبهته قبله من شفات أمه وتطلع من الغرفة ويقترب جاسم لي دريشه وعينه الى سماء ويتمتم في كلامات وتنزل من عينه دمعه .. وتفتح خلود الدريشه

خلود : ( بصوت خفيف ) قوه
جاسم : ولا يحس فيها ..
خلود : ( تعلي في صوتها ) قوووه ..
جاسم : يلتفت لها ويمسح ما نزل من خده من دموع .. هلا أسف ما انتبهت عليج .. واعذريني لما تأخرت عليج بس ما كان في أيدي توني جاي ..
خلود : لالا مو مهم أهم شي انك رديت .. بس أنت شنو قاعد تقول حق روحك .. أشوف شفاتك تتحرك وتنزل دمعه من عينك
جاسم : اقول ( ابتسم واضحك تره الدنيا حلوه (
خلود : الله وايد حلو كلامك ..
جاسم : مشكورة هذا كلام اقص على روحي فيه ..
خلود : وليش تقص على روحك ..
جاسم : مو مهم تعرفين .. ولا ودي أقوله لأنه وايد يعذبني ..
خلود : على راحتك وعلى العموم انا كان ودي اتاسف لك على الي صار هذاك اليوم . جاسم : يعني انا ما كنت مضايقج ..
خلود : هي مو سالفت مضايقني بس كنت ..
جاسم : كنتي متزاعله مع محمد ..
خلود : لا حنا خلاص افترقنا .. وانا مو متحسفه عليه لأنه هو الخسران خسر قلب كان يحبه ..
جاسم : واليوم ..
خلود : اكره .. اكرها على كثر ما حبيته .. اكره .. والله اكره ..
جاسم : لا تحلفين الي يحب ما عمره يكره ..
خلود : والله اكره يا ..
جاسم : جاسم ..
خلود : عاشت الاسامي يا جاسم .. وانا اسمي خلود ..
جاسم : عاشت ايامج .. وعاشت الاسامي يا خلود ..
خلود : تسلم .. خلاص يا جاسم لو سمحت لا تذكرني فيه .. زين أبي اسئلك سؤالين ممكن ؟
جاسم : أي حاضر ..
خلود : انا كل مره اشوفك أشوف وياك كتاب هذا ماسكه وياك وتقعد تكتب فيه شنو تكتب ؟؟؟
جاسم : اكتب قصص .. هوايه من انا صغير نسيته فتره ورديت لها من سنتين ..
خلود : وشنو تكتب وليش رديت لي كتابه ؟؟
جاسم : اكتب اشياء وايد كل شي يخطر على بالي ... ورديت له من سنتين بسبت مرضي ..
خلود : سؤال ثاني ودي أقوله لك بس مستحيه ..
جاسم : لا قولي لا تخشين في قلبج ..
خلود : انت من متى على ..
جاسم : على الكرسي .. انتي شفتيني ..
خلود : أي مو انا كنت انطر ولما سكيت دريشتي أمك دشت غرفتك وأنت دشيت وراها وشفتك ..
جاسم : انا قبل ما كان فيني شي لين سنتين حاشني مرض قعدني على الكرسي هذا ما اقدر امشي منه الا بصعوبة ..
خلود : الله يشفيك ان شاء الله ..
جاسم : ان شاء الله ..
خلود : ممكن أشوف إلي انت تكتبه ..
جاسم : أي حاضر بس لحظه أبي اسمي كتاب .. وكتب عليه اسم ( فاقد الشي لا يعطيه ) .. زين شلون أعطيك ايها ..
خلود : حنا قريبين يم بعض حذفه علي وانا امسكه ..
جاسم : أخاف ما يوصل لج ..
خلود : ما عليك انت حذفه وانا امسكه ..
ويحذفه جاسم كتاب على خلود وتمسكه في أيدينها الثنتين وتضمه على صدرها
جاسم : اشوفه وصل لج ..
خلود : حمدالله والله كنت خايفه اني ما امسكه ..
جاسم : ايل أخليج تقرينه لأني لزم اخذ دواي وانام الحين وبكره عندي مراجعه لي مستشفى ..
خلود : طمني عليك .. وانا أبي اسهر عليه ..
جاسم : اوكي خلاص ايل تصبحين على خير
خلود : تلقى كل خير في ويهك ..
جاسم : هذه يديده ..
خلود : أي هذه علشانك بس ( ويحمر خدها خجل وتسكر الدريشه ) وتجلس على طرف سريرها وتفتح الكتاب واستغربت من عنوان فاقد الشي لا يعطيه ..

وافتحت الكتاب ومن اول سطر لقت روحها تمشي وراى الصفحات صفحه وراى صفحه وقصه وراى قصه ودموع من غير شعور تنزل من عينها وعلى خدها تجري ..
لين ما طلع الصبح ولقت روحها انتهت من أخر قصه وهي تنصدم من روحها لأنه تأثرت وايد في القصص ولا توقعت انها راح تبجي اهكثر .. كل القصص نهايتها حزينة
و حست من عنوان انه قصد منه ان جاسم فاقد الفرحه ولا قدر يعطيها لي ابطال القصه إلي يكتبها .. وحست بشعور انه انسان وايد طيب وحساس ومرضه اثر عليه وايد .. وغيرت ملابسها وراحت لي مدرسه .. ولما ردت من المدرسة وهي نعسانة ودها تنام قالت حق روحها خني أشوف جاسم رد ولا لين الحين .. وفتحت الدريشه

وشافت جاسم ينطرها ..
جاسم : انا حاس كنتي تبين تفتحين الدريشه الحين ..
خلود : وأنت شنو دراك ؟؟
جاسم : إحساس ..
خلود : تدري انك مسهرني من أمس ما نمت تميت أقرا القصص كله ولا خليت ولا سطر .. كلامك وايد حلو ومشاعرك صادقه .. ماشاء الله عليك والله موهوب ..
جاسم : لا شدعوا هي مجرد قصص اكتبها القصد منها تضيعت الوقت
خلود : جاسم عمرك حبيت ؟؟؟
جاسم : أي حبيبت نوره . وزينب . وريم . وبعد حبيت سميرة . وعشقت سعاد مثل ما عشقت مريم .
خلود : بس هذيل ابطال قصتك !!
جاسم : انتي ما لحظتي بكل القصص اسم بطل واحد ..
خلود : قصدك طارق .. أي صح ..
جاسم : انا حبيت هذيل كلهم وعشت في طارق تصدقين كان ودي انهي كل قصه في شي سعيد بس ما اقدر أمنحى السعادة وانا بنفسي فاقده ..
خلود : بس يا جاسم ..
جاسم : لا بس ولا شي لا تحولين تقنعيني ..
خلود : ما ادري شنو أقولك .. بس انا أخليك الحين وأشوفك بليل لأني وايد نعسانة ..
جاسم : على خير
خلود : تصك الدريشه وترد تفتحه بسرعه .. جاسم جاسم
جاسم : يفتح الدريشه .. نعم
خلود : نسيت اسئلك شنو سويت في المستشفى ؟؟
جاسم : ما سويت شي فحصوني مثل كل مره وصفوني مسكنات وقالوا راجعنا بعد شهر ..
خلود : بشفى ان شالله ..
جاسم : ان شاء الله ..
خلود : نشوفك بليل مع السلامة
جاسم مع السلامة ..

وتقوم خلود الساعه 9 ونص بليل وتركض لي دريشتها وتفتحها ولا تشوف جاسم قدامها ينطرها ..
خلود : من متى انت هني ؟؟
جاسم : انا هني من اول ما خليتني ..
خلود : شنووو
جاسم : أي والله تميت عند الدريشه من اول ما خليتيني .. انطرج ..
خلود : بينها وبين نفسها ( يا بعد عمري ) ما ادري شنو أقولك ..
جاسم : لا تقولين شي كلميني عن روحج انا لين الحين ما اعرف عنج شي
خلود : انا يا جاسم إنسانه مثل أي إنسانه في الدنيا حبيت واحد لكن للأسف طلع خاين
جاسم : بس هذا مو آخر العالم .. والحمد الله انج في اخير كشفتيه ..
خلود : حمدالله على كل خير وان شاء الله الله يعوضني في إلي أحسن منه ..
جاسم : ( يسكت وينزل رأسه ) لا يكون عبالج انا راح أكون ..
خلود : ( يحمر خدها خجل ) ومن قال .. ( وترتبك ) انا أصلا ما فكرت فيك ولا اهتميت لك وهي كله مجرد سوالف واذا تبي اسكر دريشتي ولا راح تسمع صوتي مره ثانيه ..
جاسم : ( يلف رأسه لي اتجه ثاني عن خلود ) يكون أحسن ..
خلود : انصدمت ولا قدرت تقول شي
جاسم : يلتفت لها والدموع على عينه .. انا آسف .. مع السلامه
خلود : جاسم لا تروح أبيك ..
جاسم : نعم ..
خلود : جاسم ممكن نكون أصدقاء .. ولا يكون غير هذا بينا .. انا محتاجه لك يا جاسم
جاسم : بس
خلود : هذه المرة لا بس ولا شي أقولها لك اسكت وخلني اكمل لا اهفك بكف في ويهك ( وتمسح دمعه من خدها وتضحك )
جاسم : يضحك .. ويقول لها الله يقطع ابليسج .. وهم انا بعد احتاج لج ..
خلود : خلاص كل واحد فينا محتاج لي الثاني .. انتهت المشكلة
جاسم : ايل خلاص .. أصدقاء ..
خلود : زين انت ما كلمتني على روحك ؟؟
جاسم : انا يا خلود وحيد أمي وأبوي مات من زمان انا ما شفته مات وانا توني صغير
خلود : الله يرحمه ..
جاسم : وكنت وايد متفوق في الدراسة لين تخرجت من ثانوي ولما دشيت جامعه ما خلصت غير كورس واحد وياني مرض .. وانا الحين على هذه حاله .. صار لي سنتين خلود : الله يشفيك ..
جاسم : زين انتي صج عندج أخوان ولا خوات ..
خلود : أي عندي اخت وحده وأمي منفصلة من أبوي صار لهم اربع أسنين ..
جاسم : ايل وين اختج ما اشوفه ..
خلود : والله اختي من ربع الانترنت اربع وعشرين ساعه في غرفته مقابله ..
جاسم : وانتي ما تدشين النت ؟؟
خلود : ولا أواطنه ..
جاسم : ( يضحك ) ليش؟
خلود : بس جي ..
جاسم : زين شلون ويه الدراسة ..
خلود : والله كل شي اوكي ما عاده ماده وحده ملعوزتني مكرهتني الدراسة ..
جاسم : شنو هي ؟
خلود : مادة الفلسفه ...
جاسم : الله يعينج والله .. شنو رايج اساعدج ..
خلود : بس شلون؟
جاسم : انتي باجر عليج هذه الماده ..
خلود : لا جاسم : ايل حذفي علي كتابج .. ولا عليج ..
خلود : لا يا جاسم ما ودي أعقدك ويها ..
جاسم : لا تعقيد ولا شي ..
خلود : شلون مو تعقيج وهي ام التعقيد كله ..
جاسم : انا أصلا كنت أدبي وكنت ماده هذه عندي سهله عطينيه واذا يتي من دوام اعطيج كتاب وانا ملخصه لج .. ومخطط عليه بعد ..
خلود : اوكي أبي أعطيك ايها ..
وتحذف كتاب خلود لي جاسم ويمسكه جاسم ..
خلود : ايل أخليك الحين أبي أنام ساعه الحين يت 12 بليل ..
جاسم : اوكي تصبحين على خير ايل ونشوفج باجر ..
خلود : اوكي مع السلامه
جاسم : مع السلامه

وقعد جاسم الصبح وجلس يفتح كتاب الفلسفه .. ويقرها فيه ويحول يلخص لكن
شاف اول حرف لي اسم محمد مكتوب في كل صفحه تقريبا .. وبدون شعور مسك القلم ومسح كل حرف لي محمد من الكتاب .. وتم يلخص الكتاب لي ساعه 5 العصر لين انهى المنهج كله .. وبعد التعب مسك جاسم الكتاب وضمه على صدره وتمدد على السرير .. وبعد لحظات سمع صوت دريشة خلود تفتح .. ويقوم ويحول انه يمشي بصعوبة الى كرسيه المتحرك ويتجه الى دريشته ويفتحها .. ولقى خلود ماسكه في أيدها ورده حمراء ..

جاسم : ( يطالع خلود ولا قدر يفرق من أحلى الوردة ولا خلود ) مساء الخير ..
خلود : هلا مساء النوير .. شلونك جاسم ..
جاسم : حمدالله طيب .. وانا توني الحين خلصت من تلخيص المنهج ما عليج الا تحفضين التلخيص .. وادعيلي بعدها ..
خلود : خني اشوف ايل حذفه علي ..
جاسم : ( يحذف كتاب الى خلود ) ديري بالج لا تطيحين
خلود : ( تمسكه ) ما عليك تراني أحسن وحده في الكويت تسد كتب ولا كتاب قدر يفلت مني ..
جاسم : ( يضحك ) ايل خوش .. تصلحين حارس مرمه ..
خلود : ( تفتح كتاب ) أي أف عليك .. ( تنطر الى كتاب ) والله ما ادري شنو أقولك جاسم : شنو ليكون ما قدرت الخص عدل اعذريني صار لي فتره .. والله سويت إلي قدرت عليه انا آسف
خلود : لالالا انت فهمتني غلط .. ما شاء الله عليك تلخيصك وايد حلو وهم خطك واضح حيل ..
جاسم : ( يحط أيده على قلبه ) أي شوه الحمد الله اني قدرت الخص لج عدل ..
خلود : وأحسن شي سويته ..
جاسم : شنو ؟
خلود : انك مستح اسم زفت محمد ..
جاسم : يسكت وينزل رأسه ويطالع لي اتجه ثاني
خلود : تعرف شنو أبي أحط بداله ..
جاسم : ( يلتفت لها ) شنو؟؟
خلود : لحظه .. وتكتب بخط عريض اسم جاسم على اول صفحه .. وتوره له ..
جاسم : شنو هذا ..
خلود : هذا اسمك .. هو يستاهل ان ينكتبه ( وتقول حق روحها والله اول ما كتبته كتبه على قلبي يا بعد قلبي (
جاسم : مشكورة ..
خلود : لا عادي كل يوم تعال ..
جاسم : ( يضحك لما دمعت عينه (
خلود : الله ضحكتك وايد حلوه ..
جاسم : بس مو أحلى من صوتج .. انا اول ما سمعته مدري شنو صار فيني ..
خلود : ( تستحي ) لا شدعوا ..
جاسم : أي والله يا خلود ..
خلود : تسلم وخلاص تراني ما فيني بعد تراني الحين اصدق عمري
جاسم ) : يضحك ) .. بس صدقيني بدون شعور لقيت روحي امسح حرف محمد ..
خلود : ليش مستحته صج ..
جاسم : لأنه ما يستاهل وحده مثلج ..
خلود : أي والله .. وانا اتحسف على كل لحظه مضيته ويه ..
جاسم : خلاص انسيه ولا تذكرينه لأنه ما يستاهل حتى تذكرينه
خلود : اوكي ..
جاسم : أي صج متى عيد الحب ..
خلود : بسرعه.. باجر .. و ليش تسال؟؟
جاسم : لأني ما عمري في حياتي ما عيدت فيه ..
خلود : وشنو ودك تعايد فيه ؟؟
جاسم : أي .. ودي ..
خلود : ( وهي تبتسم ) وحق منو الهديه راح تيب ..
جاسم : حق آمي ..
خلود : ( تبدلت ابتسامتها الى خيبت رجى ) اها .. زين تسوي تستاهل أمك ..
جاسم : وانتي راح تعطين هديتج حق منو؟؟
خلود) : بغضب ) طبعا حق أمي .. يالله جاسم اشوفك على خير ( وتسكر الدريشه ) وتجلس على الأرض وهي معصبه .. وتقول شنو فيها لو دز لي هديه ..

وفي ناحية ثاني يجلس يفكر جاسم شنو يجيب هديه وجت على باله انه يجيب دبدوب وباقة ورد صناعي .. وينزل من الشقة وهو يمشي وحط أيده على طوف العمارة وبكل صعوبة يجر خطواته والتعب يبين عليه .. لين وصل محل الهدايا إلي كان تحت العمارة ولما دخل محل شاف خلود واقفة محتارة شنو تشتري مدت أيدها على دبدوب لونه احمر وبين أيدينها قلب مكتوب فيه I love You وسرحت يد جاسم لها وقال لو سمحتي هذا لي ولما التفت خلود انصدمت و ارتبكة ولا قدرت تقول شي

جاسم : وهذه بعد باقة ورد صناعي ابي أخذه
خلود : وكل هذا حق أمك ..
جاسم : انا اكتشفت انه امي ما تحب هذه سوالف وتقول كل هذه خرابيط وانا على هذا راح اهديه لج انتي
خلود : حست روحها تطير من فرحه .. وحتى انا بعد امي ما تحب عيد الحب وعلى هذا انا راح أهديك هذا القلب الكرستالي ومكتوب اول حرف من اسمي K .. يالله انا ابي أروح وأشوفك باجر .. بليل ..
جاسم : ان شاء الله ..
وتطلع خلود بعد ما حاسبت على إغراضها .. ويصعد جاسم الدرج لأنه كان الاصنصير مسكر .. وبعد ما وصل لي لغرفته حس انه ما يقدر يمشي خطوه وحده .. وسقط على باب غرفته وبعد صعوبة قدرت أمه تشيله وتحطه على أفراشه وهي تعابته ليش نزل .. وهو ولا يقدر يأخذ نفس .. قال كان ودي ايب هديه يا يمه لي شخص عزيز علي .. وتطلع امه والدمعه على خدها حزن على ولدها ..

اليوم الثاني الساعه 10 بليل
جاسم : ( يفتح دريشته في نفس لحظه دريشة تفتح دريشة خلود (
خلود : جاسم وينك العصر ماشفتك ؟؟
جاسم : والله يا خلود ما قدرت أقوم من فراشي كله من التعب إلي تعبته بسبت الدرج وروحتي لي محل ..
خلود : انا أسفه يا جاسم ..
جاسم : لا يبه ما صار الا كل خير .. على فكره وايد عاجبني القلب مشكوره عليه خلود : وهم الدبدوب وايد حلو نومته وياي امس حظنته على صدري .. وباقة ورد حطيته يم راسي علشان كل يوم أجدد يومي فيها
جاسم : وحتى قلب الكرستال مالج حطيته يم راسي .. بس صج ما سئلتي روحج ليش شريتي ورود صناعيه مو طبيعيه ؟؟
خلود : مو مهم صناعي ولا طبيعي المهم منك ..
جاسم : لا مهم .. لانه طبيعي يذبل بسرعه إما صناعي يدوم ولو جاء يوم وذبل إلي في قلبي لج ما يذبل وحبي لج ما عمره يذبل
خلود : ( تسكت وتبتسم ( توك قدرت تقوله وانا هم احبك يا جاسم .. وكل عام وانت بخير يا حبيب عمري ..
جاسم : وانتي بخير يا عمري ..
كانت هذه ليله اسعد ليله لي جاسم وحس انه الدنيا صج حلوه وصار يتغنى ويه خلود في ( ابتسم واضحك تره الدنيا حلوه ) وتموا يقلونها لي بعض لين الفجر لين ما حرم بعضهم سلطان النوم ..

اليوم التالي المغرب ..
خلود : ( بصوت خفيف ) تنادي جاسم .. جاسم جاسم جاسم ..
جاسم : يفتح الدريشه . هلا خلود اعذريني كنت بره الغرفة ..
خلود : هلا بعمري شنو رأيك فيني وانا متزينة ولبسه أحلى ملابسي ..
جاسم : رووعه والله .. ما شاء الله عليج ..
خلود : مشكوره بس انا لبسه لأني ابي أروح لي عرس بنت خالي .. وقلت اول واحد راح يشوفني هو جاسم وترخص منه اني أروح .. والحين بعد إذنك ممكن أروح
جاسم : طبعا لا خلج وياي ..
خلود : خلاص ايل ابي اغسل ويهي وسكر الباب واقعد وياك لين الفجر
جاسم : تعالي وين رايحه اضحك وياج ..
خلود : جاسم والله لو بغيت اني اقعد اقعد .. هو بيني وبينك القعدة وياك تسوى الدنيا ومافيها ..
جاسم : بس هذه بنت خالتج ..
خلود : ويعني .. انت لا تعتبر انه في احد في الدنيا أحبه اكثر منك .. والله إلي خلقني وخلقك اني احبك انت اكثر شخص عندي في دنيا خلود لو حطوا ميزان وزنوا حب ناس كله بعضهم ووزنوا حبي لك انت لي صار حبي هو أثقل .. انت ما تعرف شكثر احبك .. شنو اسوي علشان اثبت اني احبك

جاسم : انج تروحين عرس بنت خالتك .. وتديرين بالج من عمرج وتقرين المعوذات قبل لا تدشين العرس .. تره عيون الناس ما ترحم يا حياتي
خلود : ان شاء الله .. وحاضره .. وما طلبت شي .. ويالله مع السلامه .. وأشوفك بليل جاسم : ان شاء الله بس لا تطولين علي انا راح أتم انطرج .. ولا راح ارتاح لين اشوفج ..
خلود : وانا ما راح أطول الساعه 10 ان شاء الله أكون هني ..
جاسم : ان شاء الله

وتروح خلود ويتم جاسم ينطرها عند الدريشه .. ولما يت ساعه 10 قالت خلود حق أمها انها راح ترد ويه السايق .. لكن امها رفضت لانه خايفه ترد خلود ويه السايق بروحها في لليل .. لكن خلود أصرت وراحت بدون لا تدري امها وردت ويه السايق .. وكان جاسم ينطرها عند الدريشه كان يروح ويرد في كرسيه وكانت خلود لحظتها تركض على الدرج لين توصل الى الشقة .. لكن كان جاسم مل من كثر ما نطر وقال حق روحه كيد ما راح تي وقام بصعوبة من كرسيه علشان يطفي ليت الغرفة .. ولا خلود تدش غرفتها بسرعه وتركض الى دريشتها وتفتحها .. وتشوف جاسم يبي يسكر الليت ..

خلود : جاســــــــــــم انا رديت ..
جاسم : التفت بسرعه وما قدر يوزن روحه ويطيح على ارض ..
خلود : جاسم جاسم!!!
جاسم : ( بصعوبة يقترب من الكرسي المتحرك وهو يزحف لين ما ارتكز على حافت السرير وجلس على الكرسي ) سوري بس انتي فاجئتيني
خلود : ( وهي حاطه أيدها على قلبها .. الله يأخذك قطعت قلبي .. لحظه خلني اقعد والله أحس روحي طلعت وريولي ما تشيلني ..
جاسم : لا سلامة قلبج يا يا بعد قلبي انتي ..
خلود : وانا ناقصة تخرع بروحي انا متخرعه ؟
جاسم : عسى ما شر حياتي شنو فيج..
خلود : يا عمري انا طلعت من العرس وأمي ما تدري علشان هي كانت رافضه ردتي بروحي ويه السايق ..
جاسم : زين ليش ما سمعتي كلام أمج !!!
خلود : ( وهي مبتسمة ومستحيه ) اول شي انا وعدتك اني أي الساعه 10 ولا اقدر اخلف وعدي ..
جاسم : لا والله .. قولي صج
خلود : صج صج ..
جاسم : أي صج صج ..
خلود : لأني كنت مشتاقة لك موت والله تولهت عليك ولا قدرت حسيت روحي انه الدقيقة مثل الساعه والساعة مثل السنة عنك يا حياتي .. ما ادري شنو سويت فيني خليتني احبك جي .. جاسم ..
جاسم : هلا
خلود : لو في كلمه اكبر من احبك جان قلتها لك بس يا حسافه ما فيه ... جاسم !! ترض في كلمة احبك من كل قلبي ويا ليت تبين كثر حبي لك ..
جاسم : ( ساكت (
خلود : جاسم .. شفيك ساكت
جاسم : خلود والله احبـــــــــــــج
خلود : يا بعد عمر خلود والله .. فديت عمرك والله ..
جاسم : وعمرك يا حياتي .. لحظه ابي اوريج شي .. (ويورح لي زاوية الغرفه ويجيب في أيده قفص ذهبي اللون وفيه عصفورين من عصافير الحب واحد لونه احمر والثاني لونه اخضر ) حياتي شوفي
خلود : الله روعه شحلاتهم ..
جاسم : هذه امي يابته لي اليوم بعد ما طلعتي على طول ..
خلود : وايد حلوين حياتي ..
جاسم : ولا وسميتهم بعد .. الي لونه احمر هي انتي خلود والي لونه اخضر انا جاسم خلود : عمري انت والله ..وان شاء الله والي جمع هذا عصفورين في قفص ذهبي .. يجمعنا في قفص حياتنا .. وتكون لي حقي بروحي واكون لك انت .. بس متى يارب
جاسم : حياتي عن قريب ان شاء الله وان شاء الله بعد ما ارجع من السفر ..
خلود : ( تقاطعه ) أي سفر ومتى راح تسافر ..
جاسم : هذه السفرة لي لندن راح أتعالج هناك .. وصفولي دكتور هناك متخصص مثل هذه الإمراض النادرة .. وراح أسافر بعد أسبوع ..
خلود : ( تسكت وتنزل الدمعة من عينها ( راح اشتاق لك وايد ..
جاسم : لا تبجين يا حياتي .. راح ارجع لج ان شاء الله
خلود : ان شاء الله ..
وتمشي ايام ثقال على خلود وهي تتحسف على كل لحظه تبتعد عنها عن جاسم لي درجه انها ما تنام غير ساعات قليله .. وكانت طول اليوم بقرب من جاسم تكلمه .. وهو يواسيها ويوعدها انه راح يرجع لها ..

ليــــــــــــــلة السفر ....

خلود : ( وهي تبجي ) راح تسافر يا جاسم ...
جاسم : والله يعز علي نفسي اني أخليج وراح اشتاق لج وايد .. بس شنو اسوي ..
خلود : بس راح اشتاق لك وايد وما ادري شنو راح يصبرني على أفراقك ..
جاسم : شوفي اذا اشتقي لي اقري من الكتب الي عطيتج ايها .. وراح تهون عليج
خلود : والله ما يهون علي احد غير شوفتك ..
جاسم : يا بعد عمري ما تخافين ما راح أطول .. بس حياتي عندي طلب .. من زمان كان ودي أقولها لج بس مستحي ..
خلود : يا عمري والله .. عيوني لك والله أمرني !!
جاسم : ابيج تغني لي !!
خلود : يا عمري بس هذا .. شنو تبين اغني لك ..
جاسم : أي شي تبينه ..
خلود : يا عمري .. راح اغني لك أغنيه حقت نوال .. غالي غالي
)وتغني (
غالي غالي لو يبعد مها يطول الصد ... شوفت جاسم ساعات عقب البطة تسعد
خلود : جاسم والله انك غالي .. علي وراح اشتاق لك وايد .. اعذرني ما اقدر اكمل .. ( وتبجي )
جاسم ( يغني ويحول ان دمعته ما تنزل)
غالية غالية لو تبعد مها يطول الصد :: شوفة خلود ساعات عقب البطه تسعد ..
خلود : يا عمري والله .. ( ويغنونها لي ساعات طويله لين ما انتصف الليل .. ) وارتاحت خلود شويه .. من ( الحزن)
جاسم : حياتي انا آسف بس لازم أنام انا الحين ,,
خلود : خلاص نام الحين وانا الصبح أقومك بس خل دريشتك فاتحه ..
جاسم : خلاص عمري لو قدرتي الساعه 8 الصبح قوميني علشان اقعد وياج شويه وبعدين أسافر الساعه 10 الصبح لازم أكون في المطار ..
خلود : يعني تقعد وياي بس ساعتين ..
جاسم : خلاص الساعه ست قوميني ..
خلود : يا عمري خلاص راح أتم سهرانه لين الساعه 6 الصبح ..
جاسم : لا عمري لا لازم تنامين ..
خلود : لا حياتي .. ابي اقعد اقره كتابك الي كاتبه .. واقعد أتخيل روحي انا بطلة القصه .. وحول في عقلي اني اعدل في نهاية وتكون سعيدة ..
جاسم : اذا جي اوكي .. يالله تصبحين على خير ..
خلود : وانت من أهل الخير ..

وتجلس خلود تحت الدريشه وتمسك الكتاب وتقره فيه .. لين ما نامت وهي جالسه وتقوم الساعه 9.30 على صوت العصافير الي في قفص جاسم وهي مفزوعة .. وتوقف على الدريشه .. ويطيح عينها على قفص عصافير وعصفور اخضر ميت وعصفوره الحمره تغرد في صوت عالي وحزين .. وتسقد بقرب من عصفور الخضر .. وتصيح خلود على جاسم الي متمدد على الفراش ..

خلود : جاسم جاسم ..

جاسم يا حياتي رد علي .. جاسم شفيك جاسم يا عمري .. رد روحي وتكلم .. يا جاسم .. جاسم وينك .. جاسم حياتي أمانه رد علي .. جاسم .. جاسم .. ليش ساكت ما ترد علي .. شفيك .. جاسم جاسم جاسم جاسم .. وتدخل ام جاسم على صوت صراخ خلود وتحرك جاسم من فراشه ولا يتحرك تحول تكلمه ما يرد عليها .. لانه قبل ساعات قليله قد طلعت روحها الطيبة من جسمه .. قبل لايسافر ويتعالج .. وتصارخ خلود وبغير شعور تسقط خلود من دريشتها من الدور ثالث الى ارض العمارة .. وتركض امها على صوت صراخ الى ارض عماره وتحول تشيله وتسعفها الى اقرب مستشفى ..

في غرفة العناية المركزة ..

دكتور : ام خلود .. الحمد الله بنتج تعدت مرحلة الخطر .. والرضوض الي فيها ممكن تتعالج وتروح مع الأيام .. بس
أم خلود : بس شنو يا دكتور ..
دكتور : بس خلود ما تقدر تمشي بعد مره هذه .. انا آسف حولنا على قدر ما نقدر بس ما في أمل تمشي على ريولها مره ثانيه ..

وتجلس تبجي ام خلود على حض بنتها الي تدمرت حياتها وهي في عمر الزهور ..
وبعد عدة أسابيع ترد خلود لي شقه وفي نفس اللحظة تسكر ام جاسم دريشة المرحوم جاسم وتعزل من الشقة .. وتدخل خلود غرفتها وتقول حق أختها و امها ان يخلونها بروحها .. وتحرك خلود كرسيها المتحرك الى دريشتها وتفتحها .. وملامح الحزن باينه عليها .. وتجلس تنظر الى دريشة جاسم .. وتمسك في يدها كتابه ويدها ثانيه على خدها وتنظر الى النافذه .. تنظر الى يجي اليوم الي يفتح فيه اسير النافذه نافذته

*** النهــــــــــــايهـ ***

الله يعطيك العافيه

يسلموووووووووو

تقبلوا مروري

سوسو

الله يعافيك
مشكووووووره على المرور


كل القلوب اطفال

وااو تجنن وتحزن مررة تجنن مشكورة اختي ع القصة الرروعة

ساحره الورد

يسلموووو يالغلا على المرور



كل القلوب اطفال

يسلموووووووووو والله القصه بكتنى

والله يعطيك العااااااااااااافيه ولا يحرمنى من قصصك الرااااااااااائع

وااااااااااااااو

رووووووووووووووووووووووعه

حزينة مرررررررررررررة