██▓▒░ ملتقى جمهور الشاعر (( خلف المشعان العنزي )) ░▒▓██

طلبتك لاتجافيني · 01-11-2008, 01:20 AM

السلام عليكم

ملتقـى جمهور الشاعر( خـلف المشعـان )

______________________________

خلف المشعان الغضيوري العقاري الفدعاني العنزي

ولد بحفر الباطن حاليا يسكن بالرياض ابنه الكبير موسى لقب بالداهية اشتهر بقصيدة صدر الشمالي له ديوان صوتي بعنوان غيوم التعابير

________________

من قصائد خلف

{ الغياب }

قالت : وشاحلى مايقول المحبين ؟
ساعة لقاهم بعد غيبه طويله

قلت : اصبري ، قالت : انا اقولك زين ؟
قلت : اتمنى ماتكوني بخيله

قالت : عسى موتي على يديك هالحين
ان كان قيلت بين خل وخليله

قلت : احبكيها صح ياقرة العين
قلبي يبيها صدق تشفي غليله

كن اصبعك طوّل بلفّ الجديـــله

! قالت : كليب !! وقلت : خير ! شتِقولين
قالت : رجع !! وشو شعور الجليله

قلت : اليمامه ! ماهي اقوى تحسين ؟؟
من يوم غاب جبير صارت هبيله

وشبك سكتي ؟ ليه قمتي تلفّيــــن
قالت : اخاف ان قلت تطلع ثقيله

أخاف اقول وكلمتي تجرح الدين !!
واشيل ذنبٍ مقدر اني اشيله

استغفر الله وين وصلتني ويـــــــن ؟
وانت تعرفني والاصيله أصيله

ضمت يديني .. قلت: توك تحنيــــــن
قالت يدينك بس ؟ هذي قليله

يوم احضنتني * دمّعت ، قلت : تبكين
قالت : اظن الدمع (أصدق وسيله)

ردّت ، وقالت : وشعذاب المحبـــين
قلت : الغياب ! وفي عيونك دليله

_________________________

خلف بشـاعر المليون

قصيدة خلف بشــاعر المليون

الشعـر فـي شرعـي فكروالفـكـر بالشـعـر الاصـيـل
نـهـج العـقـول الناضـجـه والعاقـلـيـن ادرابـهــا

مو شرط من يكتب شعر يدري عـن بحـور الخليـل
الــــي يــــداوي عـلـتــك لا تـبـلـشـه بسـبـابـهـا

احد(ن)على الحندا حدا واحد(ن) على الشله يشيل

كــلا عـلـى مايـكـرب بـيـوتـه يـمــس اطنـابـهـا

علـى سبيـل اهـل المثـل مانـي مـثـل اهــل السبـيـل
اللـي معانـي حضورهـا تشبـه معـانـي غيابـهـا

لا غبـت جبـت وعادتـي لاغبـت مـاارجـع بالهـزيـل
ان جبت اجيب اللي محد بالشعـر قبلـي جابهـا

تعشقني الفكره ..بكر..واسبـق لهـا الـوزن الثقيـل
اللـي بنـات افكـارهـم مبـطـي رمـيـت حجابـهـا

اهيـم فـي وادي الدهـاء واروي حديـث السلسبـيـل
يـوم (ن) غيـري جامـع كتـب الشعـر يقرابـهـا

مـابــا الـقـرايـه رايـــه بـيـضـاء ولا مـنـهـا ذبـيــل
لا روحـت خيـل الـطـرد تمـشـي عـلـى هذابـهـا

بعض المعاني وقوعها اشطر من السيـف الصقيـل
يـوم السيـوف مـن الهلـع تثقـل علـى قضابـهـا

ناس على الشعر دخلـت والشعـر بـي منهـم دخيـل
يقـول انـا بوجهـك عـن الهـزلـه وعــن كتابـهـا

ومـدام صـارت تشكـي العلـه مــن اسـبـاب العلـيـل
قــل للجمـاعـه تـرمـي اثيـابـاً مـاهــي بثيـابـهـا

ماهـي بلحيـه طشطشـه سيـل مـن العـارض يسيـل
اسـقـى جـبـال المملـكـه وسهولـهـا وهضـابـهـا

قنديـل ابــو ظـبـي ابـرقـت وعـيـون اهليـهـا تخـيـل
قولولـهـا عيـنـي لـهـا مبـطـي تـــرف اهـدابـهـا

مسـاكـم الله بــالادب والـــذوق والـشـعـر الـجـزيـل
مـن شاعـراً صـدره يسـع مكـه ومـن يسعابهـا

شاعـر شمالـي وقفتـه عــن لابـتـه تشـفـي الغلـيـل
يـدرى زعلهـا ويحمـى عنهـا ويخشـى اعتابهـا

فــي ميـلـه عقـالـه ثـقــه وبـفـطـره صـبــر جـمـيـل
يـحـسـب مـسـافـه صـيـدتـه وليـرمـهـا صـبـهـا

انــا البـديـل لعـمـر ابــن كلـثـوم لــو مـالــه بـديــل
لقامـت فحـول الشـعـر تفـخـر بطـيـب انسابـهـا

لا المستحـيـل يـردنــي ولا ابـــن عـــم المستـحـيـل
ياماكسـرت القاعـده واخلـفـت وجــه اعرابـهـا

صــدري لـيـا علـيـت عــلا وليستطـالـت يستـطـيـل
امــا اسـتـوت لــي كلـهـا والا بــلاش اشقابـهـا

عـنـدي قنـاعـه ظـلـهـا وافـــر ولـــي فـيـهـا مـقـيـل
مامشي وراء قالـوا قبـل واعيـش فـي جلبابهـا

مامن وراء زرع المثل في وقتنـا الحاضـر حصيـل
مـن طبـق امثـال الـعـرب فـهـذ الـزمـن يبلبـهـا

مــن ذل لــو قـالــوا سـلــم يـبـقـى بنـظـرتـم ذلـيــل
ماتستوي القمـه تحـت رجليـن مـن هـو هابهـا

ايـه الشجاعـه تغلـب الكثـره وانـا اعطـيـك الدلـيـل
الـذيـب يــدرع بالـغـنـم ولا يـحـسـب حسـابـهـا

جيـت بشمـوخ الوايلـي ماجيـت مـن تحـت الشليـل
ولا ردنـي عــن سـاحـه الشـعـار كـبـر القابـهـا

لو كـل مـن اسمـه جميـل مـن العـرب يطلـع جميـل
كان أكثر اسماء العرب تحمل صفات اصحابها

ولاينعـم بظـل النخـيـل الـلـي تـحـت جــذع النخـيـل
الشمـس تصقـع هامـتـه حـتـى يحـيـن غيابـهـا

ولا طولـت عمـر أدمـي قولـة عسـى عمـرك طويـل
طــول العـمـار وقصـرهـا رب العـبـاد ادرابـهــا

رح ردهـــا عـنــي وانـــا بـأكـبـر عواقـبـهـا كـفـيـل
ان كانـهـا كـذبـه فـأنــا بـيــن الـعــرب كـذابـهـا

ان الشجـاعـه تغـلـب الكـثـره وهـــذا اكـبــر دلـيــل
الـذيـب يــدرع بالـغـنـم ولا يـحـسـب حسـابـهـا

ياهلا بعشاق خلف ولي عودهـ

أرج ـــوحه · 01-11-2008, 01:33 AM

:24:

يآهلآآآآآآآآآبك زوووووووووود

ونآآآآآآآآآآآسه

أول رد خخخخخخخ<< اهم شئ

يعطيك الف الف عآفيه طلبتكـ

مسنتره مسنتره الله لايعوق بشر

شــاب · 01-11-2008, 01:51 AM

يعطيك العافيه طلبتك
يستاهل الشاعر خلف مشعان العنزي واكثر
مجهود تشكر عليه اخوي طلبتك

شــاب · 01-11-2008, 01:59 AM

تحيه طيبه لكم جميعاً ...//... محاوره جرت بين شبل الشمال
(( خلف المشعان ))

والشاعر (( حامد زيد ))

في احدى المنتديات وحبيت اني انقلها لكم هنا يعلها تعجبكم ...//...

(( خلف المشعان ))

تعال .. نتعلل ياحامد زيد
ودي بطاروق معك .. إذا سمحت ..
:

سلام من شبل الشمال .. افمحله
______________________ للشاعراللي مايبيله شهاده

كان انت حامد زيد .. فالحمد لله
______________________ والا الزياده ماعلينا زياده

.................................................. ...................

(( حامد زيد ))
خل السوالف بيننا مسفهله
______________________ يالشاعراللي تستحق الاشاده

ان جاك حامد جالك الشعر كله
______________________ لكن بوصيك التزم بالركاده

.................................................. ...................

(( خلف المشعان ))
يامرحبا... لا جيت نعطيك فله
______________________ نمدهالك لا بغيت بهواده

الشعر .. درب وصار كلٍ يدله..
______________________ لكن .. قليل اللي براسه قراده

.................................................. ...................

(( حامد زيد ))
ارحب وكلن مننا في محله
______________________ و الكل منا عارفن وش مراده

لو كل شاعر له جماعه وشله
______________________ انا الوحيد اللي وقفت بحياده

.................................................. ...................

(( خلف المشعان ))
لاتسبّــــــــــــق .. بسيفك علي وتسله
______________________ كل ٍ على ماقيل يركب جواده

لين .. نتلاقى .. وسط ميدان ( زله )
______________________ محدٍ معاي .. وناطرك .. بالحماده

.................................................. ...................

(( حامد زيد ))
قلنا وقلنا والسوالف ممله
______________________ عطني علومك لا تسولف زياده

باكر دوامي وانت لي صرت عله
______________________ اسهرتني وانا وراي الوساده

.................................................. ...................

(( خلف المشعان ))

بعض النخل .. ماهو على شوف ظله
______________________ اغرتني عذوقه .. وشفت السواده

اثر السواده .. فوق راسك مظله
______________________ متسلقي ٍ .. والله يرزق عباده

لا تسري القاف الله يطولي بعمرك ... مهو انا اللي يعلمك

.................................................. ....................
(( حامد زيد ))

لان البدايه كانت عندك فمن البديهي ان تكون النهايه عندي.... لذا:
=======================================
ما هو ب انا اللي في قوافيه خله
______________________ الشعر انا ملحه ومايه وزاده

اوثق قياده ... بحبري واحله
______________________ واقيده وارجع واحلل قياده

.................................................. ...................

(( خلف المشعان ))

سلمت .. سلمت .. يالذيب ..
الجايات اكثر

ابشر بمن يعقدلك حبالها عقـــْـد
______________________ فالمقبلات ... ان كان ربك .. كتبها

لو حاولوا فيها هل الشعر والنقـــــــد
______________________ لا من نصبها .. الشبل .. محد ٍ قربها

أرج ـــوحه · 01-11-2008, 02:12 AM

القصيدهـ اللي شآرك فيهآ شآعرنآ خلف ..

أسم القصيده / سكته شعريه

ولك / يسعد أبو ترثة هلك .. قلي .. وش اكتب فيك ؟؟
..... مادام الشعر .. من فرحة خفوقي .. صابته سكته
:
:
طبيعي .. مثل ماقلبي .. يحرّك نبضته .. طاريك
.... مسار الشعر في حكمك .. تقلّ .. وتكثر حركته
:
:
مثل مااغليك وافرح بك .. بعد يفرح بك ويغـليك
..... لذا أرجوك تستحـمل .. عبط شعري ، وصعلكته
:
:
( فشر ) يئدر .. بشر .. يحكي علينا هيك والا هيك
... شياطين الحكي ، تسكت .. اذا حضْرت ملايكـته
:
:
انا اكره ماعلي اكتب ( غزل ) لكن عشان ارضـيك
.... أبدخل مملكة غيري .. واباخذ .. عرش مملكته
:
:
عشانك بحرق اشباه القصيد .. بصاعـقه .. واسقيك
... زلال الشعر .. في قلبك .. عسى الله يطرح بركته
:
( تفشخر ) شاعرك ( جزل المعاني ) واعتقد يكفيك
....تملّك ( ذوقك الفاخر ) .. وفـ الآخر .. تملّكـته
:
:
لأنك .. تمتلك .. فوق المزايا .. موهبة تكـتيك
... قدرت تصيد لك .. طيرٍ .. يخمّ النقل .. بشبكته
:
:
ولأنك مختلف جداً .. ولا أية شعر .. يغريك
.... زرعت الخوف في ، قلب القصـيد وفعلا اربكته
:
:
ولأنك جيت شاريني .. قبل عرفي لزوم اشريك
.....هلابك بالخفوق اللي من الوحـشه .. تداركته
:
:
أحبك كثر ماودك تعرف .. شكثر افكر فيك ..!!
.... كثر مالنوم من عيني .. على ماقيل ( جمركته )
:
:
أنا من غير مااكتب بك قصايد ، ربنا حـاليك
... معاك الشعر يستسلم قبل .. لااخوض معركته
:
وهذي الشيله اللي طلبهآ حمد السعيد ..

يحليله .. دن حجيله / دن حجيله .. يحليله
يحليله .. دن حجيله / مدري وشلون التالي
:
:
:

قبل البدو تقصدها … / … وطرت علي الليــله
ماعرف وش تاليها / لكنــها ... في باااالي
:
:
:

عارف هو اللي عارف / والا مطر بعديله
( يبو قظاظه بيضا ) ../ ...ماعيبت شمـــــالي

:
:

هالحزن ماهو دايم .../ ... لو جاب لي كل حــيله
ربك يبي يفرجها /.. لكن !! .. بونّس حاااالي
:
:
:

وازعج لهم بالحنده … / .. صكــولها يجـــهيله
مال الزمن ( ياحصه ) .. / .. مامال غير عقااالي
:
:
:

كيدِ لهم .. بغني / ياناقض الجـــديله
والله لعمّـر سـلّــم ./.وارقى ع الضـــلع العالي
:
:
:

وارجع على موالي ... دِنْ دِنْ .. دَنّ حجيــله
باكر تشيب عيوني/ وأقولها .. لعـــيالي

مرجيحتكم ..

أرج ـــوحه · 01-11-2008, 02:16 AM

آخر مشآركه

تسلم ع نقل المجآرآة من أجمل شآعرين

يعطيك العآفيه

شــاب · 01-11-2008, 02:35 AM

الله يسلمك اختي ارجوحه

فعلا من اروع الشعّار

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري